2 Ayṯ-Kurinṯ 5:20 - Ṯarifiṯ 2020

²⁰ Falihaḏa neccin ḏ lmubcirin n Lmasiḥ, Arebbi issekk ṭṭalab nnes x ufus nneɣ. Nṭalab-ikenniw ƹlaḥsab Lmasiḥ aḏ temṣȓaḥem ak Arebbi.

2 Ayṯ-Kurinṯ 5:20 ပူးပေါင်းရင်းမြစ်များ

Luqa 10:16

Inna-asen Ƹisa i imeḥḍaren nnes: "Wenni itsȓan i wawaȓ nwem, ataf itesȓa-yayi i nec. Wenni war kenniw iqbiȓen ca, ataf uȓa ḏ nec war ḏayi iqbiȓ ca. Wenni war ḏayi iqbiȓen ca nec, ataf war iqbiȓ ca wenni ḏayi d issekken."

Luqa 14:23

Inna-as siḏes: Ffeɣ ɣar ibriḏen ḏ imesruqen, siḏef-d iwḏan s bezzez bac aḏ aḏfen bac aḏ tƹemmar ṯeddarṯ inu.

Yuḥanna 20:21

Inna-asen ƹaweḏ Ƹisa: "Sȓam xawem. Mammec ḏayi d issekk Baba, ammu nec akenniw ssekkeɣ."

Ayṯ-Ruma 5:10

Neccin nmeṣȓaḥ ak Arebbi s ȓmewṯ n Mmis wami tuɣaneɣ neccin ƹaḏ ḏ ȓƹaḏyan nnes. Ȓexxu wami kiḏes nmeṣȓaḥ, u labud zzayes iy ɣa nenjem s ṯuḏarṯ nnes!

2 Ayṯ-Kurinṯ 12:10

S manaya ƹlaḥsab Lmasiḥ nec farrḥeɣ s ḍḍuƹef inu ḏ ṯukkwra ḏ tamara ḏ uƹeddeb ḏ uziyyar. Mayemmi? Meȓa ḍeƹfeɣ ȓexddenni nec aḏ iȓiɣ jehḏeɣ.

2 Ayṯ-Kurinṯ 3:6

Ḏ netta iy ḏaneɣ yucin ṯizemmar-a bac a niȓi ḏ ixeddamen n yijjen n Ȓƹaheḏ ḏ jḏiḏ. Ȓƹaheḏ-a maci s ccariƹa; Lla, ȓƹaheḏ-a s Arruḥ n Arebbi. Liʼanna ccariƹa ṯneqq, Arruḥ n Arebbi netta iseddar.

2 Ayṯ-Kurinṯ 5:11

Falihaḏa wami nessen a neggweḏ zi Siḏiṯneɣ, nrezzu iwḏan aḏ qtanƹen. Y min neƹna neccin issen-iṯ Arebbi mliḥ, u tmenniɣ ƹaweḏ ḍḍamir nwem aḏ issen manayenni.

2 Ayṯ-Kurinṯ 6:1

Fa neccin ig ixeddmen ak Arebbi ntettar i kenniw neqqar-awem: Maci aḏ tqebbȓem arḍa n Arebbi war zzayes ṯxeddmem ca.

Ayṯ-Ufasus 6:20

Ƹlaḥsab Lʼinjil-a wanita iy tiȓiɣ nec ḏ ijjen n ssafir carrfeɣ s snaseȓ. Ẓẓaǧem kenniw bac azzayes beccareɣ bȓa ma aḏ ggwḏeɣ ƹlaḥsab lwajib inu.

Ayṯ-Kulus 1:20

Ṯumma isemṣȓaḥ Arebbi qaƹ ṯimesȓayin i yixef nnes ig iǧan ḏi ṯmurṯ niɣ ḏeg ujenna iƹni igga ȓehna s iḏammen n Mmis iy yuzzȓen x ṣṣalib.

1 Ayṯ-Salunik 4:8

Falihaḏa wenni itagin aḏ iḏfar ȓuṣiyeṯ-a ṯanitan ataf maci itagi i bnaḏem, itagi i Arebbi wenni iy ḏawem d iticcen Arruḥ nnes iqeddsen.