2 Ayṯ-Kurinṯ 3:6 - Ṯarifiṯ 2020

⁶ Ḏ netta iy ḏaneɣ yucin ṯizemmar-a bac a niȓi ḏ ixeddamen n yijjen n Ȓƹaheḏ ḏ jḏiḏ. Ȓƹaheḏ-a maci s ccariƹa; Lla, ȓƹaheḏ-a s Arruḥ n Arebbi. Liʼanna ccariƹa ṯneqq, Arruḥ n Arebbi netta iseddar.

2 Ayṯ-Kurinṯ 3:6 ပူးပေါင်းရင်းမြစ်များ

Matta 13:52

Inna-asen: "Kuȓ amseȓmaḏ n Ccariƹa n Musa ig ifehmen ȓmulk ujenna netta am yijjen n bab n ṯeddarṯ ig isufuɣen ṯimesȓayin ṯiqḏimin niɣ ḏ jḏiḏ zi mani ixzen ȓkenz nnes."

Matta 26:28

Ȓkas-a ḏayes iḏammen n ȓƹaheḏ, iƹni ḏ iḏammen inu iy ɣa yazzȓen ƹlaḥsab aṭṭas n yiwḏan ḥima aḏasen iɣfar Arebbi ȓmuƹṣiyaṯ nsen.

Marqus 14:24

Inna-asen: "Ȓkas-a ḏayes iḏammen n ȓƹaheḏ, iƹni ḏ iḏammen inu iy ɣa yazzȓen ƹlaḥsab aṭṭas n yiwḏan.

Luqa 22:20

Ammu ƹaweḏ menbaƹd i umensi iysi-d ȓkas inna-asen: "Ȓkas-a ḏ ȓƹaheḏ ḏ jḏiḏ iy kiḏwem teggeɣ s iḏammen inu aḏ azzȓen ƹlaḥsab kenniw."

Yuḥanna 5:21

Mammec d isnekkar Babas yinni immuṯen iticc-asen ṯuḏarṯ, uȓa ḏ Mmis iticc-asen ṯuḏarṯ i yinni ixes.

Yuḥanna 6:63

Arruḥ n Arebbi ḏ netta iseddaren. Min iǧan ḏ bnaḏem war ineffeƹ i walu. Awaȓen iy ḏawem nniɣ, ḏaysen arruḥ ḏ ṯuḏarṯ.

Ayṯ-Ruma 1:5

Aqa zi Ƹisa u x ssabab n yisem nnes igga ḏayi Arebbi lbaraka ḥima aḏ iȓiɣ ḏ arrasul, aḏ beccareɣ iwḏan zi marra ȓegnus azzayes amnen aḏas ṭaƹen.

Ayṯ-Ruma 3:20

Falihaḏa, uȓa ḏ ijjen n bnaḏem war izemmar aḏ imeṣȓaḥ ak Arebbi s ȓexḏayem iy ḏayes ḏi ccariƹa; Lla, ccariƹa ṯesbeyyan-aneɣ-d min ṯeƹna ȓmuƹṣiyeṯ.

Ayṯ-Ruma 4:15

Aqa ccariƹa n Musa tawi-d lƹiqab n Arebbi. Walakin mani war tiȓi ca ccariƹa war tiȓi ca ḏinni ȓmuƹṣiyeṯ.

Ayṯ-Ruma 4:17

Mammec iqqar Lkitab: Ḏinni Brahim zzaṯ i Arebbi iy zi itamen, iƹni wenni d isnekkaren yinni immuṯen, iƹni wenni d ixeȓqen min ƹemmarṣ war iǧin.

Ayṯ-Ruma 7:6

Walakin ȓexxu neccin netwafekk zi ccariƹa-ya iy ḏaneɣ iqqnen, nemmuṯ-as i manayenni. Neccin nƹebbeḏ s yijjen n ubriḏ ḏ jḏiḏ n Arruḥ n Arebbi, maci s nniḍam nni aqḏim iy yurin ḏi Lkitab.

Ayṯ-Ruma 8:2

Liʼanna ḏi Ƹisa Lmasiḥ, ṭṭabiƹa n Arruḥ ig iticcen ṯuḏarṯ ṯfekk-icek-d zi ṭṭabiƹa n ȓmuƹṣiyeṯ ḏ ȓmewṯ.

1 Ayṯ-Kurinṯ 11:25

Ammu ƹaweḏ wami kemmȓen amensi, iysi-d netta ȓkas nni, inna: "Ȓkas-a ḏ ȓƹaheḏ ḏ jḏiḏ iy kiḏwem teggeɣ s iḏammen inu. Teggeṯ manaya meȓmi ma ṯ ṯeswim ḥima aḏayi tfekkarem."

1 Ayṯ-Kurinṯ 12:28

Ḏi jmaƹeṯ-a n ȓmuminin iretteb Arebbi ḏ amezwaru arrusul, wis ṯnayen lʼanbiya, wis ṯȓaṯa imseȓmaḏen, menbaƹd yinni isxeddamen lmuƹjizaṯ ḏ yinni ɣar ǧant lqudraṯ bac aḏ sgenfan iwḏan, ḏ yinni itƹawanen, ḏ yinni itkellafen s ȓxeḏmeṯ, ḏ yinni issawaȓen s ȓebƹaḍ n lluɣaṯ ruḥiyaṯ.

1 Ayṯ-Kurinṯ 15:45

Ammu iqqar Lkitab: "Bnaḏem amezwaru iƹni Adam iḏweȓ ḏ buḥbeȓ iddaren." Adam aneggaru netta ḏ buḥbeȓ ig iseddaren.

1 Ayṯ-Kurinṯ 3:10

Nec ƹlaḥsab arḍa iy ḏayi yuca Arebbi ggiɣ ijjen n dsas am yijjen n lemƹallem ifsus netta. Yusa-d ijjen nneɣni ibenna x dsas-a. Walakin u labud kuȓ ijjen aḏ yarr ȓbaȓ mammec ɣa ibna x dsas-a.

1 Ayṯ-Kurinṯ 3:5

Iwa min iƹna Apullus? Min iƹna Bulus? Neccin ḏ ixeddamen waha, ṯumnem x ufus nneɣ mammec ḏaneɣ d yuca Siḏi Arebbi a nexḏem.

2 Ayṯ-Kurinṯ 11:23

Meȓa niṯni ḏ ixeddamen n Lmasiḥ, uȓa ḏ nec ḥsen ƹaḏ ḏ axeddam n Lmasiḥ (ssawaȓeɣ zaƹma s ṯubbuhȓiya-ya). Nec ccaṯeɣ tamara ktar zzaysen, ḥebbsen-ayi ktar zzaysen, uwṯin-ayi s usɣun ktar zzaysen. Nec mecḥaȓ n ṯwaȓaṯin twajaheɣ ȓmewṯ.

2 Ayṯ-Kurinṯ 3:14

Niṯni ȓaƹquȓaṯ nsen twaqesḥen war fehhmen ca. Aȓ nhara xmi ɣa ɣaren ḏi Ȓƹaheḏ nni aqḏim tafen ltam nni ƹaḏ ḏayes. Ltam nni war itwakkes ca, ɣir s Lmasiḥ iy ɣa itwakkes.

2 Ayṯ-Kurinṯ 3:3

Ṯbanem-d belli kenniw am yijjen n ṯebrat zi Lmasiḥ, nessiweḍ-it neccin. War ṯuri ca s smex, ṯura s Arruḥ n Arebbi iddaren. War ṯenqic ca ḏi ṯeȓwiḥin n uzru, ṯenqec ḏi ṯeȓwiḥin n wuȓ n bnaḏem.

2 Ayṯ-Kurinṯ 3:7

Fa ccariƹa nni n ȓmewṯ, ṯira nnes neqcent ḏi ṯeȓwiḥin n uzru. ccariƹa nni ṯusa-d s yijjen n lƹaḍama ḏ ṯameqqrant, ataf Ayṯ-Israʼil war zemmaren aḏ qqimen xezzaren ḏeg uɣembub n Musa s lƹaḍama nni iy ḏayes itceƹciƹen waxxa tiȓi traḥ-as lƹaḍama nni.

2 Ayṯ-Kurinṯ 3:9

Meȓa ɣares lƹaḍama ɣar ccariƹa nni iy tuɣa d itawin lḥisab ḏ lƹiqab, ataf ȓƹaheḏ-a iy d itawin ṣṣulḥ mecḥaȓ ṯemɣar lƹaḍama nnes ktar zi ṯenni nneɣni.

Ayṯ-Galaṭya 3:21

Iḏen Ccariƹa n Musa, ma tƹarraḍ lwuƹud n Arebbi? Lla walu! Cuf, maƹlik ṯemmuc can ccariƹa iticcen ṯuḏarṯ i bnaḏem, ataf aḏaneɣ ṯarr nican ak Arebbi ccariƹa nni.

Ayṯ-Ufasus 2:1

Fa kenniw tuɣa ṯemmuṯem s wuȓawen nwem ƹlaḥsab ȓmuƹṣiyaṯ ḏ ddnub nwem.

Ayṯ-Ufasus 2:5

Iseddar-aneɣ-d ak Lmasiḥ waxxa neccin s wuȓawen nneɣ nemmuṯ ƹlaḥsab ȓmuƹṣiyaṯ nneɣ. Iwa s arḍa n Siḏi Arebbi iy zi nenjem.

Ayṯ-Ufasus 3:7

Ḏewȓeɣ ḏ axeddam n Lʼinjil-a ƹlaḥsab lbaraka n Arebbi wami ḏayi t ihḏa isexḏem-it s jjheḏ nnes.

1 Timutawus 4:6

Ṯimesȓayin-a meȓa ṯesbeyyaneḏ-ṯent-id i ayṯmaṯneɣ aḏ tiȓiḏ cek ḏ ijjen n uxeddam ḏ aṣebḥan n Ƹisa Lmasiḥ, aḏ tiȓiḏ twarebbiḏ s wawaȓen n lʼiman ḏ ttaƹlim nni aṣebḥan iy ṯḏeffareḏ cek.

2 Timutawus 1:11

Ƹlaḥsab Lʼinjil-a twaxḍareɣ nec aḏ beccareɣ aḏ iȓiɣ ḏ arrasul ḏ ijjen n umseȓmaḏ.

Iƹibraniyen 12:24

Ṯqarrbem-d ɣar Ƹisa wenni itcafaƹen ḏayneɣ s yijjen n ȓƹaheḏ ḏ jḏiḏ. Ṯqarrbem-d kenniw ɣar iḏammen nnes itwaruccen iy qqaren ijjen n wawaȓ ḥsen zeg wenni n nnabi Habil.

Iƹibraniyen 13:20

Arebbi ḏayes ȓehna, ḏ netta iy d yarrin Siḏiṯneɣ Ƹisa zeg imettinen s iḏammen n ȓƹaheḏ ig itduman i ȓebda, Ƹisa-ya ḏ Ameksa Ameqqran n iḥuȓiyen.

Iƹibraniyen 7:22

Ṯjaǧiṯ nni n Arebbi ḏ nettaṯ ig yarrin Ƹisa aḏ iḍemmen ijjen n ȓƹaheḏ ḥsen zi ȓƹaheḏ nni aqḏim.

Iƹibraniyen 8:13

Wami issiweȓ Arebbi x yijjen n ȓƹaheḏ ḏ jḏiḏ, ṣafi wenni amezwaru isbeṭṭaȓ-iṯ. U wenni ig itwasbeṭṭaȓen ȓexxu iḏewweȓ ḏ aqḏim, ataf ḏeɣya aḏ itwakkes war itɣimi ca.

1 Buṭrus 3:18

Amenni ig igga Lmasiḥ wami itwaƹeddeb ijjen n ṯwaȓa i ȓebda ƹlaḥsab ȓmuƹṣiyaṯ. Iƹni wenni iǧan nican itwaƹeddeb ḏeg umcan n yinni iƹeṣṣan ḥima akenniw issiweḍ ɣar Arebbi. Ddat nnes nɣin-teṯ, iseddar-it-id Arruḥ iqeddsen.

1 Yuḥanna 1:1

Min tuɣa ḏinni zeg umezwaru, netsȓa-yas neẓẓer-iṯ s ṯiṭṭawin nneɣ, nxezzar ḏayes netḥaḏa-ṯ s ifassen nneɣ iƹni ḏ Awaȓ n ṯuḏarṯ.