2 Ayṯ-Kurinṯ 13:14 - Ṯarifiṯ 2020

¹⁴ Arḍa n Siḏiṯneɣ Ƹisa Lmasiḥ ḏ ȓemḥibbeṯ n Arebbi ḏ umƹacar n Arruḥ iqeddsen akiḏwem yiȓi marra. Amin.

2 Ayṯ-Kurinṯ 13:14 ပူးပေါင်းရင်းမြစ်များ

Matta 6:13

War ḏaneɣ tegg ca ḏi ȓemḥayen, senjem-aneɣ zi ccarr. {Ȓaḥeqqac ȓmulk iǧan nnec, ḏ ṯizemmar, ḏ lƹaḍama i cek i ȓebda. Amin.}

Yuḥanna 4:10

Inna-as Ƹisa: "Maƹlik cem ṯessneḏ lhadiya n Arebbi ṯessneḏ min ƹniɣ nec iy ḏam iqqaren uc-ayi aḏ sweɣ, ataf ṯettareḏ-ayi cem aman aḏam uceɣ aman n ṯuḏarṯ."

Yuḥanna 4:14

Walakin wenni ɣa iswen aman iy ḏas ɣa uceɣ nec ataf war itfiḏi ca ƹemmarṣ. Aman iy ḏas ɣa uceɣ nec aḏ ḏewȓen ḏayes amecnaw ijjen n ȓƹunṣar azzayes ṯesfiy ṯuḏarṯ n ȓebda."

Yuḥanna 7:38

Mammec inna Lkitab x wenni zzayi ɣa yamnen: Azzayes azzȓen iɣezran n waman iseddaren."

Ȓexḏayem 15:11

Neccin min ntamen? Ntamen belli neccin a nenjem s arḍa n Siḏiṯneɣ Ƹisa mammec ɣa nejmen uȓa ḏ yinni war iǧin ca zi Ayṯ-Israʼil."

Ayṯ-Ruma 1:7

Tariɣ i marra imƹizzen n Arebbi iy iǧan ḏi ṯendint n Ruma ixḍar-ikenniw aḏ tiȓim ḏ ȓmuminin ṣṣaliḥin. Akiḏwem yiȓi arḍa ḏ ȓehna zi Arebbi Babaṯneɣ ḏ Ƹisa Lmasiḥ Siḏiṯneɣ.

Ayṯ-Ruma 16:20

Arebbi n ȓehna netta ƹȓayen aḏ iȓbeẓ Cciṭan swadday i iḍaren nwem. Akiḏwem yiȓi arḍa n Siḏiṯneɣ Ƹisa Lmasiḥ.

Ayṯ-Ruma 16:23

Issiweḍ-awem-d sȓam Ɣayus, ḏ netta iy zzayi ireḥḥben ɣar ṯeddarṯ nnes irzem-it i marra jmaƹṯ n ȓmuminin. Issiweḍ-awem-d sȓam Arisṭus lʼamin n ṣṣenduq n ṯendint, ḏ umaṯneɣ Qartus.

Ayṯ-Ruma 16:27

Arebbi waḥḏes iy ɣar ṯeǧa lḥikma, aɣares ṯiȓi lƹaḍama i netta i ȓebda n ȓebdaṯ s Ƹisa Lmasiḥ! Amin.

Ayṯ-Ruma 5:5

Lʼamal-a war ḏaneɣ itxeyyib ca, mayemmi? Liʼanna Arebbi yuca-aneɣ Arruḥ iqeddsen, zzayes ig iccur uȓawen nneɣ s ȓemḥibbeṯ nnes.

Ayṯ-Ruma 8:9

Amma kenniw, meȓa izeddeɣ ḏaywem Arruḥ n Arebbi, ataf aḏ tƹicem x ubriḏ n Arruḥ ataf war teggem array i ṭṭabiƹa ṯaƹeffant nwem. U wenni war ɣar iǧi Arruḥ n Lmasiḥ, war iǧi ca zi Lmasiḥ.

1 Ayṯ-Kurinṯ 12:13

Liʼanna neccin marra netwaṭehhar s waman s yijjen n Arruḥ bac a niȓi ḏ ijjen n jmaƹeṯ, iƹni Ayṯ-Israʼil niɣ ḏ iyunaniyen, ḏ yinni ɣar iǧa bab nsen niɣ ḏ yinni ɣar ṯeǧa lḥurriya nsen. Neccin marra iḏneɣ yuca-aneɣ a nsew iƹni a ncarec ḏeg yijjen n Arruḥ.

1 Ayṯ-Kurinṯ 14:16

Meȓa ṯcekkareḏ Arebbi s arruḥ waha, wenni iy ɣarwem d yusin s zziyara war izemmar aḏ yini amin x ccuker nnec liʼanna war issin ca min ṯeqqareḏ.

1 Ayṯ-Kurinṯ 16:23

Arḍa n Siḏiṯneɣ Ƹisa akiḏwem yiȓi.

1 Ayṯ-Kurinṯ 3:16

Ma war ṯessinem ca belli ḏ kenniw iy iǧan ḏ ṯamziḏa n Arebbi, izeddeɣ ḏaywem Arruḥ n Arebbi?

1 Ayṯ-Kurinṯ 6:19

Niɣ ma war ṯessinem ddat nwem nettaṯ ḏ ṯamziḏa n Arruḥ iqeddsen ig izeddɣen ḏaywem? Iwa ɣarwem Arruḥ-a zi Arebbi. Kenniw war trayim ca x yixef nwem

2 Ayṯ-Kurinṯ 8:9

Aqa ṯessnem arḍa n Siḏiṯneɣ Ƹisa Lmasiḥ. Tuɣa netta ɣares kuȓci, walakin ƹlaḥsab neccin ismeḥ ḏi kuȓci manayenni bac aɣarneɣ yiȓi kuȓci s manayenni iy ḏi ismeḥ.

Ayṯ-Galaṭya 5:22

Fa min d itarew Arruḥ iqeddsen? Itarew-d ȓemḥibbeṯ ḏ ȓefraḥeṯ ḏ ȓehna ḏ ttasiƹ n ȓxaḍar ḏ ȓxir ḏ wuȓ acemȓaȓ ḏ bnaḏem ḏi iǧa ttiqeṯ

Ayṯ-Ufasus 2:18

Liʼanna s Lmasiḥ am neccin am kenniw nzemmar a nqarreb ɣar Arebbi Babaṯneɣ s yijjen n Arruḥ iqeddsen.

Ayṯ-Ufasus 2:22

Ḏayes ƹaweḏ ḏi Lmasiḥ ibenna-kenniw ijjen ak unneɣni bac aḏ tiȓim ḏ ijjen n ṯzeddiɣṯ ḏayes iy ɣa izḏeɣ Arebbi s Arruḥ nnes.

Ayṯ-Ufasus 5:9

Aqa nnur itarew-d min iǧan ḏ aṣebḥan ḏ min iǧan nican ḏ min iǧan ḏ lḥaqiqa.

Ayṯ-Ufasus 6:23

Aḏ yiȓi ȓehna i ayṯmaṯneɣ ḏ ȓemḥibbeṯ ak lʼiman zi Arebbi Babaṯneɣ ḏ Siḏiṯneɣ Ƹisa Lmasiḥ.

Ayṯ-Filippas 2:1

Meȓa kenniw twacejjƹem s Lmasiḥ niɣ ṯethillam ḏi ȓemḥibbeṯ nnes niɣ ṯcarrcem ak Arruḥ nnes, niɣ ṯufim ḏayes arraḥmeṯ ḏ lḥanana,

1 Yuḥanna 1:3

Min neẓra ḏ min netsȓa netbeccar-ikenniw zzayes ḥima uȓa ḏ kenniw aḏ temƹacarem akiḏneɣ. Marra neccin ṯamƹacarṯ nneɣ aqat ak Babaṯneɣ ḏ Mmis Ƹisa Lmasiḥ.

1 Yuḥanna 3:16

S minzi iy ɣa nessen ȓemḥibbeṯ? Minzi Siḏiṯneɣ iṣeddeq xaneɣ ixef nnes. U ammu ƹaweḏ iy ɣa niȓi newjeḏ a nṣeddeq ixef nneɣ x ayṯmaṯneɣ.

1 Yuḥanna 3:24

Wenni ig isxeddamen ȓuṣiyaṯ nnes ataf aḏ iƹic ḏi Arebbi, Arebbi izeddeɣ ḏayes. Mammec ɣa negg neccin a nessen belli izeddeɣ ḏayneɣ? Nessen-iṯ s Arruḥ nni iy ḏaneɣ d yuca.

Yahuḏa 1:21

Itxeṣṣa aḏ teqqimem ḏi ȓemḥibbeṯ n Arebbi aḏ trajam arraḥmeṯ nni n Siḏiṯneɣ Ƹisa Lmasiḥ ṯenni iy kenniw itawin ɣar ṯuḏarṯ nni war ifennin ca ƹemmarṣ.