2 Buṭrus 1:19 - Ṯarifiṯ 2020

¹⁹ Neccin ȓexxu ɣarneɣ awaȓen n lʼanbiya twaḍemmnen ktar zi min nefhem qbeȓ. Aḏ teggem mliḥ meȓa teggem ḏaysen array nwem am i yijjen n nnur itceƹciƹen ḏeg yijjen n ṯaǧest aȓ d ɣa iṣbeḥ Nhar nni aḏ d igaƹƹeḏ Yiṯri n ȓefjar ḏeg wuȓawen nwem.

2 Buṭrus 1:19 ပူးပေါင်းရင်းမြစ်များ

Matta 4:16

Ccaƹb-a iy izeddɣen ḏi ṯaǧest, aḏ iẓer ṯfawṯ ḏ ṯameqqrant. Yina izeddɣen ḏi ṯaǧest n ȓmewṯ aḏasen d imeḍhar nnur.>

Yuḥanna 5:35

Yaḥya yusa-d ḏ ȓefnar ireqqan itecriqen, kenniw ṯexsem aḏ tfarḥem can ȓiyyam s nnur nnes.

Yuḥanna 5:39

Ṯrezzum ḏi Lkutub kenniw tɣir-awem ḏaysen ṯuḏarṯ n ȓebda. Iwa uȓa ḏ yina cehhḏen xafi.

Yuḥanna 8:12

Issiweȓ ɣarsen ƹaweḏ Ƹisa inna-asen: "Nec ḏ nnur n ddunect. Wenni ḏayi ɣa iḏfaren ƹemmarṣ aḏ yuyur ḏi ṯaǧest, aɣares yiȓi nnur n ṯuḏarṯ."

Ȓexḏayem 15:29

Iƹni aḏ tbeƹƹḏem x lmakla itwaqeddmen i lʼaṣnam, ḏ iḏammen, ḏ min itwajeyyfen, ḏ lfasad. Meȓa ṯbeƹƹḏem x ṯmesȓayin-a wa ataf ṯeggim mliḥ. Akenniw iƹawen Arebbi."

Ȓexḏayem 17:11

Ayṯ-Birya niṯni ḥsen zeg Ayṯ-Salunik, qebbȓen awaȓ n Arebbi ḏeɣya s ȓefraḥeṯ. Qqaren ḏi Lkutub kuȓ nhar bac aḏ ssnen awaȓ nni iy qqaren Bulus ḏ Silas ma ḏ ṣṣaḥ niɣ lla.

Iƹibraniyen 2:2

Cuf, Ccariƹa nni n Musa tuɣa uwint-tid lmalaʼikaṯ, tseyṭar xaneɣ tƹaqab-aneɣ iƹni meȓa neƹṣa niɣ meȓa war nṭiƹ ca.

Yaƹqub 2:8

Ȓuṣiyeṯ n Uzeǧiḏ izeǧiḏen iy d yusin ḏi Lkitab ṯeqqar: "Aḏ texseḏ ajjar nnec amecnaw ixef nnec." Kenniw aḏ teggem mliḥ meȓa ṯxeddmem zzayes.

1 Buṭrus 1:10

X usenjem-a wanita ssiwȓen xas lʼanbiya, iƹni arḍa nni iy tuɣa ḏawem d ɣa imeḍharen. Niṯni rezzun xas mliḥ tfettacen xas aṭṭas.

1 Yuḥanna 5:10

Wenni ɣa yamnen zi Mmis n Arebbi ataf aɣares ṯiȓi chaḏeṯ-a ḏeg wuȓ nnes. Wenni war yuminen ca zi chaḏeṯ-a n Arebbi ataf aṯ yarr ḏ bu-ixarriqen waha ȓaḥeqqac netta war yumin ca zi chaḏeṯ-a ig icheḏ ƹlaḥsab Mmis.

3 Yuḥanna 1:6

Cehḏen xak ḏanita zzaṯ i jmaƹeṯ x ȓemḥibbeṯ nnec. Aḏ teggeḏ mliḥ ƹaweḏ meȓa ṯdebbareḏ xasen x ubriḏ nsen ƹlaḥsab min iteḥḏaja Arebbi.

Lwaḥi 2:28

Aḏas uceɣ iṯri n ȓefjar.

Lwaḥi 22:16

Ḏ nec Ƹisa ssekkeɣ-d lmalak inu ḥima aḏawem icheḏ x ṯmesȓayin-a ḏi ṯjumaƹ n ȓmuminin. Nec ḏ lʼaṣel n Dawed u zi ddurriṯ nnes. Nec ḏ iṯri n ȓefjar itceƹciƹen."