2 Buṭrus 1:17 - Ṯarifiṯ 2020

¹⁷ Ȓaḥeqqac Arebbi Babaṯneɣ isemɣar-iṯ yuca-as lƹaḍama wami ɣares d tenṭeq ṯmijja nni zi lƹaḍama yuƹȓan ṯenna-aneɣ: Qa ḏ wanita ḏ Mmi iƹizzen, nec farḥeɣ zzayes.

2 Buṭrus 1:17 ပူးပေါင်းရင်းမြစ်များ

Matta 12:18

<Ḏ wanita ḏ axeddam inu ig ixḍareɣ, wenni iy xafi iƹizzen iy xef arḍiɣ. Aḏayes ggeɣ Arruḥ iqeddsen, aḏ ixebbar yinni zi ȓegnus s ȓḥaqq.

Matta 17:3

Imeḍhar-asen-d ḏinni nnabi Ilyas ḏ nnabi Musa. Twaȓan-ṯen ssawaȓen ak Ƹisa.

Matta 17:5

Ƹaḏ issawaȓ Buṭrus ihwa-d xasen yijjen n useynu itseqsiq. Ṯendeq-d ijjen n ṯmijja zeg useynu nni ṯenna-asen: "Qa ḏ wanita ḏ Mmi iƹizzen, nec farḥeɣ zzayes. Ṣennṭeṯ ɣares."

Matta 28:19

Iwa ruḥeṯ ɣar yiwḏan n marra ȓegnus, arrem-ṯen ḏ imeḥḍaren inu. Ṭehharem-ṯen s waman s yisem n Baba ḏ Mmis ḏ Arruḥ iqeddsen.

Matta 3:17

Ssenni iȓaɣa-d ijjen n ṣṣut zeg ujenna inna-d: "Wa ḏ Memmi iƹizzen, nec farrḥeɣ zzayes."

Marqus 1:11

Ḏ ijjen n ṯmijja zeg ujenna ṯeqqar: "Cek ḏ Memmi iƹizzen, nec farrḥeɣ zzayek."

Marqus 9:7

Yusa-d ijjen n useynu ihwa-d xasen. Ṯendeq-d zzayes ijjen n ṯmijja ṯenna-asen: "Qa ḏ wanita ḏ Mmi iƹizzen, ṣennṭeṯ ɣares."

Luqa 10:22

Immuc-ayi kuȓci zi Baba. War issin ḥadd min iƹna Mmis menɣir Babas. War issin ḥadd min iƹna Babas menɣir Mmis. Babas, aṯ ssnen ɣir yinni umi ixes Mmis aḏasen ṯiḏ ismeḍhar."

Luqa 3:22

ihwa-d Arruḥ iqeddsen ḏi ṣṣifeṯ n ṯeḏbirṯ yarsa-d x Ƹisa. Ḏ ijjen n ṯmijja zeg ujenna ṯeqqar-as qa cek ḏ Memmi iƹizzen, nec farrḥeɣ zzayek.

Yuḥanna 10:36

Ma ṯeqqarem i wenni ixḍar Baba issekk-iṯ-iḏ ɣar ddunect cek ṯenniḏ lbuhtan x Arebbi minzi nniɣ nec ḏ Mmis n Arebbi?

Yuḥanna 14:11

Amnem-ayi nec aqayi ḏi Baba, Baba aqaṯ ḏayi, niɣ amnem zi ȓexḏayem nni s yixef nsent.

Yuḥanna 14:6

Indeq-d Ƹisa inna-as: Nec ḏ abriḏ, nec ḏ lḥaqiqa, nec ḏ ṯuḏarṯ. War d itis uȓa ḏ ijjen ɣar Baba illa zzayi.

Yuḥanna 17:21

Ḥima aḏ iȓin marra ḏ ijjen a Baba, am cek aqac ḏayi nec aqayi ḏayek. Ḥima aḏ iȓin niṯni ƹaweḏ ḏ ijjen ḏayneɣ. Ḥima aḏ amnen yiwḏan qa ḏ cek iy ḏayi d issekken.

Yuḥanna 20:17

Inna-as Ƹisa: "War ḏayi teṭṭef ca, qa nec ƹaḏ war gaƹƹḏeɣ ca ɣar Baba. Ruḥ ɣar ayṯma inu, in-asen qa nec aḏ gaƹƹḏeɣ ɣar Baba ḏ Babaṯwem, ɣar Arebbi inu ḏ Arebbi nwem."

Yuḥanna 3:35

Babas iƹizz xas Mmis, igga-as kuȓci ḏeg ufus nnes.

Yuḥanna 5:20

Babas itexs Mmis, isbeyyan-as marra min itegg. Aḏas isbeyyen ȓexḏayem ṯimeqqranin x ṯmesȓayin-a ḥima aḏ tƹejjbem!

Yuḥanna 5:26

Am Babas ɣares ṯuḏarṯ ḏeg yixef nnes, ammu iy ḏas yuca i Mmis aɣares ṯiȓi ṯuḏarṯ ḏeg yixef nnes.

Yuḥanna 6:27

War xeddmeṯ ca i ȓmakla ixessaren, xeḏmeṯ i ȓmakla itɣiman i ṯuḏarṯ n ȓebda. Ḏ ṯa ḏ ȓmakla ḏawem ɣa yuc Mmis n bnaḏem minzi wanita iḍbeƹ-iṯ Arebbi Babas s ṭṭabaƹ nnes."

Yuḥanna 6:37

Marra min ḏayi d iticc Baba itas-d ɣari. Wenni iy d itasen ɣari war ṯ siggwijeɣ ca.

Yuḥanna 6:39

Min ixes wenni iy ḏayi d issekken? Ixes belli zi marra min ḏayi yuca war ḏayi itweddar uȓa ḏ ijjen, aṯen d sekkareɣ ḏi Nhar Aneggaru.

Ayṯ-Ruma 15:6

bac aḏ tḥemḏem Arebbi Babas n Siḏiṯneɣ Ƹisa Lmasiḥ s yijjen n array ḏ yijjen n uqemmum.

2 Ayṯ-Kurinṯ 1:3

Aḏ itwabarek Arebbi Babas n Siḏiṯneɣ Ƹisa Lmasiḥ. Netta ƹaweḏ ḏ Babas n arraḥmeṯ ḏ netta ḏ Arebbi ig itƹawan marra iwḏan.

2 Ayṯ-Kurinṯ 11:31

Wenni itwabarken i ȓebda iƹni Arebbi Babas n Siḏiṯneɣ Ƹisa, issen illa nec qqareɣ lḥaqiqa.

Iƹibraniyen 1:3

Netta ḏ nnur n lƹaḍama n Arebbi ḏ ṣṣifeṯ n ṭṭabiƹa nnes bȓa axeṭṭi. S jjheḏ n wawaȓ nnes iy zi irebbu marra ṯimesȓayin. Wami iḥell ȓmuƹṣiyaṯ n bnaḏem issiṣfa-ṯent, ssenni iqqim x ufusi n Arebbi Subḥana wa Tƹala.

2 Yuḥanna 1:3

Ƹlaḥsab lḥaqiqa ḏ ȓemḥibbeṯ akiḏneɣ yiȓi arḍa ḏ arraḥmeṯ ḏ ȓehna zi Arebbi Babaṯneɣ ḏ Ƹisa Lmasiḥ wenni iǧan ḏ Mmis n Babaṯneɣ.

Yahuḏa 1:1

Nec ḏ Yahuḏa ḏ axeddam n Ƹisa Lmasiḥ, nec ḏ umas n Yaƹqub. Tariɣ ṯabrat-a i yinni iy d itwaȓaɣan, itḥibba-ṯen Arebbi Babaṯneɣ, iḥeṭṭa-ṯen Ƹisa Lmasiḥ.