2 Ayṯ-Kurinṯ 13:4 - Ṯarifiṯ 2020

⁴ Wah, netta itwaṣelleb x ṣṣalib s ḍḍuƹef, wa innama iteddar s jjheḏ n Arebbi. Amenni uȓa ḏ neccin. Neḍƹef am ḍḍuƹef nnes netta, wa innama jarawem nteddar akiḏes netta s jjheḏ n Arebbi.

2 Ayṯ-Kurinṯ 13:4 ပူးပေါင်းရင်းမြစ်များ

Yuḥanna 10:18

Uȓa ḏ ijjen war zzayi t itekkes ca; Lla, nec tṣeddaqeɣ ṯuḏarṯ inu s ȓxaḍar inu. Ɣari jjheḏ ḥima at ṣeddqeɣ. Ɣari jjheḏ ḥima atid arreɣ ƹaweḏ. Ammu iy ḏayi iweṣṣa Baba."

Ȓexḏayem 2:36

Iwa kenniw itxeṣṣa aḏ tessnem marra Ayṯ-Israʼil mebȓa ccekk, qa Ƹisa-ya wanita iy ṯṣellbem iggi-ṯ Arebbi ḏ Siḏiṯneɣ ḏ Lmasiḥ."

Ȓexḏayem 3:16

Ḏeg yisem n Ƹisa iƹni ḏ lʼiman s yisem nnes, aqa aryaz-a iy twaȓam iy ṯessnem iḏweȓ ijheḏ. S lʼiman nnes ḏi Ƹisa iy zi igenfa qaƹ mammec twaȓam marra kenniw.

Ayṯ-Ruma 14:9

Liʼanna x manaya iy xef immuṯ Lmasiḥ uca ṯeƹqeb-d ḏayes ṯuḏarṯ ḥima aḏ yiȓi netta ḏ Siḏiṯsen n yinni immuṯen ḏ yinni iddaren.

Ayṯ-Ruma 6:4

Falihaḏa wami netwaṭehhar akiḏes s waman, iƹni netwanḍeȓ akiḏes ḏi ȓmewṯ. Mayemmi? Ḥima mammec d ikkar Lmasiḥ zi ȓmewṯ s lƹaḍama n Arebbi Babaṯneɣ, amenni uȓa ḏ neccin aqa a nƹic ḏeg yijjen n ṯuḏarṯ ḏ jḏiḏ.

1 Ayṯ-Kurinṯ 1:25

Mayemmi? Liʼanna zaƹma ṯubbuhȓiya n Arebbi nettaṯ ṯsefham ktar zi ȓefhameṯ n bnaḏem, zaƹma ḍḍuƹef n Arebbi netta ijheḏ ktar zi jjheḏ n bnaḏem.

1 Ayṯ-Kurinṯ 15:43

Ddat twazerreƹ ḏi ȓefḍiḥeṯ, twasnekkar-d ḏi ccenƹeṯ. Twazerreƹ ḏi ḍḍuƹef, twasnekkar-d ḏi jjheḏ.

1 Ayṯ-Kurinṯ 2:3

Tuɣa aqayi akiḏwem s yijjen n ḍḍuƹef ḏ yijjen n ṯiggwḏi, terjijiɣ aṭṭas.

1 Ayṯ-Kurinṯ 6:14

Arebbi s jjheḏ nnes isekkar-d Siḏiṯneɣ zi ȓmewṯ, aḏaneɣ d isekkar zi ȓmewṯ uȓa ḏ neccin.

2 Ayṯ-Kurinṯ 10:10

Liʼanna qqaren xafi ȓebƹaḍ zzaywem qa ṯibraṯin n Bulus jehḏent qesḥent. U qqaren ƹaweḏ walakin xmi akiḏneɣ itiȓi netta s yixef nnes iteḍƹif awaȓen nnes xwan.

2 Ayṯ-Kurinṯ 12:10

S manaya ƹlaḥsab Lmasiḥ nec farrḥeɣ s ḍḍuƹef inu ḏ ṯukkwra ḏ tamara ḏ uƹeddeb ḏ uziyyar. Mayemmi? Meȓa ḍeƹfeɣ ȓexddenni nec aḏ iȓiɣ jehḏeɣ.

2 Ayṯ-Kurinṯ 13:9

Liʼanna nfarreḥ meȓmi ma neḍƹef, kenniw tiȓim ṯjehḏem. Ḏ manaya mixef nrezzu ḏi ṯẓaǧiṯ nneɣ aḏ tṣeȓḥem nican.

Ayṯ-Filippas 3:10

Rezzuɣ aḏ ssneɣ Lmasiḥ ḏ jjheḏ nnes wami d ikkar zi ȓmewṯ. Aḏ ssneɣ ƹaweḏ ṯamƹacarṯ nni xmi ɣa ncarec akiḏes s uƹeddeb nni iy xas ikkin netta, a neḏweȓ amecnaw netta s ȓmewṯ nnes.

Iƹibraniyen 5:7

Ḏeg wussan nni iy ḏi tuɣa iddar Ƹisa ḏi ṯmurṯ-a, itẓaǧa itȓaɣa x Arebbi s jjheḏ u s imeṭṭawen itettar-as i wenni izemmaren aṯ isenjem zi ȓmewṯ. Arebbi itṣennaṭ-as wami Ƹisa iteggweḏ zzayes.

1 Buṭrus 3:18

Amenni ig igga Lmasiḥ wami itwaƹeddeb ijjen n ṯwaȓa i ȓebda ƹlaḥsab ȓmuƹṣiyaṯ. Iƹni wenni iǧan nican itwaƹeddeb ḏeg umcan n yinni iƹeṣṣan ḥima akenniw issiweḍ ɣar Arebbi. Ddat nnes nɣin-teṯ, iseddar-it-id Arruḥ iqeddsen.

1 Buṭrus 3:22

Ḏ netta igaƹƹḏen ɣar ujenna aqaṯ x ufusi n Arebbi, yarra lmalaʼikaṯ swadday n lḥukem nnes ḏ yinni iḥekkmen ḏ yinni ijehḏen.