2 Ayṯ-Kurinṯ 11:26 - Ṯarifiṯ 2020

²⁶ Nec mecḥaȓ n ṯwaȓaṯin tiȓiɣ tsafareɣ ḏi lxaṭar n iɣezran, ḏ lxaṭar n iceffaren, ḏ lxaṭar n ȓqum inu, ḏ lxaṭar n iyunaniyen, ḏ lxaṭar ḏi ṯendint, ḏ lxaṭar ḏi ȓexȓa, ḏ lxaṭar ḏi ȓebḥar, ḏ lxaṭar n yinni itarran ixef nsen ḏ ayṯma.

2 Ayṯ-Kurinṯ 11:26 ပူးပေါင်းရင်းမြစ်များ

Ȓexḏayem 13:45

Ayṯ-Israʼil wami ufin ȓɣaci aṭṭas bḏan ḥessḏen aṭṭas arrusul bḏan tƹarraḍen i wawaȓ n Bulus, tukkaren-ṯ.

Ȓexḏayem 13:50

Walakin israʼiliyen samaren ṯimɣarin iy ḏaysent ddin ɣarsent lmartaba, ƹaweḏ samaren imeqqranen n ṯendint. Teggen ssabab i yiwḏan ḥima aḏ ƹeddben Bulus ḏ Barnaba uca uzzȓen xasen zi jjiheṯ nni.

Ȓexḏayem 14:19

Menbaƹḏ usin-d can israʼiliyen zi Wanṭakya ḏ Ikunya tsamaren ȓɣaci nni, arejmen Bulus s uzru jarren-ṯ barra i ṯendint tɣiȓ-asen immuṯ.

Ȓexḏayem 14:5

Kkaren israʼiliyen ḏ yinni war iǧin ca zi Ayṯ-Israʼil tafqen ak arruyas nsen bac aḏ ƹedden x arrusul aṯen rejmen s uzru.

Ȓexḏayem 15:40

Bulus netta ixḍar Silas, ffɣen niṯni kellfen-ṯen ȓmuminin x ȓxeḏmeṯ nni nnan axawem yarḍa Siḏiṯneɣ.

Ȓexḏayem 17:13

Israʼiliyen nni ḏi ṯendint n Salunik arrin-d ȓexbar Bulus itbeccar s wawaȓ n Arebbi ḏi ṯendint n Birya. Usin-d ɣar Birya bḏan teggen ixarwiḍen shajen xas ȓɣaci.

Ȓexḏayem 17:5

Walakin israʼiliyen nneɣni ḥesḏen-ṯen, ruḥen smunen-d zi ssuq ijjen n lmejmuƹ n ikruccaren iƹeffanen bac aḏ ggen ssdaƹ, snekkaren ȓfawḍa ḏi ṯendint. Hejmen x ṯeddarṯ n yijjen qqaren-as Yasin rezzun x Bulus ḏ Silas ḥima aṯen sellmen i ȓɣaci.

Ȓexḏayem 18:12

Walakin ḏi ȓweqṯ nni n Galyun lƹamil n lʼiqlim n Uxaya, munen israʼiliyen hejmen x Bulus uwin-ṯ ɣar lmaḥkama.

Ȓexḏayem 19:1

Apulus wami iǧa ḏi ṯendint n Kurinṯ ḏi lʼiqlim n Uxaya, ikkar arrasul Bulus ikka x ubriḏ n iḏurar yuweḍ ɣar ṯendint n Ufasus. Yufa ḏinni can imeḥḍaren

Ȓexḏayem 19:23

Ḏi ȓweqṯ nni ṯewqeƹ ijjen n ȓfawḍa ṯemɣar x ssabab n ubriḏ n Siḏiṯneɣ.

Ȓexḏayem 20:19

Xeddmeɣ i Siḏi Arebbi bȓa ttakebbur, s imeṭṭawen inu kkint xafi ȓemḥayen wami xayi ciṭṭnen israʼiliyen.

Ȓexḏayem 20:3

ikka ḏinni ṯeȓt-chur. Wami ƹȓayen aḏ iney Bulus ḏeg uɣarrabu aḏ iraḥ ɣar Surya, ciṭṭnen israʼiliyen bac aṯ nɣen. X manaya netta igga aḏ iƹqeb x ubriḏ n Masidunya.

Ȓexḏayem 23:10

Wami bḏan tmenɣan s jjheḏ ƹlaḥsab lxilaf nni, iggweḏ arrayes n ȓƹaskar aḏ mezqen Bulus. Yumar ȓƹaskar nnes aḏ hwan aḏ d xeḍfen Bulus zi ȓwesṭ nsen, aṯ siȓin ɣar lqecla.

Ȓexḏayem 27:42

Ȓƹaskar nwan aḏ nɣen imeḥbas bac war zzaysen itƹummi ḥadd aḏ yarweȓ.

Ayṯ-Ruma 15:19

iƹni s jjheḏ n lmuƹjizaṯ ḏ lburhanaṯ iy d yusin s jjheḏ n Arruḥ n Arebbi. Ammu iy beccareɣ s Lʼinjil n Lmasiḥ ḏi mkuȓ amcan iƹni zi ṯendint n Lquds aȓ jwayeh n Ilirya.

Ayṯ-Ruma 8:35

Wi ḏaneɣ ɣa iƹezȓen zi ȓemḥibbeṯ n Lmasiḥ? Uȓa ḏ ijjen! Ȓa ḏ azeyyar, ȓa ḏ tamara, ȓa ḏ aƹeddeb, ȓa ḏ buheyyuf, ȓa ḏ ṯuƹaryant, ȓa ḏ lxaṭar, uȓa ḏ ssif.

1 Ayṯ-Kurinṯ 15:30

Y nec, mayemmi ǧiɣ ḏi lxaṭar kuȓ ṯsaƹƹat?

1 Ayṯ-Kurinṯ 15:32

Nec meȓa ƹlaḥsab ṯimesȓayin n ddunect-a waha, mayemmi menɣeɣ ak ȓuḥuc ḏi ṯendint n Ufasus? Min ɣa rebḥeɣ? Imettinen, meȓa war d tnekkaren ca zi ȓmewṯ, i mayemmi? "Yallah a necceṯ a nesweṯ, qa ṯiwecca a nemmeṯ."

2 Ayṯ-Kurinṯ 11:32

Ḏi ṯendint n Dimaceq qa lwali n uzeǧiḏ Ḥariṯ igga ȓƹasseṯ ḏi ṯendint ḥima aḏayi iṭṭef.

Ayṯ-Galaṭya 2:4

Rezzun xas x manayenni can n wawmaṯen zaƹma tbuṣaren waha, uḏfen-d jaraneɣ s ṯnufra ḥima aḏ jesssen x lḥurriya iy ɣarneɣ ḏi Lmasiḥ bac aḏaneɣ arren am isemɣan i ccariƹa nsen.