2 Ayṯ-Kurinṯ 5:18 - Ṯarifiṯ 2020

¹⁸ Manaya marra zi Arebbi, isemṣȓaḥ-aneɣ akiḏes s Lmasiḥ yuca-aneɣ-d a nbeccar s ȓƹaheḏ n ṣṣulḥ.

2 Ayṯ-Kurinṯ 5:18 ပူးပေါင်းရင်းမြစ်များ

Luqa 10:5

Xmi ɣa ṯaḏfem ɣar ca n ṯeddarṯ, inim ḏ amezwaru: Sȓam x ṯeddarṯ-a.

Luqa 24:47

Aḏ beccaren marra ȓegnus ḥima aḏ tuben aḏ twaɣfarent ȓmuƹṣiyaṯ nsen s yisem n Lmasiḥ. Aḏ ibḏa manaya ḏi Lquds.

Yuḥanna 3:16

Wami iḥibb Arebbi ddunect-a, ihḏa-yas Mmis aweḥḏani ḥima wenni zzayes ɣa yamnen war ifenni ca aɣares ṯiȓi ṯuḏarṯ n ȓebda.

Yuḥanna 3:27

Inna-asen Yaḥya: "War izemmar bnaḏem aɣares ṯiȓi can ṯmesȓayṯ meȓa war ḏas d tusi ca zi Arebbi.

Ȓexḏayem 10:36

Ṯessnem Arebbi issekk-d awaȓ nnes ɣar Ayṯ-Israʼil itbeccar-iṯen s Lʼinjil n ȓehna s Ƹisa Lmasiḥ, netta ḏ Siḏiṯneɣ n marra iwḏan.

Ayṯ-Ruma 11:36

Aqa marra yusa-d ikka-d zzayes, kulci nnes. Aɣares ṯiȓi lƹaḍama i netta i ȓebda. Amin.

Ayṯ-Ruma 5:1

Iḏen fa wami ḏaneɣ isemṣȓaḥ Arebbi akiḏes s lʼiman nneɣ aqaneɣ ḏi ȓehna ak Arebbi x ufus n Siḏiṯneɣ Ƹisa Lmasiḥ.

1 Ayṯ-Kurinṯ 1:30

U netta ḏ ssabab iy zi ṯeǧam kenniw ḏi Ƹisa Lmasiḥ. Iggi-ṯ Arebbi netta ḏ ȓefhameṯ nneɣ, iƹni netta ḏayes ṣṣulḥ nneɣ ḏ uṣeffi nneɣ ḏ ufekki nneɣ.

1 Ayṯ-Kurinṯ 11:12

Liʼanna mammec ṯexȓeq ṯemɣarṯ zeg uryaz, amenni ȓexxu aryaz ixeǧeq-d zi ṯemɣarṯ. U marra zi Arebbi.

1 Ayṯ-Kurinṯ 12:6

Ḏinni lʼanwaƹ n ȓexḏayem, walakin Arebbi ḏ ijjen ḏ netta iy ṯent isxeddamen marra ḏi kuȓ bnaḏem.

1 Ayṯ-Kurinṯ 3:5

Iwa min iƹna Apullus? Min iƹna Bulus? Neccin ḏ ixeddamen waha, ṯumnem x ufus nneɣ mammec ḏaneɣ d yuca Siḏi Arebbi a nexḏem.

1 Ayṯ-Kurinṯ 8:6

Walakin neccin ɣarneɣ ijjen n Arebbi waḥḏes, netta ḏ Babaṯneɣ. Zzayes netta ǧant marra ṯimesȓayin, neccin neǧa i netta. Ƹaweḏ ɣarneɣ ijjen n Siḏiṯneɣ, iƹni Ƹisa Lmasiḥ. Zi netta mizi xeȓqent marra ṯimesȓayin, zzayes mizi nexȓeq neccin.

Ayṯ-Kulus 1:22

Walakin ȓexxu lla, Arebbi isemṣȓaḥ-ikenniw akiḏes s ddat n Lmasiḥ iƹni s ȓmewṯ nnes bac akenniw iqeddem zzaṯes ṯeṣfam bȓa ȓƹib war ḏinni bu wi kenniw iy ɣa itahamen.

Iƹibraniyen 2:17

X manaya tuɣa wa labud Arebbi aḏ yarr Ƹisa am ayṯmas ḏi marra bac aḏ yiȓi ḏ ȓefqi ameqqran ḏayes arraḥmeṯ ḏayes ttiqeṯ ixeddem i Arebbi. U ƹaweḏ ȓefqi-ya aḏ iqeddem lfidya ḥima aḏ twaɣfarent ȓmuƹṣiyaṯ n yiwḏan.

Yaƹqub 1:17

Marra ṯimuca ṯiṣebḥanin ḏ lhadiyaṯ ikemȓen tekkent-id zeg ujenna, tasent-id zi Arebbi Babas n nnur. Netta war itbeddiȓ ca am ṯiȓi nni ig igguren.

1 Yuḥanna 2:2

Ḏ netta ig iruḥen ḏ lfidya x ȓmuƹṣiyaṯ nneɣ u maci ɣir x ȓmuƹṣiyaṯ nneɣ waha, ḥetta uȓa ḏ ȓmuƹṣiyaṯ n ddunect-a amen-ṯekmaȓ.

1 Yuḥanna 4:10

S manayenni minzi ḏas qqaren ȓemḥibbeṯ. Maci ḏ neccin iy ixsen Arebbi, ḏ netta iy ḏaneɣ ixsen wami d issekk Mmis aḏ yiȓi ḏ lfidya x ȓmuƹṣiyaṯ nneɣ.