2 Ayṯ-Kurinṯ 12:21 - Ṯarifiṯ 2020

²¹ Ggwḏeɣ aɣarwem d ƹeqbeɣ aḏ seḏḥiɣ zi Arebbi inu aḏ ruɣ aṭṭas x yinni ig iƹṣan zi qbeȓ, ƹaḏ war tuben ca zeg ufelles ḏ lfasad ḏ ȓeqbaḥeṯ iy tuɣa teggen.

2 Ayṯ-Kurinṯ 12:21 ပူးပေါင်းရင်းမြစ်များ

Ayṯ-Ruma 13:13

Itxeṣṣa labud a nuyur s lʼiḥtiram am wenni igguren ḏi ṯfawṯ n nhar. War ntegg ca lmadella n ssekra ḏ waṭṭas n ccreb ḏ lfasad ḏ ȓeqbaḥeṯ ḏ umenɣi ḏ ȓeḥseḏ.

Ayṯ-Ruma 9:2

Iƹni, isḥerreq-ayi ijjen n ȓeḥriq aṭṭas ḏeg wuȓ inu war itkemmiȓ ca x ssabab n ȓqum inu, iƹni yinni iǧan zi lʼumma inu. Maƹlik zemmareɣ nec, aḏ twaneƹȓeɣ aḏ twaḥarrmeɣ zi Lmasiḥ bac niṯni war twaneƹƹiȓen ca war twaḥarrimen ca zi Lmasiḥ.

1 Ayṯ-Kurinṯ 5:1

Iffeɣ-d ijjen n ȓexbar belli ḏinni ijjen n nnuƹ n lfasad jarawem war xas ṣebbaren ca waxxa ḏ lkuffar! Ijjen n uryaz ɣares ṯamɣarṯ n babas.

2 Ayṯ-Kurinṯ 10:6

Xmi ɣa ṯessiwḍem kenniw nican ṭṭaƹa nwem, ataf neccin a niȓi nsewjaḏ bac a nƹaqeb wenni war itṭiƹin ca.

2 Ayṯ-Kurinṯ 12:7

Iḏen immuc-ayi ijjen n usennan ḏeg uysum inu, mayemmi? Ḥima war semɣareɣ ca ixef inu ƹlaḥsab ṯimesȓayin-a istƹejjiben iy ḏayi d isbeyyen Arebbi ḏi lwaḥi. Asennan-a wenni iy d issekken Cciṭan itƹeddab-ayi bac war semɣareɣ ca ixef inu.

2 Ayṯ-Kurinṯ 13:2

Nec ḏi zziyara iy tuɣa d ggiɣ ɣarwem wis ṯnayen ƹeȓmeɣ-asen i yinni iƹeṣṣan ḏ yiwḏan nneɣni marra. Ȓexxu xmi xawem tɣabiɣ aḏawem ƹeȓmeɣ ƹaweḏ, iƹni xmi d ɣa awḍeɣ uȓa ḏ ijjen zeg yinni iƹeṣṣan ma axas ḥinneɣ.

2 Ayṯ-Kurinṯ 8:24

Falihaḏa, awim-asen i iryazen-a ddalil n ȓemḥibbeṯ nwem ḏ ssabab s minzi nteftaxar ḏaywem bac manaya aṯ ẓrent ṯijumaƹ n ȓmuminin.

Ayṯ-Galaṭya 5:19

Ȓexḏayem n ṭṭabiƹa ṯaƹeffant nneɣ aqa tbanent-id iƹni lfasad ḏ min isexnizen ḏ ȓeqbaḥeṯ,

Ayṯ-Kulus 3:5

X manaya nɣeṯ min iǧan ḏaywem ḏi ṭṭabiƹa nwem n ddunect-a iƹni lfasad ḏ min ixenzen ḏ ccehweṯ ḏ ȓxaḍar aƹeffan ḏ ṭṭmaƹ ig iǧan netta am lƹibada n lʼaṣnam.

Iƹibraniyen 13:4

Weqqareṯ ȓemȓac marra. Qama n ȓemȓac aḏ tiȓi s nniyyeṯ bȓa ȓɣedȓan. Aqa Arebbi aḏ iƹaqeb yinni ifessḏen ḏ yinni izennan.

2 Buṭrus 2:18

Semɣaren ixef nsen s wawaȓen ixwan. S ȓeqbaḥeṯ nni n ccehweṯ n bnaḏem tḥeǧaqen-d yinni yallah ƹaḏ yarewwȓen zeg yiwḏan iy tƹicen ḏi lɣalaṭ.

Yahuḏa 1:23

Fekkeṯ inneɣni, jebḏem-ṯen-d zi ṯmessi. Inneɣni sbiyynem-asen-d arraḥmeṯ ṯemxelleṭ ak ṯiggwḏi iƹni aḏ tƹiffem uȓa ḏ arruḍ nsen ig ixenzen s ṭṭabiƹa nsen ṯaƹeffant.

Yahuḏa 1:7

Ammu ƹaweḏ iy ggin imezḏaɣ ḏi ṯendint nni n Sadum ḏ ṯendint nni n Ƹamura ḏ ibilajen nni iy ḏasent-id innḍen. Sellmen ixef nsen i lfasad ḏ ccehweṯ nni maci ṭṭabiƹi. Iƹni niṯni iggi-ṯen Arebbi ḏ lƹibra, twaƹaqben s yijjen n lƹiqab n ṯmessi war ifennin ca ƹemmarṣ.

Lwaḥi 21:8

Walakin ccmayeṯ ḏ yinni war yuminen ca ḏ yinni iǧan ḏ iƹeffanen ḏ yinni ineqqen iwḏan ḏ yinni ifessḏen ḏ iseḥḥaren ḏ yinni iƹebbḏen lʼaṣnam ḏ marra yinni isxerriqen aqa amcan nsen aḏ yiȓi ḏi ȓebḥar ireqqen s ṯmessi ḏ ȓekbriyeṯ. Qa ṯenni ḏ ȓmewṯ wis ṯnayen."

Lwaḥi 22:15

Ɣar barra n ṯendint ǧan ḏinni iqzinen ḏ iseḥḥaren ḏ yinni ifessḏen ḏ yinni ineqqen iwḏan ḏ yinni iƹebbḏen lʼaṣnam ḏ marra yinni isxerriqen iy tḥibban ixarriqen.

Lwaḥi 22:20

Iqqar Ƹisa iƹni wenni ixebbaren x ṯmesȓayin-a: "Wah, nec aqa usiɣ-d war tƹeṭṭaȓeɣ ca!" Amin, araḥ-d a Siḏiṯneɣ Ƹisa.