2 Ayṯ-Kurinṯ 9:15 - Ṯarifiṯ 2020

¹⁵ A neḥmeḏ Arebbi x lhadiya nni nnes, war nzemmar at newṣef.

2 Ayṯ-Kurinṯ 9:15 ပူးပေါင်းရင်းမြစ်များ

Luqa 2:14

"Lƹaḍama i Arebbi Yuƹȓan, ḏ ȓehna n yinni ḏi ṯmurṯ mixef irḍa."

Luqa 2:38

Ḏi ȓweqṯ nni ṯusa-d ṯḥemmeḏ Arebbi ṯessiweȓ x uḥenjir nni ak marra yinni itrajan nhar nni ḏi ɣa ifekk Arebbi Lquds.

Yuḥanna 1:16

S lbaraka nnes ṯameqqrant ibarek-aneɣ marra s arḍa x arḍa.

Yuḥanna 3:16

Wami iḥibb Arebbi ddunect-a, ihḏa-yas Mmis aweḥḏani ḥima wenni zzayes ɣa yamnen war ifenni ca aɣares ṯiȓi ṯuḏarṯ n ȓebda.

Ayṯ-Ruma 5:15

Walakin ȓmuƹṣiyeṯ n Adam war nzemmar at nmeṯṯel ak lhadiya n arḍa n Arebbi. Cuf, ijjen n bnaḏem, netta ḏ Adam, iƹṣa Arebbi yuwi-d ȓmewṯ i marra yiwḏan. Ȓexxu mecḥaȓ imɣar arḍa n Arebbi ḏ lhadiya iy d infeyyḍen x yiwḏan s arḍa n yijjen n bnaḏem nneɣni netta ḏ Ƹisa Lmasiḥ.

Ayṯ-Ruma 6:23

Aqa axeǧes n ȓmuƹṣiyeṯ netta ḏ ȓmewṯ, walakin lhadiya n Arebbi nettaṯ ḏ ṯuḏarṯ n ȓebda ḏi Siḏiṯneɣ Ƹisa Lmasiḥ.

Ayṯ-Ruma 8:32

Siḏi Arebbi war isƹizz ca Mmis xaneɣ, iqeddem-iṯ i ȓmewṯ xaneɣ marra. Ma aḏ teqqim can ȓḥajeṯ war ḏaneɣ-t iticc ca akiḏes?

1 Ayṯ-Kurinṯ 15:57

Neccin a neḥmeḏ Arebbi! Netta iticc-aneɣ-d bac a nerbeḥ s Siḏiṯneɣ Ƹisa Lmasiḥ.

2 Ayṯ-Kurinṯ 2:14

Walakin a neḥmeḏ Arebbi. Netta ȓebda isuggur-aneɣ ḏeg ubriḏ n arbaḥ s Lmasiḥ u zzayneɣ neccin itentacar ȓefwaḥ n ṯusna x Lmasiḥ.

2 Ayṯ-Kurinṯ 9:11

Aɣarwem yiȓi ȓxir aṭṭas ḏi marra bac ataf aḏ tiȓim ṣaxiyin. U xmi ɣa nessiweḍ ṣṣaḏaqa-ya nwem aḏ teḏweȓ ḏ ijjen n ccuker i Arebbi.

2 Ayṯ-Kurinṯ 9:14

Rezzun xawem tẓaǧan xawem ƹlaḥsab arḍa nni ameqqran iy ḏawem yuca Arebbi.

Ayṯ-Ufasus 5:20

Cekkarem ȓebda Arebbi Babaṯneɣ x marra ṯimesȓayin ḏeg yisem n Siḏiṯneɣ Ƹisa Lmasiḥ.

Yaƹqub 1:17

Marra ṯimuca ṯiṣebḥanin ḏ lhadiyaṯ ikemȓen tekkent-id zeg ujenna, tasent-id zi Arebbi Babas n nnur. Netta war itbeddiȓ ca am ṯiȓi nni ig igguren.

Lwaḥi 4:9

Lmexluqaṯ-a meȓmi ma semɣaren tweqqaren ḥemmḏen-as i wenni iqqimen x lƹarc ig iddaren i ȓebda n ȓebdaṯ,