2 Ayṯ-Kurinṯ 6:14 - Ṯarifiṯ 2020

¹⁴ War teggeṯ xawem ṯzayȓut ak yinni war yuminen ca, war tiȓiṯ ca ḏ ṯiyuya akiḏsen. Ma ḏinni ca n ȓḥajeṯ ig icarrec ȓḥaqq ak ȓbaṭeȓ? Lla. Min icarrec nnur ak ṯaǧest? Walu.

2 Ayṯ-Kurinṯ 6:14 ပူးပေါင်းရင်းမြစ်များ

Yuḥanna 7:7

Ddunect war ṯzemmar ca akenniw ṯƹiff, nec tƹiffa-ayi ddunect minzi cehhḏeɣ qa ȓexḏayem n ddunect-a ḏ ṯiƹeffanin.

Ȓexḏayem 4:23

Ɣir ḍeȓqen-asen-d i Buṭrus ḏ Yuḥanna, ruḥen ɣar imeddukaȓ nsen ƹawḏen-asen marra min ḏasen nnan arruyas n ȓfuqaha ḏ imeqqranen n Ayṯ-Israʼil.

1 Ayṯ-Kurinṯ 10:21

War ṯzemmarem ca aḏ teswem zi ȓkas n Siḏiṯneɣ niɣ zi ȓkas n ccayaṭin s ṯnayen iḏsen. War ṯzemmarem ca aḏ tcarcem ḏi missa n Siḏiṯneɣ ḏ missa n ccayaṭin s ṯnayen iḏsent.

1 Ayṯ-Kurinṯ 15:33

War xeddƹeṯ ca ixef nwem: "Ṯamƹacareṯ ṯaƹeffant, tḍeyyaƹ ttarbiya ṯaṣebḥant."

1 Ayṯ-Kurinṯ 5:9

Tuɣa uriɣ-awem-d ḏi ṯebrat nni inu war tƹacareṯ ca yinni iteggen lfasad.

1 Ayṯ-Kurinṯ 6:6

Walakin maci mliḥ awmaṯen temcarraƹen ak wayawya zzaṯ i yinni war yuminen ca.

1 Ayṯ-Kurinṯ 7:39

Ṯamɣarṯ imeȓcen nettaṯ ṯeqqen ɣar uryaz nnes meȓa iddar. Walakin meȓa immuṯ, nettaṯ ɣares ȓḥaqq aḏ temȓec ak wenni ṯxes nettaṯ meȓa netta ḏ ȓmumen zi Siḏiṯneɣ.

Ayṯ-Filippas 2:15

Ammu aḏ tiȓim beriʼin bȓa ȓƹib ḏi ȓwesṭ n yiwḏan n ȓweqṯ-a iƹewwjen ixarewḍen. Ḏaysen iy ṯreqqem am yiṯran ḏi ddunect-a xmi ḏasen tqeddamem awaȓ n ṯuḏarṯ. Amenni aḏ ftaxareɣ ḏi Nhar nni n Lmasiḥ nec war uzziȓeɣ ca war xḏimeɣ ca ḏi ȓxawi waha.

Yaƹqub 4:4

A yinni ixeddƹen, kenniw ma war ṯessinem ca belli wenni itexsen ddunect-a ḏ wenni ḏ ȓaƹḏu n Arebbi? Wah, wenni ixḍaren dunnect-a qa netta nican ḏ ȓƹaḏu n Arebbi.