2 Ayṯ-Kurinṯ 13:7 - Ṯarifiṯ 2020

⁷ Ntettar-as i Arebbi bac war ṯƹeṣṣim ca, maci bac aḏaneɣ afen yiwḏan war nesqiṭ ca ḏi ttuhma-ya iy xawem nqeddem; Lla, neccin nrezzu aḏ teggem min iǧan nican. Meȓa zɣiȓ-asen i ȓebƹaḍ qa nesqeṭ zaƹma ḏi ttuhma-ya iy xawem nqeddem, iwa maƹlic.

2 Ayṯ-Kurinṯ 13:7 ပူးပေါင်းရင်းမြစ်များ

Matta 6:13

War ḏaneɣ tegg ca ḏi ȓemḥayen, senjem-aneɣ zi ccarr. {Ȓaḥeqqac ȓmulk iǧan nnec, ḏ ṯizemmar, ḏ lƹaḍama i cek i ȓebda. Amin.}

Yuḥanna 17:15

Nec war ḏac tettareɣ ca aṯen ṯsufɣeḏ zi ddunect-a; Lla, tettareɣ-ac aṯen teḥḍiḏ zi ccarr.

Ayṯ-Ruma 1:28

Ssenni niṯni wami ugin aḏ ssnen Arebbi, isellem-iṯen i ȓaƹquȓaṯ nsen infeḍḥen aḏ ggen min war iḥȓin.

Ayṯ-Ruma 12:17

War tarram ca ccarr s ccarr. Arrem-d ȓbaȓ nwem bac aḏ teḥtarmem marra iwḏan ḏi min teggem.

Ayṯ-Ruma 13:13

Itxeṣṣa labud a nuyur s lʼiḥtiram am wenni igguren ḏi ṯfawṯ n nhar. War ntegg ca lmadella n ssekra ḏ waṭṭas n ccreb ḏ lfasad ḏ ȓeqbaḥeṯ ḏ umenɣi ḏ ȓeḥseḏ.

Ayṯ-Ruma 16:10

Siwḍem-as sȓam i Apilas wenni itwamellken ḏi Lmasiḥ. Siwḍem-asen sȓam ƹaweḏ i lƹaʼila n Aristubus.

1 Ayṯ-Kurinṯ 11:19

Ȓaḥeqqac wa labud aḏ iȓin lxilafaṯ jarawem bac aḏ d banen yinni iǧan nican jarawem.

2 Ayṯ-Kurinṯ 10:10

Liʼanna qqaren xafi ȓebƹaḍ zzaywem qa ṯibraṯin n Bulus jehḏent qesḥent. U qqaren ƹaweḏ walakin xmi akiḏneɣ itiȓi netta s yixef nnes iteḍƹif awaȓen nnes xwan.

2 Ayṯ-Kurinṯ 10:18

Liʼanna maci wenni itqeddamen ixef nnes iy ɣa itwaqebbȓen; Lla, wenni iy ɣa itwaqebbȓen ḏ Siḏi Arebbi iy ṯ ɣa iqeddmen.

2 Ayṯ-Kurinṯ 13:6

U nec tteyyqeɣ illa kenniw aḏaneɣ ṯafem neccin war nesqiṭ ca.

2 Ayṯ-Kurinṯ 13:8

Cuf, war nzemmar a negg walu ḍed i lḥaqiqa; nxeddem i lḥaqiqa.

2 Ayṯ-Kurinṯ 13:9

Liʼanna nfarreḥ meȓmi ma neḍƹef, kenniw tiȓim ṯjehḏem. Ḏ manaya mixef nrezzu ḏi ṯẓaǧiṯ nneɣ aḏ tṣeȓḥem nican.

2 Ayṯ-Kurinṯ 6:4

Innama, neccin netqeddam-awem ixef nneɣ s marra minzi neccin ḏ ixeddamen n Arebbi: Iƹni nṣebbar aṭṭas; tekkent xaneɣ ȓemḥayen ḏ tamara ḏ uziyyar;

2 Ayṯ-Kurinṯ 8:21

Ntegg ṯizemmar bac a negg min iǧan ḏ aṣebḥan maci ƹlaḥsab Siḏi Arebbi waha, ntegg ƹaweḏ ƹlaḥsab min twaȓan yiwḏan.

Ayṯ-Filippas 4:8

Ɣar uneggaru ay ayṯma, min iǧan ḏ lḥaqiqa ḏ mindi iǧa ȓewqqar ḏ min iǧan iseggḏen ḏ min iǧan iṣfan ḏ min iǧan ḏ aṣebḥan ḏ min xaneɣ iƹizzen ḏ ayyi ṯamesȓayṯ ḏ ṯaṣebḥant aṭṭas aḏas nuc lqima itxeṣṣa kenniw aḏ tfekkarem ḏi ṯmesȓayin-a.

1 Ayṯ-Salunik 5:23

Arebbi nneɣ n ȓehna akenniw issiṣfa ḏeg yixef nwem qaƹ. Buḥbeȓ nwem ḏ ȓaƹmar nwem ḏ ddat nwem aḏ qqimen kemȓen bȓa ȓƹib aȓ d ɣa yas Siḏiṯneɣ Ƹisa Lmasiḥ.

1 Timutawus 2:2

ḏ izeǧiḏen ḏ marra yinni iḥekkmen bac a nƹiceṯ ḏeg yijjen n ȓehna bȓa ssdaƹ ḏeg yijjen n ṭṭaƹa n Arebbi ḏ yijjen n lmaƹqul.

2 Timutawus 2:15

Egg lmejhud nnec bac aḏ tseḥḍareḏ ixef nnec ɣar Arebbi am yijjen ɣares iǧan meqbul, iƹni am yijjen n uxeddam war ɣares minxef iy ɣa iseḏḥa itfessar nican awaȓ n lḥaqiqa.

2 Timutawus 4:18

Aḏayi isefȓeṯ Siḏiṯneɣ zi mkuȓ ṯamesȓayṯ ḏ ṯaƹeffant aḏayi isenjem ɣar ȓmulk nnes iǧan ḏeg ujenna. Aɣares ṯiȓi lƹaḍama i ȓebda n ȓebdaṯ. Amin.

Yaƹqub 1:12

Ssaƹḏ n wenni iṣbaren x ȓemḥayen ataf xmi ɣa injeḥ aḏ iysi ttaj n ṯudarṯ wenni iy zi iƹaheḏ Arebbi yinni iy ṯ itḥibban.

1 Buṭrus 2:12

Ƹiceṯ s lmaƹqul jar ȓegnus. Meȓa tahamen-kenniw x can ȓḥajeṯ ḏ ṯaƹeffant uca niṯni ẓerren lḥasanaṯ nwem ataf aḏ ḥemḏen Arebbi ḏi Nhar nni iy xasen d ɣa ixḍeȓ.