2 Buṭrus 1:12 - Ṯarifiṯ 2020

¹² Iḏen fa, akenniw sfekkareɣ ȓebda x ṯmesȓayin-a waxxa ṯessnem-ṯent kenniw mliḥ qa ṯbeddem x dsas n lḥaqiqa-ya iy ɣarwem ȓexxu.

2 Buṭrus 1:12 ပူးပေါင်းရင်းမြစ်များ

Ȓexḏayem 16:5

Amenni ṯijumaƹ n ȓmuminin tejhiḏent ḏi lʼiman, kuȓ nhar yarenni lƹadad nsent.

Ayṯ-Filippas 3:1

Ȓexxu ay ayṯma aḏ kemmȓeɣ, farḥeṯ s Siḏiṯneɣ! War ɣari bu lmuckil aḏawem ƹawḏeɣ ṯimesȓayin-a s ṯira, kenniw ƹaweḏ azzaysent twaḥḍam zi lxaṭar.

Ayṯ-Kulus 1:5

Lʼiman-a ḏ ȓemḥibbeṯ-a tasen-d zi lʼamal nni itwaxemmȓen i kenniw ḏeg ujenna. Tuɣa ṯesȓim xas ḏeg wawaȓ n ȓḥaqq iƹni ḏi Lʼinjil iy ɣarwem d yuwḍen. Ḏi marra ddunect-a Lʼinjil-a itarew itemɣar, mamc ƹaweḏ ixeddem jarawem zeg wami iy ḏas ṯesȓim ṯfehmem ḏ ṣṣaḥ arḍa n Arebbi.

Ayṯ-Kulus 2:7

Itxeṣṣa-kenniw aḏ tiȓim ṯebnam x ḏsas nnes mliḥ, aḏ tiȓim ṯjehḏem ḏi lʼiman nwem mammec iy kenniw seȓmaḏen, aḏ tiȓim tenfeyyaḍem s ccuker.

1 Timutawus 4:6

Ṯimesȓayin-a meȓa ṯesbeyyaneḏ-ṯent-id i ayṯmaṯneɣ aḏ tiȓiḏ cek ḏ ijjen n uxeddam ḏ aṣebḥan n Ƹisa Lmasiḥ, aḏ tiȓiḏ twarebbiḏ s wawaȓen n lʼiman ḏ ttaƹlim nni aṣebḥan iy ṯḏeffareḏ cek.

2 Timutawus 1:6

X manaya ac fekkareɣ bac aḏ tsenhezzeḏ lqudra nni iy ḏayec iǧan zi Arebbi ƹlaḥsab wami xac serseɣ ifassen inu.

Iƹibraniyen 10:32

Fa ƹeqȓeṯ x wussan nni iƹḏun wami xawem d iceƹceƹ nnur. Ṯeṣbarem x yijjen n umenɣi iqseḥ, ṯwajham aƹeddeb.

Iƹibraniyen 13:9

Arrem-d ȓbaȓ nwem bac war tḏeffarem ca lʼanwaƹ n useȓmeḏ feckel. Cuf, ḏ lemliḥ aḏ ijheḏ wuȓ nneɣ s arḍa maci s lmakla ddiniya, yinni iy t itetten war zzayes stenfiƹen ca.

1 Buṭrus 5:10

Ataf aḏ twaƹeddbem cwayt n ȓweqṯ ȓexddenni akenniw isreyyeḥ Arebbi nneɣ iy ḏi iǧa marra arḍa ḏ netta iy ḏawem d iȓaɣan ɣar lƹaḍama nnes war ifennin ca ḏi Lmasiḥ. Akenniw isbedd, akenniw isejheḏ, akenniw igg x dsas.

1 Buṭrus 5:12

Uriɣ-awem-d ṯabrat-a ṯamezyant x ufus n Silwan ḥessbeɣ-ṯ nec am umaṯneɣ ḏayes ttiqeṯ. Tcejjaƹeɣ-kenniw, cehhḏeɣ min qqareɣ manaya ḏ arḍa n Arebbi ḏ ṣṣaḥ. Beddem ḏayes nican.

2 Buṭrus 1:13

Nec meȓa ƹaḏ qqimeɣ ddareɣ ḏi ddat inu, tḥessabeɣ-ṯ ḏ lwajib akenniw sfekkareɣ x manaya.

2 Buṭrus 1:15

U nec labud aḏ ggeɣ marra lmejhud inu bac aḏ tzemmarem aḏ tƹeqȓem menbaƹd x ṯmesȓayin-a xmi ɣa ffɣeɣ nec zi ddunect-a.

2 Buṭrus 3:1

Ay imƹizzen inu, ṯabrat-a ḏ wis ṯnayen ȓexxu iy ḏawem d uriɣ. S ṯnayen iḏsent sfekkareɣ-kenniw tcejjaƹeɣ-kenniw s ȓaƹquȓaṯ nwem aḏ tiȓim ṯeṣfam.

2 Buṭrus 3:17

Iḏen ay imƹizzen inu, kenniw ṯessnem manaya, ḥḍaṯ ixef nwem bac war kenniw itawi ca lɣalaṭ n lmufsidin aḏ d tewḍam zi dsas nwem.

1 Yuḥanna 2:21

Tariɣ-awem-d ȓaḥeqqac ṯessnem lḥaqiqa maci war t ṯessinem ca. U ƹaweḏ war iǧi bu can uxarriq iy d yusin zi lḥaqiqa.

2 Yuḥanna 1:2

Manaya ƹlaḥsab lḥaqiqa ig izeddɣen ḏayneɣ aḏ tiȓi akiḏneɣ i ȓebda.

Yahuḏa 1:17

Fa kenniw ay imƹizzen inu, fekkareṯ min tuɣa qqaren zi qbeȓ arrusul n Siḏiṯneɣ Ƹisa Lmasiḥ.

Yahuḏa 1:3

Ay imƹizzen inu, tuɣa rzuɣ aḏawem ariɣ x ubriḏ nni iy zi nnejjem neccin iy ḏi ncarrec marra, walakin ufiɣ u labud aḏawem ariɣ ṭṭalab-a ḥima aḏ tmenɣem x lʼiman-a iy zi twakellfen ṣṣaliḥin ḏeg yijjen n ṯwaȓa i ȓebda.

Yahuḏa 1:5

Waxxa ssneɣ belli ṯessnem manaya, xseɣ akenniw sfekkareɣ mliḥ belli Siḏiṯneɣ ifekk ccaƹb nnes zi Miṣra, walakin menbaƹd yinni war yuminen ca imḥa-ṯen qaƹ.