2 Buṭrus 1:5 - Ṯarifiṯ 2020

⁵ Fa x ssabab-a wanitan, ggeṯ lmejhud nwem marra bac aḏ tarnim min iǧan ḏ aṣebḥan ɣar lʼiman nwem; ssenni arnim ṯusna ak manaya iǧan ḏ aṣebḥan;

2 Buṭrus 1:5 ပူးပေါင်းရင်းမြစ်များ

Luqa 16:26

U ƹaweḏ ḏinni ijjen n ȓaǧeɣ yuǧeɣ jaraneɣ. Ijjen ssanita meȓa ixes aɣarwem d iƹḏu war izemmar ca. Ijjen ssenni meȓa ixes aɣarneɣ d iƹḏu war izemmar ca.

Luqa 24:21

Neccin tuɣa netmenna belli ḏ netta iy ɣa isnejmen Ayṯ-Israʼil! Nhara ḏ wis ṯeȓtiyyam zeg wami iwqeƹ manaya.

Yuḥanna 6:27

War xeddmeṯ ca i ȓmakla ixessaren, xeḏmeṯ i ȓmakla itɣiman i ṯuḏarṯ n ȓebda. Ḏ ṯa ḏ ȓmakla ḏawem ɣa yuc Mmis n bnaḏem minzi wanita iḍbeƹ-iṯ Arebbi Babas s ṭṭabaƹ nnes."

1 Ayṯ-Kurinṯ 14:20

Lla ay ayṯma, war tfekkareṯ ca am iḥenjiren imezyanen. Iȓiṯ am iseyman ḏi ccarr; iȓiṯ am imeqqranen ƹlaḥsab ȓaƹqeȓ.

Ayṯ-Ufasus 5:17

Iwa war tiȓim ca bȓa ȓaƹqeȓ; Lla, fehmeṯ min ixes Siḏi Arebbi.

Ayṯ-Filippas 1:9

Ḏ ṯanita ḏ ṯẓaǧiṯ inu ataf aḏ tarni ȓemḥibbeṯ nwem ktar u ktar bac aḏ tessnem marra aḏ tmeyyzem marra.

Ayṯ-Filippas 2:12

Iḏen ay imƹizzen inu, mamc tuɣa ṯetṭaƹam ȓebda zi qbeȓ wami tuɣayi akiḏwem, amenni ƹaweḏ iy ɣa ḏayi ṯṭaƹem wami xawem ɣabeɣ. Iƹni aḏ teqqimem teggem lmejhud bac aḏ tkemmȓem mliḥ ḏeg usenjem nwem s yijjen n ṯiggwḏi ḏ yijjen n tarjiji.

Ayṯ-Filippas 4:8

Ɣar uneggaru ay ayṯma, min iǧan ḏ lḥaqiqa ḏ mindi iǧa ȓewqqar ḏ min iǧan iseggḏen ḏ min iǧan iṣfan ḏ min iǧan ḏ aṣebḥan ḏ min xaneɣ iƹizzen ḏ ayyi ṯamesȓayṯ ḏ ṯaṣebḥant aṭṭas aḏas nuc lqima itxeṣṣa kenniw aḏ tfekkarem ḏi ṯmesȓayin-a.

Ayṯ-Kulus 1:9

X manaya zi nhar nni wami tuɣa nesȓa neccin xawem, netɣima ntettar-as i Arebbi xawem bac aḏ tƹemmarem s ṯusna x ȓxaḍar n Arebbi s marra ȓƹaqeȓ ḏ ȓefhameṯ ig iticcen Arruḥ iqeddsen.

Ayṯ-Kulus 2:3

Ḏayes ḏi netta iy twasnuffaren marra ȓkunuz n ȓefhameṯ ḏ marra ȓkunuz n ṯusna.

Iƹibraniyen 11:6

Iwa uȓa ḏ ijjen war izemmar axas yareṭṭa Arebbi bȓa lʼiman. Minzi wenni iy ɣa qarrben ɣar Arebbi labud aḏ yamen belli netta iǧa u ḏ netta ig itjazan yinni iy xas irezzun s wuȓawen nsen.

Iƹibraniyen 12:15

Arrem-d ȓbaȓ nwem bac war itɣimi ḥadd war ixeṭṭeȓ ɣar arḍa n Arebbi, niɣ ƹaweḏ war iɣemmi can n uẓwar ḏ amerzag aḏ igg lmacakil aḏ iḍeyyeƹ aṭṭas n yiwḏan.

Iƹibraniyen 6:11

Nexs aḏ tḥawȓem kenniw s wuȓ kuȓ ijjen am qbeȓ bac aḏ tiȓim kenniw metʼakeddin ḏi lʼamal nwem aȓ uneggaru.

1 Buṭrus 3:7

Ay iryazen, amenni itxeṣṣa-yawem aḏ teggem ƹaweḏ, aḏ tƹicem ak ṯemɣarin nwem s yijjen n ȓefhameṯ jarawem. Ucem-as lqima i ṯemɣarṯ iǧan nettaṯ am ṯɣerrafṯ itrezzan ḏeɣya minzi ḏ niṯenti itwarraṯen akiḏwem lbaraka n ṯuḏarṯ. Ḥima war ḏinni tiȓi bu can n ȓḥajeṯ aḏ trez ṯẓaǧiṯ nwem.

2 Buṭrus 1:10

Iḏen ay ayṯma, ggeṯ lmejhud nwem ktar ƹaḏ bac aḏ tḍemnem aȓaɣi nnes ɣarwem belli netta ixḍar-ikenniw. Meȓa ṯeggim ṯimesȓayin-a, ataf ƹemmarṣ aḏ d tewḍam.

2 Buṭrus 1:11

Ataf aḏawem twassewjeḏ ƹaweḏ ijjen n ṯewwarṯ ḏ ṯaṣebḥant ɣar ȓmulk nnes war ifennin ca n Siḏiṯneɣ Ƹisa Lmasiḥ wenni iy ḏaneɣ isenjamen.

2 Buṭrus 3:14

X manaya ay imƹizzen inu, xmi ɣa ṯrajam kenniw i ṯmesȓayin-a ggeṯ lmejhud nwem bac akenniw yaf akiḏes ḏi ȓehna bȓa ȓewsex bȓa ȓƹib.

2 Buṭrus 3:18

Lla, aḏ tmarnim ḏi arḍa ḏ ȓefhameṯ n Siḏiṯneɣ Ƹisa Lmasiḥ iy ḏaneɣ isenjamen. Aɣares ṯiȓi lƹaḍama zi ȓexxu ḥetta aȓ Nhar nni war ifennin ca ƹemmarṣ. Amin.