2 Ayṯ-Kurinṯ 4:15 - Ṯarifiṯ 2020

¹⁵ Cuf, manaya iwqeƹ marra bac akenniw infeƹ. Xmi itentacar arḍa ɣar yiwḏan aṭṭas s waṭṭas iƹni arḍa-ya aḏ d isfeyyeḍ ccuker i lƹaḍama n Arebbi.

2 Ayṯ-Kurinṯ 4:15 ပူးပေါင်းရင်းမြစ်များ

Ayṯ-Ruma 8:28

Fa neccin nessen belli marra min itewqiƹen qaƹ itarra-ṯ Arebbi ḏ ttisir i yinni iy ṯ itexsen, iƹni ḏ yinni umi iy d iȓaɣa ƹlaḥsab lɣaraḍ nnes.

1 Ayṯ-Kurinṯ 9:19

Waxxa nec war ɣari bu bab inu, walakin arriɣ ixef inu ḏ ismeɣ zaƹma i marra bac aḏ rebḥeɣ aṭṭas n zziyada n yiwḏan.

2 Ayṯ-Kurinṯ 8:19

Maci manayenni waha, qa xḍarent-ṯ-iḏ ṯjumaƹ n ȓmuminin bac akiḏneɣ isafar xmi ɣa neksi ȓxir n ṣṣaḏaqa-ya. Nkellef x ṣṣaḏaqa-ya i lƹaḍama n Siḏiṯneɣ s yixef nnes u bac aḏ d imeḍhar mammec ntegg ṯizemmar a nƹawen.

Ayṯ-Galaṭya 1:24

Ssenni uca ḥemmḏen Arebbi xafi.

Ayṯ-Kulus 1:24

Ȓexxu nec farrḥeɣ x minxef tƹeddabeɣ ƹlaḥsab kenniw. Liʼanna ḏi ddat-a inu kessiɣ ȓḥaqq inu zi min ƹaḏ ineqqṣen zeg uƹeddeb nni n Lmasiḥ ƹlaḥsab ddat nnes iƹni jmaƹeṯ n ȓmuminin.

1 Timutawus 1:14

Arḍa n Siḏiṯneɣ infeyyeḍ-d xafi s waṭṭas ḏ waṭṭas, akiḏes ijjen n lʼiman ḏ ijjen n ȓemḥibbeṯ ig iǧan ḏi Ƹisa Lmasiḥ.

2 Timutawus 2:10

X manaya nec ṣebbareɣ x marra ṯimesȓayin ƹlaḥsab yinni itwaxḍaren ḥima uȓa ḏ yina aḏ nejjmen s ufus n Ƹisa Lmasiḥ, akiḏes ijjen lƹaḍama iy war ifennin ca.

1 Buṭrus 2:9

Fa kenniw ḏ ijjen n ccaƹb itwaxḍaren ḏ ijjen n jmaƹeṯ n ȓfuqaha n Uzeǧiḏ ḏ ijjen n ȓgens ḏ amqeddes ḏ yiwḏan niṯni Bab nsen ḏ Arebbi bac aḏ tbeccarem s ṯmesȓayin ṯiṣebḥanin n wenni iy kenniw issufɣen zeg yijjen n ṯaǧest yarri-kenniw-d ɣar nnur nnes ƹajib.

1 Buṭrus 4:11

Wenni umi immuc aḏ issiweȓ itxeṣṣa-yas aḏ issiweȓ am wenni issawaȓen awaȓen n Arebbi. Wenni umi immuc aḏ ixḏem itxeṣṣa-yas aḏ ixḏem am wenni ixeddmen s jjheḏ ig iticc Arebbi. Ḥima s marra ṯimesȓayin-a aḏ itwaḥmeḏ Arebbi s ufus n Ƹisa Lmasiḥ. Aɣares ṯiȓi lƹaḍama ḏ ȓeḥkam i ȓebda n ȓebdaṯ. Amin.