2 Ayṯ-Kurinṯ 5:15 - Ṯarifiṯ 2020

¹⁵ Immuṯ netta ƹlaḥsab marra iwḏan bac yinni iddaren war teddaren ca i yixef nsen waha, aḏ ddaren i wenni xasen immuṯen ṯumma itwasekkar-d zi ȓmewṯ.

2 Ayṯ-Kurinṯ 5:15 ပူးပေါင်းရင်းမြစ်များ

Luqa 1:74

aḏaneɣ isenjem zeg ifassen n ȓƹaḏyan nneɣ, ḥima aṯ neƹbeḏ bȓa ṯiggwḏi,

Yuḥanna 5:24

Aqa tesȓam ȓḥaqq: Wenni itsȓan i wawaȓ inu itamen zeg wenni ḏayi d issekken, aɣares ṯiȓi ṯuḏarṯ n ȓebda war itiḏef ca ḏi lƹiqab, netta aḏ imutti zi ȓmewṯ ɣar ṯuḏarṯ.

Yuḥanna 6:57

Mammec iy ḏayi d issekk Baba iddaren u nec ddareɣ zi Baba, amenni wenni ḏayi ɣa iccen azzayi iy iddar.

Ayṯ-Ruma 12:1

Iḏen fa ay ayṯma, s arraḥmeṯ n Arebbi tcejjaƹeɣ-kenniw aḏ tqeddmem ixef nwem i Arebbi amecnaw ijjen n dbiḥeṯ ṯeddar, ḏ ṯamqeddest, axas yarḍa netta. Manaya ḏ lwajib n lƹibada xawem.

Ayṯ-Ruma 4:25

Itwasellem ḥima aḏ immeṯ x ȓmuƹṣiyaṯ nneɣ, itwasekkar-d ḥima aḏaneɣ isemṣȓaḥ Arebbi akiḏes.

Ayṯ-Ruma 6:2

Lla, ƹemmarṣ! Neccin nemmuṯ-as i ȓmuƹṣiyeṯ, ixeṣṣa-yaneɣ ȓexxu war netsiɣi ca a nƹic ḏayes.

Ayṯ-Ruma 6:6

Neccin nessen belli nnefs nneɣ tuɣa ṯeǧa qbeȓ, nettaṯ iƹni, twaṣelleb ak Lmasiḥ ḥima aḏ tbeṭṭeȓ nnefs nneɣ iccuren s ȓmuƹṣiyaṯ, bac war netɣimi ca ssa aȓ ṯsawent ƹaḏ ḏ isemɣan n ȓmuƹṣiyeṯ.

Ayṯ-Ruma 8:10

Ṯumma Lmasiḥ meȓa aqaṯ ḏaywem, ddat nwem waxxa ṯemmuṯ s ssabab n ȓmuƹṣiyeṯ, arruḥ nwem iddar s ssabab n ṣṣulḥ.

Ayṯ-Ruma 8:2

Liʼanna ḏi Ƹisa Lmasiḥ, ṭṭabiƹa n Arruḥ ig iticcen ṯuḏarṯ ṯfekk-icek-d zi ṭṭabiƹa n ȓmuƹṣiyeṯ ḏ ȓmewṯ.

Ayṯ-Ruma 8:6

Aqa yinni ixeddmen s ȓxaḍar nsen ḏi ṯmesȓayin n ṭṭabiƹa ṯaƹeffant nsen ataf aḏ mmṯen. Walakin yinni ixeddmen s ȓxaḍar nsen ḏi ṯmesȓayin n Arruḥ ataf aḏ ddaren aɣarsen yiȓi ȓehna.

1 Ayṯ-Kurinṯ 10:33

Nec rezzuɣ aḏ sarḍiɣ marra iwḏan ḏi marra min teggeɣ. War rezzuɣ ca ȓxir i yixef inu, rezzuɣ-ṯ i marra iwḏan bac aḏ nejmen.

2 Ayṯ-Kurinṯ 12:10

S manaya ƹlaḥsab Lmasiḥ nec farrḥeɣ s ḍḍuƹef inu ḏ ṯukkwra ḏ tamara ḏ uƹeddeb ḏ uziyyar. Mayemmi? Meȓa ḍeƹfeɣ ȓexddenni nec aḏ iȓiɣ jehḏeɣ.

2 Ayṯ-Kurinṯ 3:6

Ḏ netta iy ḏaneɣ yucin ṯizemmar-a bac a niȓi ḏ ixeddamen n yijjen n Ȓƹaheḏ ḏ jḏiḏ. Ȓƹaheḏ-a maci s ccariƹa; Lla, ȓƹaheḏ-a s Arruḥ n Arebbi. Liʼanna ccariƹa ṯneqq, Arruḥ n Arebbi netta iseddar.

2 Ayṯ-Kurinṯ 5:16

X manayenni, zi ssa aȓ ṯsawent neccin war nxezzar ca ḏi ḥadd ƹlaḥsab ȓaƹqeȓ n ddunect-a. Waxxa nxezzar qbeȓ ḏi Lmasiḥ ƹlaḥsab ȓaƹqeȓ n ddunect-a, ȓexxu war ṯ netwiȓi ca amenni.

Ayṯ-Galaṭya 5:25

Meȓa netƹic s Arruḥ iqeddsen, ataf labud a nuyur s ȓxaḍar nnes.

Ayṯ-Ufasus 4:17

Aqa min ḏawem qqareɣ ḏ uziyyar-a iy xawem tzeyyareɣ ḏi Siḏiṯneɣ, iƹni u labud war ṯeggurem ca mammec gguren ȓegnus s ȓaƹquȓ nsen ixwan.

Ayṯ-Ufasus 5:14

minzi ḏ nnur iy d ismeḍharen marra. X manaya iqqar Lkitab:

Ayṯ-Kulus 2:12

Iƹni ṯenḍȓem akiḏes s ṭṭahareṯ nwem ḏeg waman, u ƹaweḏ s ṭṭahareṯ nwem ḏeg waman ṯekkarem-d akiḏes zi ȓmewṯ s lʼiman nwem ḏi ṯzemmar n Arebbi wenni d isekkaren Ƹisa zi ȓmewṯ.

Ayṯ-Kulus 3:1

Iḏen fa wami twasnekkarem kenniw ak Lmasiḥ u labud aḏ terzum s wuȓawen nwem ṯimesȓayin nni iǧan ḏeg ujenna mani iqqim Lmasiḥ ɣar ufusi n Arebbi.

Ayṯ-Kulus 3:17

Marra min teggem s wawaȓen niɣ s lḥasanaṯ, itxeṣṣa aḏ teggem manaya marra ƹlaḥsab isem n Siḏiṯneɣ Ƹisa azzayes tcekkarem Arebbi Babaṯneɣ.

Ayṯ-Kulus 3:23

Marra min teggem, teggem-ṯ s ȓxaḍar nwem mammec ḏas ṯxeddmem i Siḏiṯneɣ maci i iryazen.

1 Ayṯ-Salunik 5:10

Netta immuṯ xaneɣ bac a neddar akiḏes waxxa neccin nfaq niɣ neṭṭeṣ ḏeg unḍeȓ.

Titus 2:14

Netta iṣeddeq xaneɣ ixef nnes ḏ ijjen n lfidya x marra ccarr nneɣ u ƹaweḏ bac aḏ issiṣfa ijjen n ccaƹb i yixef nnes ataf aḏ iȓin nnes mujudin aḏ ggen lḥasanaṯ.

1 Buṭrus 4:6

X ssabab-a twabeccaren s Lʼinjil uȓa ḏ imettinen. Mmuṯen mammec tmettan yiwḏan marra, walakin niṯni aḏ ddaren s arruḥ nsen ƹlaḥsab lɣaraḍ n Arebbi.

1 Yuḥanna 4:9

Ammu iy d ṯmeḍhar ȓemḥibbeṯ n Arebbi jaraneɣ wami d issekk Mmis aweḥḏani ɣar ddunect-a ḥima azzayes neddar.

Lwaḥi 1:18

Nec ḏ wenni iddaren. Tuɣa mmuṯeɣ, ȓexxu nec ddareɣ i ȓebda n ȓebdaṯ. Ɣari ȓemfataḥ n ȓmewṯ ḏ Lʼaxira.