2 Ayṯ-Kurinṯ 12:14 - Ṯarifiṯ 2020

¹⁴ Ȓexxu aqayi wejḏeɣ aɣarwem d aseɣ ḏi zziyara wis ṯȓaṯa. War xawem tbessiȓeɣ ca, war rezzuɣ ca x wagȓa nwem rezzuɣ xawem kenniw. Ȓaḥeqqac war itxeṣṣi ca iḥenjiren aḏ smunen agȓa i lwalidin nsen, itxeṣṣa lwalidin nsen iy ɣa ismunen agȓa i iḥenjiren.

2 Ayṯ-Kurinṯ 12:14 ပူးပေါင်းရင်းမြစ်များ

Ȓexḏayem 20:33

Nec ƹemmarṣ war ḍmiƹeɣ i yixef inu can n ddheb niɣ ḏ nnuqarṯ niɣ ḏ warruḍ n can ḥadd.

1 Ayṯ-Kurinṯ 10:24

War rezzuṯ ca ȓxir i yixef nwem, rzum-ṯ i wajjar nwem.

1 Ayṯ-Kurinṯ 10:33

Nec rezzuɣ aḏ sarḍiɣ marra iwḏan ḏi marra min teggeɣ. War rezzuɣ ca ȓxir i yixef inu, rezzuɣ-ṯ i marra iwḏan bac aḏ nejmen.

1 Ayṯ-Kurinṯ 11:34

Can yijjen meȓa iǧuz, itxeṣṣa-yas aḏ icc ḏi ṯeddarṯ nnes bac xmi ɣa ṯmunem ataf war kenniw itḥissib ca Arebbi. Xmi d ɣa aseɣ nec ataf akenniw weṣṣiɣ x ṯmesȓayin nni nneɣni.

1 Ayṯ-Kurinṯ 16:5

Fa xmi ɣa ƹḏuɣ Masidunya aɣarwem d aseɣ, qa nec ƹaḏ aḏ d kkeɣ ssenni x Masidunya.

1 Ayṯ-Kurinṯ 4:19

Lla, qa ƹȓayen aɣarwem d aseɣ meȓa ixes Arebbi. Yinni iy ḏi iǧan ttakebbur aṯen ssneɣ nec. Maci aṯen ssneɣ min qqaren; Lla, aṯen ssneɣ ma ḏaysen can jjheḏ ma lla.

1 Ayṯ-Kurinṯ 9:12

Meȓa iwḏan nneɣni ɣarsen ȓḥaqq nni n ccarḍ aḏasen ṯucem, yak neccin ɣarneɣ ȓḥaqq-a ktar niɣ lla? Walakin neccin nugi a nkessi ȓḥaqq-a wanita. Nṣebbar aṭṭas i ṯmesȓayin bac war netbellaƹ ca ṯawwarṯ i Lʼinjil.

1 Ayṯ-Kurinṯ 9:18

Iḏen, min iƹna ccarḍ inu? Ccarḍ inu ḏ wa: Xmi tbeccareɣ s Lʼinjil tqeddameɣ-ṯ baṭeȓ iƹni maci ƹlaḥsab ȓḥaqq n ccarḍ-a iy ɣari ḏi Lʼinjil.

1 Ayṯ-Kurinṯ 9:19

Waxxa nec war ɣari bu bab inu, walakin arriɣ ixef inu ḏ ismeɣ zaƹma i marra bac aḏ rebḥeɣ aṭṭas n zziyada n yiwḏan.

2 Ayṯ-Kurinṯ 1:15

U s lʼiftixar-a tuɣa rezzuɣ ḏ amezwaru aɣarwem d ggeɣ ijjen n zziyara ḥima aḏawem dubliɣ lbaraka.

2 Ayṯ-Kurinṯ 11:9

Wami ḥḍareɣ akiḏwem tuɣa nec teḥḏajiɣ, war tbessaȓeɣ x ḥadd zzaywem; Lla, ucin-ayi min teḥḏajiɣ ayṯmaṯneɣ yinni iy d yusin zi Masidunya. Amenni ugiɣ axawem bessȓeɣ, aḏ qqimeɣ mestammer amenni.

2 Ayṯ-Kurinṯ 12:13

Ma ḏinni ca n ṯmesȓayṯ minxef arḍiɣ nec ḏi ṯjumaƹ n ȓmuminin ṯinneɣni war xas arḍiɣ ca jarawem? Wah icten, iƹni war xawem tbessiȓeɣ ca! Semḥem-ayi x falṭa-ya.

Ayṯ-Galaṭya 4:19

A ṯarwa inu, kessiɣ xawem ijjen n umnus ƹaweḏ amecnaw ȓeḥriq n ṯarwa ḥetta aȓ d ixȓeq Lmasiḥ ḏaywem!

Ayṯ-Filippas 4:1

Iḏen ay ayṯma iy xafi iƹizzen iy tweḥḥaceɣ ig iǧan ḏ ȓefȓaḥeṯ inu ḏ ttaj inu, amenni labud itxeṣṣa aḏ teqqimem ṯbeddem ḏi Siḏiṯneɣ ay imƹizzen inu.

Ayṯ-Filippas 4:17

Walakin nec war rezzuɣ ca aḏayi ṯucem ca n ȓḥajeṯ, nec rezzuɣ min ɣa yarnin ḏi lʼajar nwem ak Arebbi.

1 Ayṯ-Salunik 2:11

Ntegg akiḏwem am yijjen n uryaz ak ṯarwa nnes. Netweṣṣa-kenniw netcejjaƹ-ikenniw netzeyyar xawem

1 Ayṯ-Salunik 2:8

Ammu iy nethella ḏaywem netxes-ikenniw. Nfareḥ wami ncarec akiḏwem Lʼinjil ḏ ṯuḏarṯ nneɣ minzi ṯƹizzem xaneɣ aṭṭas.