2 Ayṯ-Kurinṯ 7:7 - Ṯarifiṯ 2020

⁷ U maci ɣir wami d yusa Titus, iƹawen-aneɣ Arebbi ƹaweḏ wami tuɣa ḏayes thillam. Ixbar-aneɣ Titus qa ṯweḥḥcem-ayi, qa ṯnedmem ṯrezzum xafi aṭṭas. Amenni ȓefraḥeṯ inu ṯarni ktar.

2 Ayṯ-Kurinṯ 7:7 ပူးပေါင်းရင်းမြစ်များ

Matta 26:75

Ḏinni ifekkar-d Buṭrus awaȓ nni n Ƹisa wami ḏas inna: Qbeȓ ma aḏ idden uyaziḍ ataf aḏayi ṯenkareḏ ṯȓaṯa n ṯwaȓaṯin." Iffeɣ ɣar barra iru imeṭṭawen ḏ imeǧaḥen aṭṭas.

Matta 5:4

Ssaƹḏ nsen i yinni itrun, aqa aḏ twacejjƹen.

Luqa 22:44

Ixeyyeq wuȓ nnes yarni itẓaǧa ktar ƹaḏ, ṯiḏi nnes ṯehwa-d zzayes ɣar ṯmurṯ ṯegga am ṯneqqiḍin n iḏammen nican.

Ȓexḏayem 11:23

Wami d yuweḍ, yufa mammec ṯen ibarek Arebbi. Ifareḥ ibḏa itcejjaƹ-iṯen marra bac aḏ qqimen ḏeg ubriḏ n Siḏiṯneɣ s marra uȓawen nsen.

Ayṯ-Ruma 1:12

Iƹni a ncejjeƹ ayawya s lʼiman iy ḏayneɣ icarrcen.

1 Ayṯ-Kurinṯ 5:2

Y kenniw, ma ḏaywem ttakebbur?! Lla, kenniw itxeṣṣa aḏ txeyyqem. Itxeṣṣa aḏ tsufɣem wenni iggin manaya zi jmaƹeṯ nwem.

2 Ayṯ-Kurinṯ 1:4

Itƹawan-aneɣ ḏi marra tamara nneɣ ḥima neccin s umƹawan-a iy zi ḏaneɣ itƹawan Arebbi nzemmar a nƹawen yinni iǧan ḏi kuȓ tamara.

2 Ayṯ-Kurinṯ 2:9

Uriɣ-awem-d manayenni bac akenniw jarrbeɣ aḏ ssneɣ ma tṭaƹam ḏi marra ma lla.

2 Ayṯ-Kurinṯ 5:2

Ȓexxu neccin nnehhek ḏayneɣ mezȓi a neɣmes s ddat nneɣ n ujenna.

2 Ayṯ-Kurinṯ 7:6

Walakin Arebbi, iƹni wenni itƹawanen yinni itxeyyaqen iƹawen-aneɣ s umaṯneɣ Titus wami d yusa.

2 Ayṯ-Kurinṯ 7:8

Iwa wami kenniw sxeyyqeɣ s ṯebrat nni inu nneɣni, ḏ amezwaru tuɣa nedmeɣ ȓexxu war ndimeɣ ca. Iƹni nedmeɣ wami ẓriɣ ṯabrat nni inu ṯesxeyyeq-ikenniw ḏeg yijjen n ȓweqṯ walakin ṯeƹḏu ḏeɣya.

2 Ayṯ-Kurinṯ 8:16

A neḥmeḏ Arebbi wami ḏas igga ḏeg wuȓ i Titus nnefs n ȓxaḍar iy ɣari nec xawem.

Ayṯ-Filippas 1:20

Trajiɣ s wur inu nec tmenniɣ war tseḏḥiɣ ca qaƹ x lwajib inu. Lla, nec tzeƹƹameɣ ȓexxu aḏ zeƹmeɣ menbaƹd bac s ddat inu azzayes imɣar Lmasiḥ waxxa aḏ mmṯeɣ niɣ aḏ ddareɣ.

Ayṯ-Kulus 2:5

Nec waxxa war ǧiɣ ca akiḏwem s ddat inu aqayi akiḏwem s arruḥ inu, farrḥeɣ nec xmi twaȓiɣ lƹibada nwem nican teggem-t ṯa s ṯa u mecḥaȓ iy tbeddam ḏi lʼiman nwem ḏi Lmasiḥ.

1 Ayṯ-Salunik 3:6

Ȓexxu iḏweȓ-d ɣarneɣ zzaywem Timutawus, yuwi-yaneɣ-d ijjen n ȓexbar ḏ aṣebḥan x lʼiman nwem ḏ ȓemḥibbeṯ nwem. Inna-aneɣ aqa txemmamem ḏayneɣ mliḥ, ḏaywem ƹaweḏ mezȓi aḏaneɣ ṯeẓrem uȓa ḏ neccin ḏayneɣ mezȓi akenniw nẓer.

1 Ayṯ-Salunik 3:8

Ȓexxu aqa netƹic mliḥ wami tbeddam nican ḏeg ubriḏ n Siḏiṯneɣ.

Iƹibraniyen 2:1

X manaya labud a d narr ȓbaȓ nneɣ i min netsȓa bac war nteffeɣ ca abriḏ.

Yaƹqub 5:17

Tuɣa nnabi Ilyas netta ḏ bnaḏem am neccin, itẓaǧa aṭṭas ḥima war icciṯ bu unẓar. Ikka ṯeȓt snin ḏ uzyen war yuwṯi bu unẓar x ṯmurṯ.

2 Yuḥanna 1:4

Nec farḥeɣ aṭṭas wami ufiɣ zi ṯarwa nnem yinni igguren ḏeg ubriḏ n lḥaqiqa am mammec ḏaneɣ iweṣṣa Babaṯneɣ.

Yahuḏa 1:3

Ay imƹizzen inu, tuɣa rzuɣ aḏawem ariɣ x ubriḏ nni iy zi nnejjem neccin iy ḏi ncarrec marra, walakin ufiɣ u labud aḏawem ariɣ ṭṭalab-a ḥima aḏ tmenɣem x lʼiman-a iy zi twakellfen ṣṣaliḥin ḏeg yijjen n ṯwaȓa i ȓebda.