2 Ayṯ-Kurinṯ 8:1 - Ṯarifiṯ 2020

¹ Fa ay ayṯma, nexs aḏ tessnem x arḍa nni iy ḏasent yuca Arebbi i ṯjumaƹ n ȓmuminin ig iǧan ḏi lʼiqlim n Masidunya.

2 Ayṯ-Kurinṯ 8:1 ပူးပေါင်းရင်းမြစ်များ

Matta 25:22

Ƹaweḏ iqarreb-d uxeddam nni umi yuca aȓefayen n ȓuznaṯ inna-as i siḏes: A siḏi, ṯuciḏ-ayi cek aȓefayen n ȓuznaṯ, nec uwiɣ-d aȓefayen nneɣni.

Ȓexḏayem 11:23

Wami d yuweḍ, yufa mammec ṯen ibarek Arebbi. Ifareḥ ibḏa itcejjaƹ-iṯen marra bac aḏ qqimen ḏeg ubriḏ n Siḏiṯneɣ s marra uȓawen nsen.

Ȓexḏayem 16:9

Ḏi ǧiȓeṯ nni ihwa-d ijjen n lwaḥi x Bulus iẓra ḏayes ijjen n uṯarras zi lʼiqlim n Masidunya ibedd itṭalab-iṯ iqqar-as zwa-d ɣarneɣ ɣar Masidunya ƹawen-aneɣ.

Ȓexḏayem 24:17

Menbaƹd i waṭṭas n iseggwusa ƹeqbeɣ-d ɣar ṯendint n Lquds uwiɣ-d can n ṣṣaḏaqa i lʼumma inu, qeddmeɣ ca n dbiḥaṯ.

Ayṯ-Ruma 15:26

Liʼanna ȓmuminin iy iǧan ḏi jwayeh n Masidunya ḏ Uxaya texsen aḏ ƹawnen ipubriṯen iy iǧan jar ȓmuminin ṣṣaliḥin ḏi ṯendint n Lquds.

1 Ayṯ-Kurinṯ 15:10

Walakin nec s arḍa n Arebbi ḏewȓeɣ mammec ǧiɣ ȓexxu. Ṯumma arḍa nnes war iǧi bu xafi s bȓa nnfaƹ; Lla, nec ccaṯeɣ tamara ktar zzaysen marra. Maci ḏ nec zaƹma; Lla, ḏ arḍa n Arebbi iy kiḏi.

2 Ayṯ-Kurinṯ 11:9

Wami ḥḍareɣ akiḏwem tuɣa nec teḥḏajiɣ, war tbessaȓeɣ x ḥadd zzaywem; Lla, ucin-ayi min teḥḏajiɣ ayṯmaṯneɣ yinni iy d yusin zi Masidunya. Amenni ugiɣ axawem bessȓeɣ, aḏ qqimeɣ mestammer amenni.

2 Ayṯ-Kurinṯ 9:12

Liʼanna ṣṣaḏaqa-ya iy teggem maci ɣir tƹemmar zzayes ifassen ixwan n ȓmuminin ṣṣaliḥin ḏi Lquds; Lla, nettaṯ ƹaweḏ itenfeyyaḍ zzayes aṭṭas n ccuker i Arebbi.

2 Ayṯ-Kurinṯ 9:4

Menbaƹd meȓa usin-d akiḏi ȓebƹaḍ zi Ayṯ-Masidunya ufin-kenniw war ṯeswejḏem ca ataf neccin a nseḏḥa x ttiqeṯ nneɣ ḏaywem (uȓa ḏ kenniw aḏ tseḏḥam).

Ayṯ-Ufasus 3:8

Lbaraka-ya yuca-ayi-t Arebbi waxxa ḏ amezyan iy ǧiɣ x marra ṣṣaliḥin bac nec aḏ beccareɣ yinni war iǧin ca zi Ayṯ-Israʼil aḏ ssnen agȓa nni n Lmasiḥ iy war itwacerriḥen ca.

Ayṯ-Kulus 1:29

X manaya nec xeddmeɣ, taḥȓeɣ ḏi ȓxeḏmeṯ-a s marra jjheḏ nni n Lmasiḥ netta isxeddam-ayi s ṯzemmar nnes.

1 Ayṯ-Salunik 4:10

Wah, ḏ ṣṣaḥ texsem marra ayṯmaṯwem iy kiḏwem itƹicen ḏi lʼiqlim n Masidunya. Walakin netweṣṣa-kenniw ay ayṯma aḏ tarnim ƹaḏ ktar.