2 Buṭrus 1:11 - Ṯarifiṯ 2020

¹¹ Ataf aḏawem twassewjeḏ ƹaweḏ ijjen n ṯewwarṯ ḏ ṯaṣebḥant ɣar ȓmulk nnes war ifennin ca n Siḏiṯneɣ Ƹisa Lmasiḥ wenni iy ḏaneɣ isenjamen.

2 Buṭrus 1:11 ပူးပေါင်းရင်းမြစ်များ

Matta 25:34

Ȓexddenni yinni iǧan x ufusi aḏasen yini uzeǧiḏ-a: A yinni iy ḏi igga Baba lbaraka araḥem-d kenniw warṯem ȓmulk iy ḏawem isewjeḏ zeg wami ṯeǧa ddunect.

Yuḥanna 10:10

Netta aceffar itas-d ɣir aḏ yacar aḏ ineɣ aḏ ihḏem. Nec usiɣ-d ḥima aɣarsen ṯiȓi ṯuḏarṯ nni n ṯuḏarṯ bȓa ȓeqyas.

Ayṯ-Ruma 2:4

Niɣ ṯseḥqareḏ lḥanana imɣaren n Arebbi ḏ ṣṣbar nnes ḏ ȓxaḍar iy ɣares? Ma war ṯessineḏ Arebbi s lḥanana nnes irezzu ac d isbeyyen abriḏ bac aḏ tubeḏ?

1 Ayṯ-Kurinṯ 15:24

Ṯumma aḏ yiȓi ȓefna n ddunect-a. Lmasiḥ aḏ iqḍa x marra ȓeḥkam ḏ ȓmexzen ḏ jjheḏ ig iǧan, ṯumma aḏ ijj ȓeḥkam nni nnes i Arebbi Babas.

2 Ayṯ-Kurinṯ 5:1

Cuf, neccin nessen meȓa irez uqiḍun-a iƹni ddat nneɣ n ddunect-a, ataf ɣarneɣ ijjen n ṯzeddiɣṯ nneɣni zi Arebbi. Ṯaddarṯ nni war ibnin ca s ifassen tduma i ȓebda.

Ayṯ-Ufasus 3:20

Iwa Siḏi Arebbi ḏ netta iy izemmaren aḏ igg aṭṭas s waṭṭas zi min ḏas ntettar niɣ ḏ min netxeyyal ƹlaḥsab jjheḏ nnes iy ixeddmen ḏayneɣ.

1 Timutawus 6:17

Yinni ig iǧan ḏ twajar ḏi ddunect-a iy ḏi neǧa tweṣṣa-ṯen bac war ḏaysen itiȓi ca ttakebbur bac war teggen ca lʼamal nsen ḏeg wagȓa ḏi war ṯeǧi bu ttiqeṯ. Lla, aḏ yiȓi lʼamal nsen ḏi Arebbi wenni iy ḏaneɣ itḏebbaren marra ṯimesȓayin s ȓxir azzaysent nfareḥ.

2 Timutawus 4:18

Aḏayi isefȓeṯ Siḏiṯneɣ zi mkuȓ ṯamesȓayṯ ḏ ṯaƹeffant aḏayi isenjem ɣar ȓmulk nnes iǧan ḏeg ujenna. Aɣares ṯiȓi lƹaḍama i ȓebda n ȓebdaṯ. Amin.

2 Timutawus 4:8

Ssa aȓ ṯsawent itraja-ayi ijjen n ttaj n ṣṣulḥ ag Arebbi wenni iy ḏayi ɣa yuc Siḏiṯneɣ iy iǧan ḏ lqaḍi nican; Aḏayi-ṯ yuc ḏi Nhar nni n Lḥisab. Maci aḏayi-ṯ yuc i nec waha; Lla, aṯ yuc i marra yinni itexsen Nhar nni iy ḏi d ɣa imeḍhar.

Iƹibraniyen 6:17

X manaya iḍmen Arebbi manayenni s yijjen n ṯjaǧiṯ i yinni iy ɣa iwarṯen min zi ṯen iwƹeḏ. Iƹni ixes aḏasen d iseḍhar mliḥ ṭṭabiƹa n lɣaraḍ nnes ƹemmarṣ aḏ twabeddeȓ.

2 Buṭrus 1:1

Nec ḏ Simƹan Buṭrus ḏ ijjen n ȓƹabḏ n Ƹisa Lmasiḥ ḏ arrasul nnes. Tsekkiɣ-d ṯabrat-a i yinni iqebȓen nnefs n lʼiman am wenni iy neqbeȓ neccin s ṣṣulḥ nni n Arebbi ḏ Ƹisa Lmasiḥ wenni iy ḏaneɣ isenjamen.

2 Buṭrus 1:5

Fa x ssabab-a wanitan, ggeṯ lmejhud nwem marra bac aḏ tarnim min iǧan ḏ aṣebḥan ɣar lʼiman nwem; ssenni arnim ṯusna ak manaya iǧan ḏ aṣebḥan;

2 Buṭrus 2:20

Cuf, iṯarrasen-a meȓa tuɣa ssnen Siḏiṯneɣ Ƹisa Lmasiḥ arewȓen zi ȓewsex n ddunect-a ssenni ƹaweḏ ƹeqben-d ḥnunnḍen ḏayes iḏweȓ iḥekkem xasen, ataf aneggaru nsen iqseḥ ktar zeg umezwaru nsen.

2 Buṭrus 3:18

Lla, aḏ tmarnim ḏi arḍa ḏ ȓefhameṯ n Siḏiṯneɣ Ƹisa Lmasiḥ iy ḏaneɣ isenjamen. Aɣares ṯiȓi lƹaḍama zi ȓexxu ḥetta aȓ Nhar nni war ifennin ca ƹemmarṣ. Amin.

Lwaḥi 3:21

Wenni ɣa irebḥen aṯ jjeɣ akiḏi iqqim x lƹarc inu, am rebḥeɣ uȓa ḏ nec qqimeɣ ak Baba x lƹarc nnes.

Lwaḥi 5:10

Ṯeggiḏ zzaysen ijjen n lmemlaka n ȓfuqaha i Arebbi nneɣ, aḏ ḥekkmen ḏi ṯmurṯ."