2 Ayṯ-Kurinṯ 9:5 - Ṯarifiṯ 2020

⁵ S manaya ufiɣ u labud aḏ cejjƹeɣ ayṯmaṯneɣ yina iy ḏayi d izwaren ɣarwem zic bac aḏ ƹeḏȓen marra x ṣṣaḏaqa-ya ṯameqqrant iy zi ḏayi ṯƹahḏem zi qbeȓ. Ammu aḏ tiȓi ṣṣaḏaqa-ya mujuda s wuȓawen nwem maci s bessif.

2 Ayṯ-Kurinṯ 9:5 ပူးပေါင်းရင်းမြစ်များ

1 Ayṯ-Kurinṯ 16:2

Ḏi nhar amezwaru n kuȓ simana, kur ijjen zzaywem itxeṣṣa-yas aḏ ikkes ca n tmenyaṯ ƹlaḥsab lmanḍa nnes aṯent ixemmeȓ. Maci aȓ d ɣa aseɣ nec ƹaḏ aḏ tebḏam aḏ tesmunem tmenyaṯ-a.

2 Ayṯ-Kurinṯ 8:6

Amenni iy nweṣṣa Titus wami tuɣa ibḏa ijemmeƹ zi qbeȓ ȓxir n ṣṣaḏaqa-ya zzaywem, ȓexxu nweṣṣa-ṯ at ikemmeȓ.

2 Ayṯ-Kurinṯ 9:3

U ssekkeɣ-d ɣarwem ayṯmaṯneɣ Titus ḏ ṯnayen-a nneɣni bac lʼiftixar nneɣ ḏaywem war itiȓi ca ḏ ȓbaṭeȓ waha, ataf aḏ tiȓim ṯsewjaḏem mammec tuɣa ḏasen nniɣ nec.

2 Ayṯ-Kurinṯ 9:6

Fekkareṯ, wenni ɣa izerƹen ḏrus aḏ imjar ḏrus. Wenni ɣa izerƹen aṭṭas aḏ imjar aṭṭas.

Ayṯ-Filippas 4:17

Walakin nec war rezzuɣ ca aḏayi ṯucem ca n ȓḥajeṯ, nec rezzuɣ min ɣa yarnin ḏi lʼajar nwem ak Arebbi.