2 Ayṯ-Kurinṯ 2:12 - Ṯarifiṯ 2020

¹² Fa wami d uwḍeɣ ɣar ṯendint n Traws bac aḏ beccareɣ s Lʼinjil n Lmasiḥ, ufiɣ ṯnurzem-ayi-d ijjen n ṯewwarṯ n Siḏiṯneɣ.

2 Ayṯ-Kurinṯ 2:12 ပူးပေါင်းရင်းမြစ်များ

Ȓexḏayem 14:27

Wami uwḍen ḏinni, smunen jmaƹeṯ n ȓmuminin ƹawḏen-asen marra min igga Arebbi x ufus nsen ḏ mammec irzem-asen ṯawwarṯ n lʼiman i yinni war iǧin ca zi Ayṯ-Israʼil.

Ȓexḏayem 16:11

Ssenni nsafer ḏeg uɣarrabu zi ṯendint n Traws, nruḥ nican ɣar ṯendint n Samutrakya. Ṯiwecca nnes nruḥ ɣar ṯendint n Niyapulis.

Ȓexḏayem 16:8

S manaya semḥen ḏi Misya hwan ɣar ṯendint n Traws.

Ȓexḏayem 20:8

Ḏinni aṭṭas n ȓeqnaḏeȓ ḏi ṯɣurfat nni mani nmun.

Ayṯ-Ruma 1:1

Nec ḏ Bulus axeddam n Ƹisa Lmasiḥ, igg-ayi-d Arebbi aḏ iȓiɣ ḏ arrasul. Twaxḍareɣ ḥima aḏ xbareɣ s Lʼinjil n Arebbi,

1 Ayṯ-Kurinṯ 16:9

Aqa ṯnurzem-ayi-d ijjen n ṯewwarṯ ḏ ṯameqqrant i ȓxeḏmeṯ walakin yinni ig itƹarraḍen aqaṯen mujudin.

1 Ayṯ-Kurinṯ 9:12

Meȓa iwḏan nneɣni ɣarsen ȓḥaqq nni n ccarḍ aḏasen ṯucem, yak neccin ɣarneɣ ȓḥaqq-a ktar niɣ lla? Walakin neccin nugi a nkessi ȓḥaqq-a wanita. Nṣebbar aṭṭas i ṯmesȓayin bac war netbellaƹ ca ṯawwarṯ i Lʼinjil.

1 Ayṯ-Kurinṯ 9:14

Amenni uȓa ḏ yinni itbeccaren s Lʼinjil, yumar xasen Siḏiṯneɣ aḏ kessin ccarḍ nsen zi Lʼinjil.

1 Ayṯ-Kurinṯ 9:16

Walakin meȓa tbeccareɣ, war zemmareɣ aḏ ftaxreɣ liʼanna itxeṣṣa-ayi u labud aḏ beccareɣ. Ya tamara xafi nec maƹlik war tbeccareɣ ca!

2 Ayṯ-Kurinṯ 10:14

Iwa kenniw, ma ikellef-aneɣ Arebbi xawem niɣ lla? Wah, neccin nuweḍ-d ɣarwem, nusa-d ɣarwem ḏ imezwura s Lʼinjil n Lmasiḥ.

2 Ayṯ-Kurinṯ 11:4

Liʼanna kenniw ṯeqqarem maƹlic waxxa yusa-d ɣarwem ijjen itbeccaren s yijjen n Ƹisa nneɣni mzuwwar maci ḏ wenni iy xef netbeccar neccin zi qbeȓ. Niɣ ḏeɣya ṯqebbȓem ijjen n arruḥ nneɣni mzuwwar maci ḏ wenni iy tuɣa ṯqebȓem zi qbeȓ. Niɣ ḏeɣya ṯqebbȓem ijjen n Lʼinjil nneɣni mzuwwar maci ḏ wenni iy tuɣa ṯqebȓem zi qbeȓ.

2 Ayṯ-Kurinṯ 11:7

Ma ḏ ȓƹib meȓa beccareɣ-kenniw s Lʼinjil n Arebbi bȓa ma ḏayi ṯxeǧsem, iƹni semzayeɣ ixef inu bac akenniw sgaƹƹḏeɣ?

2 Ayṯ-Kurinṯ 4:3

Lʼinjil nneɣ meȓa iɣemmes s yijjen n ltam, iɣemmes ɣir i yinni ifennan.

2 Ayṯ-Kurinṯ 4:4

Yinni war yuminen ca ȓaƹquȓaṯ nsen isṭemmeṣ-iṯen Ibȓis wenni iǧan am arebbi n ddunect-a zaƹma. Niṯni war zemmaren aḏ ẓren nnur n Lʼinjil iƹni lƹaḍama n Lmasiḥ, netta iǧan ḏ ṣṣifeṯ n Arebbi.

2 Ayṯ-Kurinṯ 8:18

Ak Titus nessekk umaṯneɣ nni maƹruf ɣar marra ṯijumaƹ n ȓmuminin x ȓxeḏmeṯ itegg ƹlaḥsab Lʼinjil.

2 Ayṯ-Kurinṯ 9:13

Ṣṣaḏaqa-ya ṯuca ddalil xawem, zzayes iy ɣa ḥemḏen ṣṣaliḥin Arebbi. Ṯumnem s Lʼinjil n Lmasiḥ, ṯṭaƹem-as xmi tṣeddaqem aṭṭas xasen u x marra iwḏan.

Ayṯ-Kulus 4:3

Ḏi nnefs n ȓweqṯ ttarem-as i Arebbi xaneɣ bac aḏ irzem ṯawwarṯ i wawaȓ nneɣ a nbeccar s ȓmaƹna inuffaren n Lmasiḥ iy xef iy ǧiɣ nec ḏi ȓeḥbes.