2 Ayṯ-Kurinṯ 8:6 - Ṯarifiṯ 2020

⁶ Amenni iy nweṣṣa Titus wami tuɣa ibḏa ijemmeƹ zi qbeȓ ȓxir n ṣṣaḏaqa-ya zzaywem, ȓexxu nweṣṣa-ṯ at ikemmeȓ.

2 Ayṯ-Kurinṯ 8:6 ပူးပေါင်းရင်းမြစ်များ

Ȓexḏayem 24:17

Menbaƹd i waṭṭas n iseggwusa ƹeqbeɣ-d ɣar ṯendint n Lquds uwiɣ-d can n ṣṣaḏaqa i lʼumma inu, qeddmeɣ ca n dbiḥaṯ.

Ayṯ-Ruma 15:25

Walakin ȓexxu aqa ggureɣ ɣar ṯendint n Lquds bac aḏ ƹawneɣ ȓmuminin ṣṣaliḥin iy ḏinni.

2 Ayṯ-Kurinṯ 12:18

Ḏ nec iy d iweṣṣan Titus aɣarwem d yas, ssekkeɣ-d akiḏes umaṯneɣ nni. War izemmar akenniw iɣecc Titus. Nec ḏ netta nxeddem s yijjen n ȓaƹqeȓ ḏ ijjen, isurifen nneɣ ḏ ijjen.

2 Ayṯ-Kurinṯ 2:13

Walakin uȓ inu war iǧi ca mertaḥ wami war ufiɣ ca ḏinni uma Titus, mṣafaḍeɣ xasen uyureɣ ɣar Masidunya.

2 Ayṯ-Kurinṯ 8:10

Ȓexxu nec aḏawem uceɣ array inu ḏi manaya, azzayes ṯawim nnfaƹ. Azeḏɣaṯ kenniw ig iṣeddqen ḏ imezwura; u kenniw ƹaweḏ ḏ imezwura iy ṯexsem aḏ teggem manayenni.

2 Ayṯ-Kurinṯ 8:19

Maci manayenni waha, qa xḍarent-ṯ-iḏ ṯjumaƹ n ȓmuminin bac akiḏneɣ isafar xmi ɣa neksi ȓxir n ṣṣaḏaqa-ya. Nkellef x ṣṣaḏaqa-ya i lƹaḍama n Siḏiṯneɣ s yixef nnes u bac aḏ d imeḍhar mammec ntegg ṯizemmar a nƹawen.

2 Ayṯ-Kurinṯ 8:23

Meȓa sseqsan x Titus, netta icarrec akiḏi ixeddem akiḏi jarawem. Meȓa sseqsan x ayṯmaṯneɣ yina, niṯni ssekkant-ṯen ṯjumaƹ n ȓmuminin sbeyyanen-d lƹaḍama n Lmasiḥ.

2 Ayṯ-Kurinṯ 8:4

ttaren zzayneɣ s wuȓ nsen aḏ ƹawnen s ȓxir-a ȓmuminin ṣṣaliḥin iy iǧan ḏi ṯendint n Lquds.

2 Ayṯ-Kurinṯ 9:5

S manaya ufiɣ u labud aḏ cejjƹeɣ ayṯmaṯneɣ yina iy ḏayi d izwaren ɣarwem zic bac aḏ ƹeḏȓen marra x ṣṣaḏaqa-ya ṯameqqrant iy zi ḏayi ṯƹahḏem zi qbeȓ. Ammu aḏ tiȓi ṣṣaḏaqa-ya mujuda s wuȓawen nwem maci s bessif.

Ayṯ-Filippas 4:18

Ṭṭfeɣ ȓmuneṯ ṯekmaȓ zzaywem u ktar ƹaḏ. Ṯḏebbarem-ayi-d mliḥ wami qebȓeɣ zeg wumaṯneɣ Parfulitus lhadiyaṯ nni iy ḏayi d ṯessekkem. Niṯenti am yijjen ṣṣeḏqeṯ ṯetfuḥ ḏ yijjen n dbiḥeṯ iy ɣa iqbeȓ Arebbi iy ḏas ɣa iƹejben.

1 Buṭrus 4:10

Itxeṣṣa-yas i mkuȓ ijjen aḏ isexḏem lqudra nni iy ḏas immucen ak yiwḏan. Aḏ isexḏem nican lbaraka n Arebbi iy zi itkellaf kuȓ nnuƹ nnes.