2 Ayṯ-Kurinṯ 11:21 - Ṯarifiṯ 2020

²¹ Nec tseḏḥiɣ zaƹma, neccin neḍƹef war nzemmar a nexḏem amenni! Qqareɣ nec zaƹma s ṯubbuhȓiya-ya qa meȓmi ma izƹem ḥadd azzayes iftaxar uȓa ḏ nec azzayes ftaxareɣ.

2 Ayṯ-Kurinṯ 11:21 ပူးပေါင်းရင်းမြစ်များ

2 Ayṯ-Kurinṯ 10:10

Liʼanna qqaren xafi ȓebƹaḍ zzaywem qa ṯibraṯin n Bulus jehḏent qesḥent. U qqaren ƹaweḏ walakin xmi akiḏneɣ itiȓi netta s yixef nnes iteḍƹif awaȓen nnes xwan.

2 Ayṯ-Kurinṯ 11:1

Iwa rezzuɣ aḏ teṣbarem cwayt ak ṯubbuhȓiya-ya inu zaƹma. Wah, ṣebbareṯ akiḏi liʼanna ɣari ijjen n lɣira xawem, iƹni ijjen n lɣira zi Arebbi. Aqa xeṭbeɣ-kenniw zaƹma i yijjen n uryaz iƹni ḏ Lmasiḥ akenniw awiɣ ɣares am yijjen n ṯeƹzriyṯ war ḏayes bu ȓƹib.

2 Ayṯ-Kurinṯ 11:17

Manaya iy zi teftaxareɣ qqareɣ-ṯ nec am yijjen n ṯubbuhȓiya, war ṯ iqqar ca Siḏiṯneɣ.

2 Ayṯ-Kurinṯ 13:10

S manaya iy tariɣ nec ṯimesȓayin-a ḏi ṯebrat-a nec ɣabeɣ xawem. Ammu xmi iy d ɣa ƹeqbeɣ ɣarwem war xseɣ ca aḏ iȓiɣ qesḥeɣ akiḏwem ƹlaḥsab ssulṭa nni iy ḏayi yuca Siḏiṯneɣ. Yuca-ayi-t bac akenniw sjehḏeɣ maci akenniw rzeɣ.

2 Ayṯ-Kurinṯ 6:8

Netqeddam-awem ixef nneɣ liʼanna iwḏan tweqqaren-aneɣ sbehdaȓen-aneɣ; qqaren ḏayneɣ ȓbaṭeȓ semɣaren-aneɣ; tarran-aneɣ ḏ iɣeccacen walakin neccin war ḏayneɣ bu ixarriqen;