2 Ayṯ-Kurinṯ 6:16 - Ṯarifiṯ 2020

¹⁶ Min ṯcarrec ṯemziḏa ṯameqqrant n Arebbi ak lʼaṣnam? Walu. Cuf, neccin iy iǧan ḏ ṯamziḏa n Arebbi iddaren. Amenni iqqar Arebbi:

2 Ayṯ-Kurinṯ 6:16 ပူးပေါင်းရင်းမြစ်များ

Matta 16:16

Indeq-d Simƹan Buṭrus inna-as: "Cek ḏ Lmasiḥ, Mmis n Arebbi iddaren."

Matta 6:24

War izemmar can yijjen aḏ yiȓi ḏ axeddam ɣar ṯnayen n siyaḏis. Mayemmi? Ima ijjen aṯ iƹiff, ijjen aṯ ixes. Niɣ ijjen aḏayes iṭṭef, ijjen aṯ iḥeggar. Aḏ txeḏmem i Arebbi niɣ aḏ txeḏmem i ȓewsex n ddunect-a, war iǧi bu s ṯnayen.

Luqa 5:36

Issiweȓ ƹaweḏ akiḏsen s ȓmaƹna-ya: "War iǧi ḥadd iteqssas-d ṯareqqiƹṯ zeg warruḍ n jḏiḏ ḥima s ṯreqqiƹṯ nni azzayes ireqqeƹ arruḍ ḏ ȓbaȓi. Mayemmi? Arruḍ ḏ jḏiḏ aḏ iqqim itcerrag waha, wenni n ȓbaȓi war xas d tis ṯreqqiƹṯ nni n jḏiḏ.

Yuḥanna 14:23

Inna-as Ƹisa: "Wenni ḏayi itḥibban, ataf aḏ ixḏem zeg wawaȓ inu. Aṯ iḥibb Baba, a nraḥ ɣares nec ḏ Baba, ɣares iy ɣa nezḏeɣ.

Yuḥanna 6:56

Marra wenni ɣa iccen ddat inu aḏ isew iḏammen inu, ataf aḏ iqqim ḏayi, nec ḏayes.

Ayṯ-Ruma 8:11

Ṯumma meȓa izeddeɣ ḏaywem Arruḥ n Arebbi iy d isekkaren Ƹisa zi ȓmewṯ, ataf wenni iy d isekkaren Ƹisa zi ȓmewṯ aḏaywem d yarr ṯuḏarṯ uȓa ḏi ddat nwem ifennan iƹni s Arruḥ nnes iy ḏaywem izeddɣen.

Ayṯ-Ruma 8:9

Amma kenniw, meȓa izeddeɣ ḏaywem Arruḥ n Arebbi, ataf aḏ tƹicem x ubriḏ n Arruḥ ataf war teggem array i ṭṭabiƹa ṯaƹeffant nwem. U wenni war ɣar iǧi Arruḥ n Lmasiḥ, war iǧi ca zi Lmasiḥ.

Ayṯ-Ruma 9:26

U ḏeg umcan nni wenni mani ḏasen inna Arebbi: Kenniw war ṯeǧim ca ḏ ccaƹb inu, ḏinni iy ḏasen ɣa ȓaɣan a ṯarwa n Arebbi iddaren.

1 Ayṯ-Kurinṯ 10:21

War ṯzemmarem ca aḏ teswem zi ȓkas n Siḏiṯneɣ niɣ zi ȓkas n ccayaṭin s ṯnayen iḏsen. War ṯzemmarem ca aḏ tcarcem ḏi missa n Siḏiṯneɣ ḏ missa n ccayaṭin s ṯnayen iḏsent.

1 Ayṯ-Kurinṯ 6:19

Niɣ ma war ṯessinem ddat nwem nettaṯ ḏ ṯamziḏa n Arruḥ iqeddsen ig izeddɣen ḏaywem? Iwa ɣarwem Arruḥ-a zi Arebbi. Kenniw war trayim ca x yixef nwem

Ayṯ-Ufasus 2:20

Ṯaddarṯ-a nettaṯ ṯebna x dsas n yizra iy iǧan ḏ arrusul ḏ lʼanbiya. U Lmasiḥ s yixef nnes aqaṯ ḏ azru nni iy iǧan ḏeg umcan aṣebḥan ḏi ṯɣemmarṯ n dsas nnes.

Ayṯ-Ufasus 2:22

Ḏayes ƹaweḏ ḏi Lmasiḥ ibenna-kenniw ijjen ak unneɣni bac aḏ tiȓim ḏ ijjen n ṯzeddiɣṯ ḏayes iy ɣa izḏeɣ Arebbi s Arruḥ nnes.

Ayṯ-Ufasus 3:17

ḥima Lmasiḥ aḏ izḏeɣ ḏeg wuȓawen nwem s lʼiman. Tettareɣ i Arebbi ƹaweḏ aḏ twaẓẓum aḏ tuwṯem mliḥ iẓewran ḏeg ucaȓ n ȓemḥibbeṯ

1 Timutawus 3:15

Meȓa ṭewwleɣ aṭṭas war ḏinni d usiɣ ca, ataf aḏ tessneḏ cek mamc iy ɣa suguren yiwḏan ixef nsen ḏi ṯeddarṯ n Arebbi iƹni jmaƹeṯ n ȓmuminin n Arebbi iddaren ḏ nettaṯ iy iǧan ḏ apilar ḏ dsas n lḥaqiqa.

2 Timutawus 1:14

Ḥḍa ṯamesȓayṯ nni iy ḏac ijja ḏ lʼamana, ḥḍa-t s Arruḥ iqeddsen iy ḏayneɣ izeddɣen.

Iƹibraniyen 3:6

Walakin Lmasiḥ netta ḏ Mmis iḥekkem x ayṯbab n ṯeddarṯ n Arebbi, itkellaf zzaysen nican. U neccin ḏ ayṯbab-a n ṯeddarṯ nnes iƹni meȓa neṭṭef mliḥ ḏi zƹameṯ nneɣ u ḏi lʼamal nneɣ iy xef nteftaxar.

Iƹibraniyen 8:10

Ḏ wanita ḏ ȓƹaheḏ iy ɣa ggeɣ ak Ayṯ-Israʼil menbaƹd i ȓweqṯ nni, iqqar-iṯ Siḏi Arebbi. Aḏasen siḏfeɣ ȓuṣiyaṯ inu ḏi ȓaƹquȓaṯ nsen, aɣarsen iȓint ḏ ṯira x wuȓawen nsen. Aḏ iȓiɣ ḏ Arebbi nsen aḏ iȓin ḏ ccaƹb inu.

Yaƹqub 4:5

Awaȓ n Lkitab iqqar: Ma tɣiȓ-awem awaȓ nni war ɣares bu ȓmaƹna?

1 Buṭrus 2:5

uȓa ḏ kenniw ƹaweḏ am ca n yizra iddaren zzaywem iy ṯbenna ijjen n ṯeddarṯ n Arruḥ iqeddsen. Ḥima aḏ tiȓim kenniw ḏ ijjen n jmaƹeṯ n ȓfuqaha ṣṣaliḥin, tqeddamem dbiḥaṯ rruḥiyaṯ yarḍa xasent Arebbi s ufus n Ƹisa Lmasiḥ.

1 Yuḥanna 4:12

War ḏinni ḥadd ƹemmarṣ iẓra Arebbi. Walakin neccin meȓa ntexs ayawya ataf Arebbi izeddeɣ ḏayneɣ, ȓemḥibbeṯ nnes ṯejjiwen zzayneɣ.

1 Yuḥanna 4:15

Wenni ɣa icehḏen Ƹisa ḏ Mmis n Arebbi, ataf Arebbi iqqim ḏayes ataf netta iqqim ḏi Arebbi.

Lwaḥi 2:1

"Ari-yas i lmalaʼika n jmaƹṯ n ȓmuminin iy iǧan ḏi ṯendint n Ufasus, ini-yas qa wenni iy iṭṭfen sebƹa n yiṯran ḏeg ufus nnes afusi, iggur ḏi ȓwesṭ n sebƹa n ȓeqnaḏeȓ n ddheb, iqqar-ac:

Lwaḥi 21:3

Sȓiɣ i yijjen n ṯmijja zi lƹarc ṯeqqar s jjheḏ: "Aqa ṯazeddiɣṯ n Arebbi ak yiwḏan, aḏ izḏeɣ jarasen aḏ iȓin ḏ ccaƹb nnes. Arebbi s yixef nnes akiḏsen yiȓi, u ƹaweḏ aḏ yiȓi ḏ Arebbi nsen.

Lwaḥi 21:7

Wenni ɣa irebḥen aḏ iwareṯ ḏi ṯmesȓayin-a. Nec aḏ iȓiɣ ḏ Arebbi nnes, netta aḏ yiȓi ḏ mmi.