2 Ayṯ-Kurinṯ 9:1 - Ṯarifiṯ 2020

^1-2 Amma ṣṣaḏaqa i ṣṣaliḥin bȓa ma ḏawem d ariɣ, qa nec ssneɣ ṯrezzum aḏ tƹawnem ḏeɣya. Teftaxareɣ nec s manaya ɣar Ayṯ-Masidunya, qqareɣ-asen qa zeg wazeḏɣaṯ kenniw ḏi lʼiqlim n Uxaya ṯsewjaḏem-d bac aḏ tṣeddqem. Ȓxaḍar-a nwem itcejjaƹ azyen-ameqqran aḏ ṣeddqen.

2 Ayṯ-Kurinṯ 9:1 ပူးပေါင်းရင်းမြစ်များ

Matta 22:31

Walakin cuf, yinni immuṯen aḏ d kkaren zi ȓmewṯ. Ma ƹemmarṣ war ṯeɣrim min ḏawem iqqar Arebbi?

Ȓexḏayem 24:17

Menbaƹd i waṭṭas n iseggwusa ƹeqbeɣ-d ɣar ṯendint n Lquds uwiɣ-d can n ṣṣaḏaqa i lʼumma inu, qeddmeɣ ca n dbiḥaṯ.

Ayṯ-Ruma 11:28

S ssabab n Lʼinjil, israʼiliyen ḏ ȓaƹḏu ƹlaḥsab kenniw. Walakin s ssabab minzi twaxḍaren, niṯni ḏ imƹizzen ƹlaḥsab ssalaf ṣṣaliḥin.

Ayṯ-Ruma 12:13

Ƹawneṯ ȓmuminin ṣṣaliḥin yinni iteḥḏajen. Reḥḥbeṯ x yinni itsafaren.

Ayṯ-Ruma 15:31

Ẓẓaǧeṯ ḥima nec aḏ nejmeɣ zeg ifassen n yinni war yuminen ca ḏi jwayeh n Yahuḏiya, u ƹaweḏ bac ȓxeḏmeṯ inu ḏi Lquds at qebȓen ȓmuminin ṣṣaliḥin iy ḏinni.

Ayṯ-Galaṭya 2:10

Ɣir ttaren zzayneɣ a nfekkar ḏeg ipubriṯen nsen. Manayenni rezzuɣ-ṯ nniṯ s wuȓ inu aṯ ggeɣ.

Ayṯ-Galaṭya 6:10

Iḏen meȓmi ma nufa lfurṣa, labud a negg ȓxir ḏi marra iwḏan xaṣṣatan ak ayṯmaṯneɣ ḏi lʼiman.

1 Ayṯ-Salunik 5:1

Fa ay ayṯma, war nteḥḏiji ca aḏawem ntari x lʼawqat niɣ ḏ ttawarix.

1 Yuḥanna 2:27

Kenniw, ddehneṯ nni iy zzayes ṯqebȓem ƹaḏ aqat ḏaywem. Kenniw war ṯeḥḏijem ḥadd akenniw iseȓmeḏ, aqa ddehneṯ nnes ṯseȓmaḏ-awem marra ṯimesȓayin. Nettaṯ ḏ ṣṣaḥ maci ḏ axarriq. Iwa mammec iy kenniw ṯseȓmaḏ ddehneṯ-a, amenni itxeṣṣa aḏayes ṯƹicem ḏi netta.