2 Ayṯ-Kurinṯ 8:21 - Ṯarifiṯ 2020

²¹ Ntegg ṯizemmar bac a negg min iǧan ḏ aṣebḥan maci ƹlaḥsab Siḏi Arebbi waha, ntegg ƹaweḏ ƹlaḥsab min twaȓan yiwḏan.

2 Ayṯ-Kurinṯ 8:21 ပူးပေါင်းရင်းမြစ်များ

Matta 23:5

Marra min teggen ḥima aɣarsen xzaren yiwḏan. Teggen ȓeḥruz ḏ imeqqranen, arennin ṯicȓuȓin i izeǧaben nsen.

Matta 5:16

Ammu, jjeṯ ȓqendiȓ nwem iceƹƹeȓ i yiwḏan ḥima aḏ ẓren ȓexḏayem nwem ṯiṣebḥanin aḏ ḥemḏen Babaṯwem iǧan ḏeg ujenna.

Matta 6:1

Ɣarwem aḏ teggem ȓxir zzaṯ i yiwḏan ḥima akenniw ẓren, ataf war ɣarwem itiȓi bu lʼajar zi Babaṯwem iǧan ḏeg ujenna.

Matta 6:4

Ḥima ṣṣaḏaqa nnec aḏ twagg s ṯnufra. Ḏ Babac Arebbi ig iẓerren min itwaggen s ṯnufra ataf aḏac yuc lʼajar.

Ayṯ-Ruma 12:17

War tarram ca ccarr s ccarr. Arrem-d ȓbaȓ nwem bac aḏ teḥtarmem marra iwḏan ḏi min teggem.

Ayṯ-Ruma 14:18

Wenni iy ɣa ixeḏmen i Lmasiḥ amenni, aqa Arebbi ireṭṭa xas iwḏan tcekkaren-ṯ.

2 Ayṯ-Kurinṯ 2:17

Aqa neccin maci am xarebbi n yiwḏan iteggen ttijara ḏeg wawaȓ n Arebbi, neccin ḏi Lmasiḥ nessawaȓ s wuȓ iṣfa zi Arebbi u zzaṯ i Arebbi.

2 Ayṯ-Kurinṯ 8:20

Ammu nexs axaneɣ nesbeƹƹeḏ aya n ȓƹib iy xaneɣ ɣa inin x mammec iy ɣa nkellef x ṣṣaḏaqa-ya ṯameqqrant.

2 Ayṯ-Kurinṯ 8:22

Ƹaweḏ nessekk akiḏsen umaṯneɣ nneɣni aṭṭas n ṯwaȓaṯin njarreb-iṯ nufi-ṯ ixeddem mliḥ s wuȓ nnes. Ȓexxu ƹlaḥsab ttiqeṯ ṯameqqrant iy ɣares ḏaywem ixeddem s wuȓ nnes ƹaḏ ktar zi min tuɣa ixeddem qbeȓ.

Ayṯ-Filippas 4:8

Ɣar uneggaru ay ayṯma, min iǧan ḏ lḥaqiqa ḏ mindi iǧa ȓewqqar ḏ min iǧan iseggḏen ḏ min iǧan iṣfan ḏ min iǧan ḏ aṣebḥan ḏ min xaneɣ iƹizzen ḏ ayyi ṯamesȓayṯ ḏ ṯaṣebḥant aṭṭas aḏas nuc lqima itxeṣṣa kenniw aḏ tfekkarem ḏi ṯmesȓayin-a.

1 Ayṯ-Salunik 5:22

Aggwjeṯ x marra min iǧan ḏ aƹeffan.

1 Timutawus 3:7

U labud ƹaweḏ aṯ weqqaren yinni iǧan n barra war iǧin ca ḏ ȓmuminin bac war xas tƹeyyiben ca yiwḏan war iweṭṭi ca ḏi ṯexcebṯ nni n Ibȓis.

1 Timutawus 5:14

Iḏen, xseɣ ṯajjaȓin ṯimezyanin aḏ meȓcent aḏ d jjent iḥenjiren aḏ sugurent ṯaddarṯ nsent mliḥ war tejjint bu can lfurṣa i ȓaƹḏu axasent issiweȓ s ȓƹib.

1 Buṭrus 2:12

Ƹiceṯ s lmaƹqul jar ȓegnus. Meȓa tahamen-kenniw x can ȓḥajeṯ ḏ ṯaƹeffant uca niṯni ẓerren lḥasanaṯ nwem ataf aḏ ḥemḏen Arebbi ḏi Nhar nni iy xasen d ɣa ixḍeȓ.