2 Ayṯ-Kurinṯ 11:3 - Ṯarifiṯ 2020

³ Walakin nec ggwḏeɣ mammec ḏas iwqeƹ i Ḥawwa icmeṯ-it ufiɣar s ṯeḥraymiṯ nnes uȓa ḏ kenniw ȓaƹquȓaṯ nwem aḏ ffɣen abriḏ, war ḏas tṭiƹim ca i Lmasiḥ s wuȓawen nwem bȓa nnifaq u bȓa ȓƹib.

2 Ayṯ-Kurinṯ 11:3 ပူးပေါင်းရင်းမြစ်များ

Matta 24:24

Aqa aṭṭas iy d ɣa imeḍharen s ixarriqen aḏ inin aqa nec ḏ Lmasiḥ niɣ nec zi lʼanbiya. Aḏ ggen lmuƹjizaṯ ḏ ṯimeqqranin ḏ ȓaƹjayeb zaƹma ḥima aḏ xeḏƹen iwḏan. Maƹlik zemmaren iȓi xeḏƹen uȓa ḏ yinni ixḍar Arebbi.

Yuḥanna 8:44

Babaṯwem ḏ Ibȓis, ṯrezzum aḏ teḏfarem min ixes netta. Zeg umezwaru netta ineqq iwḏan. War ɣares ca lƹalaqa ak lḥaqiqa minzi netta war ḏayes bu lḥaqiqa. Meȓmi ma isxerraq, ataf issawaȓ zi min ḏayes minzi netta ḏ bu-ixerriqen, ḏ babaṯsen n ixerriqen.

Ayṯ-Ruma 12:8

Ijjen meȓa itcejjaƹ, u labud aḏ icejjeƹ. Ijjen meȓa itṣeddaq, u labud aḏ yiȓi ḏ asexxay. Ijjen meȓa itraya, u labud aḏ iray s wuȓ nnes. Ijjen meȓa ireḥḥem, u labud aḏ irḥem s ȓefraḥeṯ nnes.

2 Ayṯ-Kurinṯ 1:12

Aqa neccin nteftaxar zi ḍḍamir nneɣ iƹni icehheḏ belli nuyur mliḥ ḏi ddunect-a xaṣṣatan akiḏwem s yijjen n nniyyeṯ ḏ wuȓ iṣfan zi Arebbi. War iǧi bu s yijjen n ȓefhameṯ n ddunect-a; Lla, s yijjen n arḍa n Arebbi.

2 Ayṯ-Kurinṯ 11:20

Aqa ṯṣebbarem uȓa ḏ yinni iy kenniw itarran ḏ isemɣan, ḏ yinni iy kenniw itetten, ḏ yinni iy xawem itbuṣaren, ḏ yinni iy ḏi iǧa ttakebbur, ḏ yinni iy kenniw iccaṯen s iseqqiȓen.

2 Ayṯ-Kurinṯ 11:29

Meȓa can yijjen iḍƹef, nec ma war teḍƹifeɣ ca? Meȓa can yijjen itwasufeɣ zeg ubriḏ, nec ma war ḏayi iteqqes ca wuȓ inu?

2 Ayṯ-Kurinṯ 2:17

Aqa neccin maci am xarebbi n yiwḏan iteggen ttijara ḏeg wawaȓ n Arebbi, neccin ḏi Lmasiḥ nessawaȓ s wuȓ iṣfa zi Arebbi u zzaṯ i Arebbi.

2 Ayṯ-Kurinṯ 4:2

Neccin netbeƹƹaḏ x ṯmesȓayin n ȓefḍiḥeṯ ig itwaxeddmen s ṯnufra. War nesxeddim ca ṯaḥraymiṯ, war netḥerrif ca awaȓ n Arebbi. Neccin zzaṯ i Arebbi nseȓmaḏ lḥaqiqa bȓa ma at nesnuffar. Ammu ɣarsen marra iwḏan ḏi ḍḍamir nsen belli ḏayneɣ ttiqeṯ.

Ayṯ-Galaṭya 1:6

Nec setƹejjibeɣ ḏaywem, ḏeɣya ṯsemḥem ḏi Arebbi iy ḏawem d iȓaɣan s arḍa n Lmasiḥ ṯḏeffarem can n Lʼinjil nneɣni mzuwwar!

Ayṯ-Galaṭya 2:4

Rezzun xas x manayenni can n wawmaṯen zaƹma tbuṣaren waha, uḏfen-d jaraneɣ s ṯnufra ḥima aḏ jesssen x lḥurriya iy ɣarneɣ ḏi Lmasiḥ bac aḏaneɣ arren am isemɣan i ccariƹa nsen.

Ayṯ-Galaṭya 3:1

A Ayṯ-Galaṭya, ma ṯbuhȓiyem niɣ? Wi ḏawem iggin ssḥur? Ncerreḥ-awem mliḥ zzaṯ i ṯittawin nwem mammec immuṯ Lmasiḥ x ṣṣalib.

Ayṯ-Galaṭya 4:11

Ggwḏeɣ, imken marra ȓxeḏmeṯ inu akiḏwem ṯiȓi ḏi ȓbaṭeȓ u ṣafi.

Ayṯ-Ufasus 4:14

Amenni war netɣimi ca ḏ iḥenjiren tawint-aneɣ ȓemwaj tarrant-aneɣ. Niɣ ḏ arriḥ itṣuḍ xaneɣ ikessi-yaneɣ ssa ḏ ssa s kuȓ arriḥ zaƹma n useȓmeḏ u s ṯeḥraymiṯ ḏ ixarwiḍen n iryazen ḏ min tciṭṭinen.

Ayṯ-Ufasus 4:22

Iwa tuɣa ṯȓemḏem aḏ tsemḥem ḏi ṭṭabiƹa nni nwem tuɣa ɣarwem qbeȓ. Liʼanna ṭṭabiƹa nni nwem ṯarecca ƹlaḥsab ccehweṯ nnes istwaɣarren.

Ayṯ-Ufasus 6:24

Aḏ yiȓi arḍa i marra yinni ig itḥibban Siḏiṯneɣ Ƹisa Lmasiḥ s yijjen n ȓemḥibbeṯ war ṯfenni ca ƹemmarṣ.

Ayṯ-Kulus 2:18

War tejjam uȓa ḏ ijjen n bnaḏem akenniw isbeṭṭeȓ x ljaʼiza. Netta bnaḏem nni ḏ wenni ig isemɣaren min iqesḥen ḏi ddin, isemɣar ƹaweḏ lƹibada nni iy zi ƹebbḏen lmalaʼikaṯ. Issawaȓ aṭṭas ṯa s ṯa x min iẓra zaƹma ḏi ca n lwaḥi nnes. Ȓƹaqeȓ nnes yuff imɣar s ttakebbur. War ḏinni bu Arruḥ iqeddsen, ḏinni lʼafkar nnes ixwan waha.

Ayṯ-Kulus 2:4

Qqareɣ-awem manaya bac war d itis ḥadd akenniw icmeṯ s wawaȓ nnes aḏawem isneƹmiȓ ḏ ṣṣaḥ.

Ayṯ-Kulus 2:8

Arrem-d ȓbaȓ nwem uȓa ḏ ijjen ma izemmar akenniw isxarweḍ s lfelsafa niɣ s uɣeddaȓ nni ixwan ƹlaḥsab ttaqalid n bnaḏem niɣ ƹlaḥsab lqawanin iqḏimen n ddunect-a qa maci ƹlaḥsab Lmasiḥ.

1 Ayṯ-Salunik 3:5

X manaya, wami ugiɣ aḏ ṣbareɣ ƹaḏ ktar, ssekkeɣ-d ɣarwem Timutawus bac aḏ ssneɣ lʼiman nwem. Ggwḏeɣ wenni itɣarran tuɣa iɣarr-ikenniw s ibriḏen nnes uca min tuɣa nexḏem jarawem imken iḏweȓ axmi war neggi walu.

1 Timutawus 1:3

Nec wami ruḥeɣ ɣar lʼiqlim n Masidunya weṣṣiɣ-cek aḏ teqqimeḏ ḏi ṯendint n Ufasus bac aḏ tenhiḏ can iryazen aḏasen ṯiniḏ war seȓmaḏem ca ṯimesȓayin ig itxalafen ḏi lʼiman.

1 Timutawus 2:14

Ƹaweḏ Adam war ṯ icmiṯ ca Cciṭan, ḏ ṯamɣarṯ itwacemṯen ṯeƹṣa Arebbi.

2 Timutawus 3:13

Amma iryazen iƹeffanen ḏ iryazen icemmaṯen niṯni aḏ arnin ḏi ṯuƹuffna waha, niṯni aḏ cemmṯen aḏ twacemmṯen.

Titus 1:10

Liʼanna yinni iy ḏi ṯeǧa ṯɣennant aqaṯen mujudin, ssawaȓen waha niṯni ḏ iɣeddaren xaṣṣatan ḏ yinni iticcen lhimma aṭṭas i ṭṭahareṯ.

Iƹibraniyen 13:9

Arrem-d ȓbaȓ nwem bac war tḏeffarem ca lʼanwaƹ n useȓmeḏ feckel. Cuf, ḏ lemliḥ aḏ ijheḏ wuȓ nneɣ s arḍa maci s lmakla ddiniya, yinni iy t itetten war zzayes stenfiƹen ca.

2 Buṭrus 3:17

Iḏen ay imƹizzen inu, kenniw ṯessnem manaya, ḥḍaṯ ixef nwem bac war kenniw itawi ca lɣalaṭ n lmufsidin aḏ d tewḍam zi dsas nwem.

2 Buṭrus 3:3

Min iǧan muhim qaƹ? Itxeṣṣa u labud aḏ tfehmem belli ḏi ȓiyyam nni ineggura aḏ iȓin mujudin iwḏan iy iḍeḥḥcen xawem, aḏ ḍeḥcen aḏ ḏeffaren ccehawaṯ nsen u ṣafi.

1 Yuḥanna 2:18

A iḥenjiren, aqa ṯsaƹƹat-a ṯaneggarut ṯuweḍ-d. Kenniw ṯesȓim ddejjal nni iggur-d, amenni ƹaweḏ aṭṭas n yiwḏan iy d yusin ȓexxu ggin am ddejjal nni. S manayenni iy nessen aqa ṯsaƹƹat ṯaneggarut ṯuweḍ-d.

1 Yuḥanna 4:1

Ay imƹizzen inu, war tiqqim ca ḏi marra arruḥaṯ, jarrbem-ṯen bac aḏ tessnem ma zi Arebbi ma lla. Qa ffɣen-d aṭṭas n iṯarrasen ɣar ddunect-a tarran ixef nsen ḏ lʼanbiya.

Yahuḏa 1:4

Aqa ca iṯarrasen uḏfen-d jarawem war ḏasen d ṯarrim bu ȓexbar, qa lƹiqab nsen yura xas mecḥaȓ zeg wami. Yina ƹeṣṣan Arebbi, sƹewwajen arḍa nnes bac aɣarsen yiȓi am can n ttesriḥ n ccehweṯ. Nekkaren Ƹisa Lmasiḥ iy iǧan ḏ Mawlana nneɣ qa netta ḏ Siḏiṯneɣ waḥḏes.

Lwaḥi 12:15

Isufeɣ-d ufiɣer zeg uqemmum nnes aman amecnaw iɣzar tazzȓen x ṯemɣarṯ ḥima at awin waman nni.

Lwaḥi 12:9

Imenḍar-d zeg ujenna bu-sebƹa-ya izeǧifen ameqqran, iƹni fiɣer nni ḏi zman wenni umi qqaren Ibȓis niɣ ḏ Cciṭan iƹni wenni ixeddƹen marra ddunect. Imenḍar-d ɣar ṯmurṯ, menḍaren-d akiḏes ccayaṭin nnes.

Lwaḥi 20:2

Iṭṭef wenni iggin am ddaynaṣur netta ḏ fiɣer nni n zman iƹni Ibȓis niɣ ḏ Cciṭan, iqqen-iṯ iḥbes-iṯ aȓaf n iseggwusa.