2 Ayṯ-Kurinṯ 8:23 - Ṯarifiṯ 2020

²³ Meȓa sseqsan x Titus, netta icarrec akiḏi ixeddem akiḏi jarawem. Meȓa sseqsan x ayṯmaṯneɣ yina, niṯni ssekkant-ṯen ṯjumaƹ n ȓmuminin sbeyyanen-d lƹaḍama n Lmasiḥ.

2 Ayṯ-Kurinṯ 8:23 ပူးပေါင်းရင်းမြစ်များ

Luqa 5:10

Ƹaweḏ iḏhec uȓa ḏ Yaƹqub ḏ Yuḥanna ṯarwa n Zabadi niṯni ḏ imeddukaȓ n Simƹan. Inna-as Ƹisa i Simƹan: "War teggweḏ ca, cek ssa aȓ ṯsawent ataf aḏ tḥeǧqeḏ iwḏan."

Luqa 5:7

Ceyyaren imeddukaȓ nsen ḏi ṯɣarrabut nni nneɣni ḥima aḏ d asen aṯen ƹawnen. Usin-d ƹemmaren ṯnayen n ṯɣarruba nsen aȓ wami ƹȓayen aḏ ɣerqent.

Yuḥanna 13:16

Aqa tesȓam ȓḥaqq: Axeddam war iǧi ca ḏ ameqqran zeg uweqqaf nnes. Amsexxar war iǧi ca ḏ ameqqran zeg wenni iy ṯiḏ issekken.

1 Ayṯ-Kurinṯ 11:7

Cuf, aryaz itxeṣṣa-yas war iɣemmes ca i uzeǧif nnes liʼanna netta ḏ ṣṣifeṯ ḏ ccenƹeṯ n Arebbi, ṯamɣarṯ nettaṯ ḏ ccenƹeṯ n uryaz.

2 Ayṯ-Kurinṯ 12:18

Ḏ nec iy d iweṣṣan Titus aɣarwem d yas, ssekkeɣ-d akiḏes umaṯneɣ nni. War izemmar akenniw iɣecc Titus. Nec ḏ netta nxeddem s yijjen n ȓaƹqeȓ ḏ ijjen, isurifen nneɣ ḏ ijjen.

2 Ayṯ-Kurinṯ 7:6

Walakin Arebbi, iƹni wenni itƹawanen yinni itxeyyaqen iƹawen-aneɣ s umaṯneɣ Titus wami d yusa.

2 Ayṯ-Kurinṯ 8:16

A neḥmeḏ Arebbi wami ḏas igga ḏeg wuȓ i Titus nnefs n ȓxaḍar iy ɣari nec xawem.

2 Ayṯ-Kurinṯ 8:18

Ak Titus nessekk umaṯneɣ nni maƹruf ɣar marra ṯijumaƹ n ȓmuminin x ȓxeḏmeṯ itegg ƹlaḥsab Lʼinjil.

2 Ayṯ-Kurinṯ 8:19

Maci manayenni waha, qa xḍarent-ṯ-iḏ ṯjumaƹ n ȓmuminin bac akiḏneɣ isafar xmi ɣa neksi ȓxir n ṣṣaḏaqa-ya. Nkellef x ṣṣaḏaqa-ya i lƹaḍama n Siḏiṯneɣ s yixef nnes u bac aḏ d imeḍhar mammec ntegg ṯizemmar a nƹawen.

2 Ayṯ-Kurinṯ 8:22

Ƹaweḏ nessekk akiḏsen umaṯneɣ nneɣni aṭṭas n ṯwaȓaṯin njarreb-iṯ nufi-ṯ ixeddem mliḥ s wuȓ nnes. Ȓexxu ƹlaḥsab ttiqeṯ ṯameqqrant iy ɣares ḏaywem ixeddem s wuȓ nnes ƹaḏ ktar zi min tuɣa ixeddem qbeȓ.

2 Ayṯ-Kurinṯ 8:6

Amenni iy nweṣṣa Titus wami tuɣa ibḏa ijemmeƹ zi qbeȓ ȓxir n ṣṣaḏaqa-ya zzaywem, ȓexxu nweṣṣa-ṯ at ikemmeȓ.

Ayṯ-Filippas 2:25

Cuf, twaȓiɣ labud aḏawem d arreɣ uma Parfulitus wenni iy kiḏi itemƹacaren am ca n umjaheḏ. Netta ḏ amsexxar nwem wenni iy ḏayi d ṯessekkem bac aḏayi ithilla.

Ayṯ-Filippas 4:3

Wah, tettareɣ uȓa ḏ cek ay amƹacar inu n ṣṣaḥ, ƹawen ṯimɣarin-a iy kiḏi ixeddmen fus ḏeg ufus ḏi Lʼinjil, akiḏsent ƹaweḏ Krimu ḏ imƹacaren inu nneɣni. Isemawen nsen marra aqaṯen ḏi Lkitab n Ṯuḏarṯ.

Ayṯ-Kulus 1:7

Amenni iy ṯ ṯȓemḏem zeg wumaṯneɣ Pafras netta ḏ amsexxar iƹizzen ḏi ȓxeḏmeṯ. Ixeddem nican i Lmasiḥ ƹlaḥsab nneɣ.

1 Ayṯ-Salunik 2:2

Ḏi ṯendint n Filippi ṯessnem belli tƹeddan xaneɣ ḏinni tbuṣaren xaneɣ. Walakin neccin nzaƹem akiḏwem, tuɣa itƹawan-aneɣ Arebbi bac a nbeccar jarawem s Lʼinjil waxxa can yiwḏan tƹarraḍen-aneɣ.

2 Timutawus 4:10

Minzi Dimas ismeḥ ḏayi ṯuwi-ṯ ȓemḥibbeṯ n ddunect-a iruḥ ɣar ṯendint n Salunik. Iruḥ Kriskus ɣar lʼiqlim n Galaṭya, iruḥ Titus ɣar jjiheṯ n Dalmasya.

Titus 1:4

Tariɣ ṯabrat-a i Titus wenni iy iǧan am memmi ḏ ṣṣaḥ ḏi lʼiman-a iy ḏi ncarrec. Akiḏec yiȓi arḍa ḏ ȓehna zi Arebbi Babaṯneɣ ḏ Ƹisa Lmasiḥ wenni iy ḏaneɣ isnejmen.

Filimun 1:17

Falihaḏa, meȓa ṯḥesbeḏ-ayi ḏ amƹacar nnec, qbeȓ-iṯ axmi ḏayi ṯqebȓeḏ nec.

Filimun 1:24

Sawwaḍen-ac-d sȓam ƹaweḏ Marqus ḏ Aristarxus ḏ Dimas ḏ Luqa iǧan marra ḏ imƹacaren inu.

3 Yuḥanna 1:8

S manaya itxeṣṣa u labud a nƹawen awmaṯen-a am yina bac a nexḏem ak wayawya ƹlaḥsab lḥaqiqa.