2 Ayṯ-Kurinṯ 12:20 - Ṯarifiṯ 2020

²⁰ Cuf, ggwḏeɣ xmi d ɣa awḍeɣ war kenniw tifeɣ ca mammec tmenniɣ akenniw afeɣ. U ƹaweḏ war ḏayi tifem ca mammec tmennim aḏayi ṯafem. Ggwḏeɣ aḏ afeɣ jarawem amenɣi ḏ ȓeḥseḏ ḏ uƹaṣṣeb, kuȓ ijjen irezzu i yixef nnes waha, ḏ ȓbaṭeȓ ḏ nnamima, ḏaywem ttakebbur ḏ ȓfawḍa.

2 Ayṯ-Kurinṯ 12:20 ပူးပေါင်းရင်းမြစ်များ

Ayṯ-Ruma 1:29

Niṯni ccuren s kuȓ nnuƹ n ȓmuƹṣiyaṯ ḏ ccarr ḏ ṭṭmaƹ ḏ ȓeqbaḥeṯ ḏ ȓeḥseḏ. Neqqen iwḏan tmenɣan. Ccuren s uɣḏar ḏ min war iḥȓin, qqaren nnamima.

Ayṯ-Ruma 1:30

Qqaren ȓbaṭeȓ, tƹiffan Arebbi, tukkaren iwḏan, semɣaren ixef nsen, ḏaysen ttakebbur. Teggen nniṯ ccarr ḏ jḏiḏ, ƹeṣṣan lwalidin.

Ayṯ-Ruma 2:8

Walakin aɣarsen yiȓi lḥisab ḏ lƹiqab ɣar yinni iy irezzun i yixef nsen waha ḏ yinni war itṭiƹin ca i lḥaqiqa ḏeffaren min war iǧin ca nican.

1 Ayṯ-Kurinṯ 1:11

Ay ayṯma, arriɣ-d ȓexbar zi ṯeddarṯ n Kluwi tmenɣam jarawem.

1 Ayṯ-Kurinṯ 14:33

Liʼanna Arebbi war iǧi bu n ȓfawḍa walakin n ȓehna. Ḏ ṯanita ḏ lƹada iy ḏaysent ḏi marra ṯijumaƹ n ȓmuminin.

1 Ayṯ-Kurinṯ 5:2

Y kenniw, ma ḏaywem ttakebbur?! Lla, kenniw itxeṣṣa aḏ txeyyqem. Itxeṣṣa aḏ tsufɣem wenni iggin manaya zi jmaƹeṯ nwem.

2 Ayṯ-Kurinṯ 1:23

Iwa tettareɣ i Arebbi aḏ yiȓi netta ḏ ccaheḏ inu qa nec tuɣa rezzuɣ axawem ḥinneɣ wami ugiɣ aɣarwem d aseɣ ɣar Kurinṯ.

2 Ayṯ-Kurinṯ 10:2

Tettareɣ-kenniw bac war ḏayi tijjim ca aḏ iȓiɣ qesḥeɣ ak ȓebƹaḏ zzaywem am trajiɣ nec aḏ ggeɣ, ȓebƹaḍ-a tfekkaren qa netƹic s array n bnaḏem waha.

2 Ayṯ-Kurinṯ 10:6

Xmi ɣa ṯessiwḍem kenniw nican ṭṭaƹa nwem, ataf neccin a niȓi nsewjaḏ bac a nƹaqeb wenni war itṭiƹin ca.

2 Ayṯ-Kurinṯ 12:21

Ggwḏeɣ aɣarwem d ƹeqbeɣ aḏ seḏḥiɣ zi Arebbi inu aḏ ruɣ aṭṭas x yinni ig iƹṣan zi qbeȓ, ƹaḏ war tuben ca zeg ufelles ḏ lfasad ḏ ȓeqbaḥeṯ iy tuɣa teggen.

2 Ayṯ-Kurinṯ 13:2

Nec ḏi zziyara iy tuɣa d ggiɣ ɣarwem wis ṯnayen ƹeȓmeɣ-asen i yinni iƹeṣṣan ḏ yiwḏan nneɣni marra. Ȓexxu xmi xawem tɣabiɣ aḏawem ƹeȓmeɣ ƹaweḏ, iƹni xmi d ɣa awḍeɣ uȓa ḏ ijjen zeg yinni iƹeṣṣan ma axas ḥinneɣ.

2 Ayṯ-Kurinṯ 2:1

Cuf, ggiɣ ḏi ȓbaȓ inu war teggeɣ bu ca n zziyara nneɣni bac war kenniw sxeyyiqeɣ ca.

Ayṯ-Galaṭya 5:15

Walakin meȓa tmermacem ayawya am ȓuḥuc wa itett wa, ḥḍam ixef nwem aḏ tseɣȓim ayawya.

Ayṯ-Galaṭya 5:26

War nsemɣar ca ixef nneɣ s ttakebbur, war ḏayneɣ itiȓi ca ȓeḥseḏ ḏ ṯɣennant jaraneɣ.

Yaƹqub 4:11

Ay ayṯma, war qqareṯ bu ȓbaṭeȓ x wayawya. Minzi wenni iqqaren ȓbaṭeȓ x wumas niɣ itƹeyyab-iṯ, ataf iqqar ȓbaṭeȓ x ccariƹa itƹeyyab-it. Xmi tƹeyyabeḏ ccariƹa ataf cek war zzayes ṯxeddmeḏ ca; Lla, ataf cek ḏ ȓqaḍi nnes waha.

1 Buṭrus 2:1

Iḏen fa kkseṯ zeg wuȓawen nwem marra ccarr ḏ marra lɣeḏran ḏ nnifaq ḏ ȓeḥseḏ ḏ marra ȓbaṭeȓ.

2 Buṭrus 2:18

Semɣaren ixef nsen s wawaȓen ixwan. S ȓeqbaḥeṯ nni n ccehweṯ n bnaḏem tḥeǧaqen-d yinni yallah ƹaḏ yarewwȓen zeg yiwḏan iy tƹicen ḏi lɣalaṭ.

Yahuḏa 1:16

Cuf, iṯarrasen-a tceṯcan waha, tentaqaḏen x midden, niṯni ḏeffaren ccehawaṯ nsen ṯiƹeffanin; Semɣaren ixef nsen s uqemmum nsen, tesȓehhan iwḏan bac aḏ neffƹen ixef nsen.