2 Ayṯ-Kurinṯ 5:11 - Ṯarifiṯ 2020

¹¹ Falihaḏa wami nessen a neggweḏ zi Siḏiṯneɣ, nrezzu iwḏan aḏ qtanƹen. Y min neƹna neccin issen-iṯ Arebbi mliḥ, u tmenniɣ ƹaweḏ ḍḍamir nwem aḏ issen manayenni.

2 Ayṯ-Kurinṯ 5:11 ပူးပေါင်းရင်းမြစ်များ

Matta 10:28

War teggwḏeṯ ca zeg yinni ineqqen ddat war zemmaren aḏ nɣen uȓa ḏ ȓaƹmar; Lla, ggwḏeṯ zi Arebbi iƹni wenni izemmaren aḏ idemmar ddat ḏ ȓaƹmar ḏi jahennama.

Matta 25:46

Aḏ raḥen yina ɣar ṯmessi iy war ixessin ƹemmarṣ. Walakin iṣebḥanen aḏ raḥen ɣar ṯuḏarṯ n ȓebda."

Luqa 12:5

Lla, aḏawem iniɣ wi zi ɣa ṯeggwḏem: Ggwḏeṯ zi Wenni iy ɣa inɣen ddat nwem menbaƹd aɣares yiȓi jjheḏ bac aḏ igg ktar, at inḍar ḏi jahennama. Wah, qqareɣ-awem: Wenni ggwḏem-ṯ.

Luqa 16:31

Inna-as Brahim: Lla, meȓa niṯni war tesȓin ca i Musa ḏ lʼanbiya, waxxa ikkar-d can yijjen zi ȓmewṯ ataf war ṯen isneqniƹ ca."

Ȓexḏayem 13:43

Wami d teffɣen zi ṯemziḏa, ḏfaren-ṯen aṭṭas n israʼiliyen ḏ yinni iseȓmen ḏi ddin n Ayṯ-Israʼil iy teggwḏen Arebbi. Bulus ḏ Barnaba ssiwȓen akiḏsen cejjƹen-ṯen ḥima aḏ arnin ḏi arḍa n Arebbi.

Ȓexḏayem 18:13

Nnan aryaz-a isqenneƹ iwḏan aḏ ƹebḏen Arebbi ḍed i ȓqanun.

Ȓexḏayem 18:4

Mkuȓ nhar n ssebṯ n lƹibada Bulus itemnaqac ak Ayṯ-Israʼil ḏ iyunaniyen ḏi ṯemziḏa bac aṯen iseqneƹ.

Ȓexḏayem 19:26

Aqa twaȓam tesȓam Bulus-a isqenneƹ aṭṭas n yiwḏan ḏi ṯendint-a n Ufasus ƹȓayen uȓa ḏi marra lʼiqlim n Asya, isufuɣ-iṯen zeg ubriḏ nneɣ. Iqqar-aneɣ qa l'aṣnam-a itwaṣenƹen s ifassen qa war ǧin ca ḏ arebbiṯen.

Ȓexḏayem 26:26

Azeǧiḏ Aɣribas issen netta mliḥ x manaya, nec rezzuɣ akiḏes ssiwȓeɣ s ṣṣaraḥa marra. Nec mesteqneƹ war ṯeqqim uȓa ḏ ijjen n ȓḥajeṯ zi manaya war t issin ca, liʼanna war ṯewqiƹ ca ḏi can n ṯɣemmarṯ waha.

Ȓexḏayem 28:23

Ttafqen aḏ meȓqen ijjen n nhar, tmarnin-d inneɣni usin-d ɣares aṭṭas iḏsen ɣar ṯeddarṯ mani iqqim Bulus. Ibḏa itḥeddaṯ-iṯen zi ṣbaḥ aȓ wami d yuweḍ uƹecci netta icehheḏ s ȓmulk n Arebbi, ixes aṯen iseqneƹ s Ccariƹa n Musa ḏ Lkutub n lʼanbiya x Ƹisa.

2 Ayṯ-Kurinṯ 2:17

Aqa neccin maci am xarebbi n yiwḏan iteggen ttijara ḏeg wawaȓ n Arebbi, neccin ḏi Lmasiḥ nessawaȓ s wuȓ iṣfa zi Arebbi u zzaṯ i Arebbi.

2 Ayṯ-Kurinṯ 5:20

Falihaḏa neccin ḏ lmubcirin n Lmasiḥ, Arebbi issekk ṭṭalab nnes x ufus nneɣ. Nṭalab-ikenniw ƹlaḥsab Lmasiḥ aḏ temṣȓaḥem ak Arebbi.

2 Ayṯ-Kurinṯ 6:1

Fa neccin ig ixeddmen ak Arebbi ntettar i kenniw neqqar-awem: Maci aḏ tqebbȓem arḍa n Arebbi war zzayes ṯxeddmem ca.

Ayṯ-Galaṭya 1:10

Cuf, nec ma rezzuɣ ȓexxu axafi arḍan yiwḏan? Lla, rezzuɣ axafi yarḍa Arebbi! Ma nec rezzuɣ aḏasen ƹejbeɣ i yiwḏan? Lla, maƹlik ƹaḏ rezzuɣ aḏasen ƹejbeɣ i yiwḏan, ataf nec war ǧiɣ ca ḏ axeddam n Lmasiḥ.

Ayṯ-Ufasus 5:21

Ṯaƹem i wayawya ƹlaḥsab ȓuweqqar nwem i Lmasiḥ.

Iƹibraniyen 10:31

Meȓa ijjen ḥekkmen xas ifassen n Arebbi iddaren, ataf manaya isaggwaḏ.

Iƹibraniyen 12:29

minzi Arebbi nneɣ netta ḏ ijjen n ṯmessi isḥarraqen.

Yahuḏa 1:23

Fekkeṯ inneɣni, jebḏem-ṯen-d zi ṯmessi. Inneɣni sbiyynem-asen-d arraḥmeṯ ṯemxelleṭ ak ṯiggwḏi iƹni aḏ tƹiffem uȓa ḏ arruḍ nsen ig ixenzen s ṭṭabiƹa nsen ṯaƹeffant.

Lwaḥi 20:15

Wenni war ɣar ufin ca isem nnes izemmem ḏi Lkitab n Ṯuḏarṯ qa imenḍar-d ḏi ȓebḥar n ṯmessi.