2 Ayṯ-Kurinṯ 8:17 - Ṯarifiṯ 2020

¹⁷ Iqbeȓ Titus ṭṭalab nneɣ, u ktar itegg marra ṯizemmar nnes aɣarwem d yas s ȓxaḍar nnes nniṯ.

2 Ayṯ-Kurinṯ 8:17 ပူးပေါင်းရင်းမြစ်များ

2 Ayṯ-Kurinṯ 12:18

Ḏ nec iy d iweṣṣan Titus aɣarwem d yas, ssekkeɣ-d akiḏes umaṯneɣ nni. War izemmar akenniw iɣecc Titus. Nec ḏ netta nxeddem s yijjen n ȓaƹqeȓ ḏ ijjen, isurifen nneɣ ḏ ijjen.

2 Ayṯ-Kurinṯ 8:10

Ȓexxu nec aḏawem uceɣ array inu ḏi manaya, azzayes ṯawim nnfaƹ. Azeḏɣaṯ kenniw ig iṣeddqen ḏ imezwura; u kenniw ƹaweḏ ḏ imezwura iy ṯexsem aḏ teggem manayenni.

2 Ayṯ-Kurinṯ 8:6

Amenni iy nweṣṣa Titus wami tuɣa ibḏa ijemmeƹ zi qbeȓ ȓxir n ṣṣaḏaqa-ya zzaywem, ȓexxu nweṣṣa-ṯ at ikemmeȓ.

2 Ayṯ-Kurinṯ 8:8

War qqareɣ ca manaya ḏ ijjen n ȓuṣiyeṯ; Nec rezzuɣ aḏ jarrbeɣ lḥaqiqa n ȓemḥibbeṯ nwem iƹni tcabbaheɣ min teggem kenniw ak mammec tḥawaȓen iwḏan nneɣni s wuȓawen nsen ḏi ȓxeḏmeṯ-a.

Iƹibraniyen 13:22

Fa ay ayṯma tettareɣ-awem aḏ teṣbarem i wawaȓ inu iy zi kenniw tweṣṣiɣ minzi uriɣ-awem-d ɣir ijjen n ṯebrat ḏ ṯamezyant.