2 Ayṯ-Kurinṯ 11:22 - Ṯarifiṯ 2020

²² Meȓa niṯni ḏ iƹibraniyen, uȓa ḏ nec ḏ aƹibrani. Meȓa niṯni zi Ayṯ-Israʼil, uȓa ḏ nec ḏ aʼisraʼili. Meȓa niṯni usin-d zi ṯarwa n Brahim, uȓa ḏ nec usiɣ-d zi ṯarwa n Brahim.

2 Ayṯ-Kurinṯ 11:22 ပူးပေါင်းရင်းမြစ်များ

Matta 3:9

Maci aḏ tinim ḏi nnefs nwem qa neccin ḏ ṯarwa n Brahim u ṣafi. Meȓa ixes Arebbi ṯarwa n Brahim, ataf aḏ iysi izra-ya aṯen yarr ḏ ṯarwa n Brahim!

Ȓexḏayem 22:3

"Nec ḏ aʼisraʼili xeȓqeɣ ḏi ṯendint n Ṭarsus ḏi lʼiqlim n Kilikya, walakin nec ymiɣ ḏi ṯendint-a ḏanita. Ɣriɣ ɣar iḍaren n lʼustad Gamlil twarebbiɣ s ccariƹa n ȓejḏuḏ nneɣ mammec ḏaneɣ ṯweṣṣa ṯa s ṯa kuȓci. Rezzuɣ aḏ ggeɣ lwajib ak Arebbi s wuȓ inu mamc ṯrezzum aḏ teggem kenniw marra nhara.

Ȓexḏayem 6:1

Ḏeg wussan nni lƹadad n imeḥḍaren imarni. Ȓmuminin iy ssawaȓen s lluɣa ṯayunaniṯ tceṯcan zeg yinni issawaȓen lƹibriya, qqaren qa neccin ṯajjaȓin nneɣ war ḏasent ticcen bu ȓḥaqq nsent xmi ferrqen lmuƹawana mkuȓ nhar.

Ayṯ-Ruma 11:1

Iwa tseqsiɣ nec, Arebbi ma inkar ccaƹb nnes? Lla, ƹemmarṣ! Nec s yixef inu ḏ aʼisraʼili, zi ddurriṯ n Brahim zi Ayṯ-Benyamin.

Ayṯ-Ruma 9:4

Niṯni ḏ Ayṯ-Israʼil, itbenna-ṯen Siḏi Arebbi. Ismeḍhar-asen-d lƹaḍama nnes, iƹaheḏ-iṯen, yuca-asen ccariƹa n Musa ḏ lƹibada, iwƹeḏ-iṯen.

Ayṯ-Galaṭya 3:16

Amenni ƹaweḏ ȓƹaheḏ nni iƹni lwuƹud iy ḏas yuca Arebbi i Brahim ḏ wayyaw nnes. Lkitab war iqqar ca , iƹni aṭṭas iḏsen. Lla, iqqar , iƹni ijjen n bnaḏem u netta ḏ Lmasiḥ.

Ayṯ-Filippas 3:5

Mayemmi? Nec ṭehhareɣ nhar wis ṯmeniyyam. Lʼaṣel inu zi Ayṯ-Israʼil zi Ayṯ-Benyamin. Nec ḏ aƹibrani mmis n iƹibraniyen. Ƹlaḥsab ccariƹa, nec zi ȓḥizeb nni n ifarrisiyen.