2 Ayṯ-Kurinṯ 4:10 - Ṯarifiṯ 2020

¹⁰ Ȓebda narebbu ḏi ddat nneɣ ȓmewṯ n Ƹisa bac aḏ d tmeḍhar uȓa ḏ ṯuḏarṯ n Ƹisa ḏi ddat nneɣ.

2 Ayṯ-Kurinṯ 4:10 ပူးပေါင်းရင်းမြစ်များ

Yuḥanna 14:19

Cwit n ȓweqṯ ig iqqimen war ḏayi ṯẓerr ca ddunect-a, walakin kenniw aḏayi ṯeẓrem. Wami nec ddareɣ, uȓa ḏ kenniw aḏ teddarem.

Ayṯ-Ruma 6:5

Cuf, meȓa ncarec akiḏes ḏeg yijjen n ȓmewṯ am ṯenni iy igga netta, amenni ƹaweḏ iy kiḏes ɣa ncarec ḏeg yijjen n lqiyama am ṯenni iy igga netta.

Ayṯ-Ruma 6:8

Fa meȓa nemmuṯ neccin ak Lmasiḥ, ntamen ƹaweḏ akiḏes neddar.

Ayṯ-Ruma 8:36

Mammec iqqar Lkitab:

2 Ayṯ-Kurinṯ 1:5

Liʼanna mammec aƹeddeb n Lmasiḥ itenfeyyaḍ-d itaḏaf ḏi ṯuḏarṯ nneɣ amenni ƹaweḏ s Lmasiḥ itenfeyyaḍ-d umƹawan nneɣ.

2 Ayṯ-Kurinṯ 1:9

Wah, nḥessa ḏeg yixef nneɣ belli netwaḥkam s ȓmewṯ. Iwqeƹ manayenni bac war netƹewwiȓ ca x yixef nneɣ, a nƹewweȓ x Arebbi wenni iy d isnekkaren yinni immuṯen.

2 Ayṯ-Kurinṯ 13:4

Wah, netta itwaṣelleb x ṣṣalib s ḍḍuƹef, wa innama iteddar s jjheḏ n Arebbi. Amenni uȓa ḏ neccin. Neḍƹef am ḍḍuƹef nnes netta, wa innama jarawem nteddar akiḏes netta s jjheḏ n Arebbi.

2 Ayṯ-Kurinṯ 4:11

Liʼanna neccin ig iddaren netwasellam ȓebda ɣar ȓmewṯ ƹlaḥsab Ƹisa ḥima ṯuḏarṯ n Ƹisa aḏ d tmeḍhar ḏi ddat nneɣ itmettan.

Ayṯ-Galaṭya 6:17

Ssa aȓ ṯsawent itxeṣṣa war ḏayi itegg ḥadd tamara ȓaḥeqqac ddat inu ḏayes lʼaṯar n Ƹisa.

Ayṯ-Kulus 1:24

Ȓexxu nec farrḥeɣ x minxef tƹeddabeɣ ƹlaḥsab kenniw. Liʼanna ḏi ddat-a inu kessiɣ ȓḥaqq inu zi min ƹaḏ ineqqṣen zeg uƹeddeb nni n Lmasiḥ ƹlaḥsab ddat nnes iƹni jmaƹeṯ n ȓmuminin.

2 Timutawus 2:11

Aqa ijjen wawaȓ ḏayes ttiqeṯ: Meȓa nemmuṯ akiḏes, uca a neddar akiḏes.

1 Buṭrus 4:13

Lla, itxeṣṣa kenniw aḏ tfarḥem wami ṯcarrcem ḏeg uƹeddeb n Lmasiḥ bac aḏ tfarḥem ƹaweḏ aṭṭas xmi d ɣa ṯmeḍhar lƹaḍama nnes.

1 Buṭrus 4:14

Meȓa iwḏan tukkaren-kenniw ƹlaḥsab isem n Lmasiḥ ataf ssaƹḏ nwem, minzi Arruḥ n lƹaḍama ḏ Arruḥ n Arebbi imars-d xawem.

Lwaḥi 1:17

Wami ṯ ẓriɣ uḍiɣ-as ɣar iḍaren nnes axmi mmuṯeɣ. Isers-d xafi fus nnes afusi inna-ayi: "War teggweḏ ca!" Inna-ayi: "Qa nec ḏ amezwaru ḏ aneggaru.