2 Ayṯ-Kurinṯ 10:5 - Ṯarifiṯ 2020

⁵ Netrezza awaȓen ḏ kuȓ array iy ḏi iǧa ttakebbur ig itƹarraḍen i min nessen x Arebbi. Nḥebbes kuȓ lfikra ḥima ataf aḏ tṭaƹ i Lmasiḥ.

2 Ayṯ-Kurinṯ 10:5 ပူးပေါင်းရင်းမြစ်များ

Matta 15:19

Ȓaḥeqqac zeg wuȓ iy zi d tekkant lʼafkar ṯiƹeffanin ḏ ṯmenɣiwṯ ḏ zzna ḏ lfasad ḏ ṯukkarḏa ḏ ẓẓur ḏ ȓbaṭeȓ.

Luqa 1:51

Igga s ufus nnes ȓexḏayem ṯimeqqranin, icettet yinni iḥesben ixef nsen ḏ imeqqranen.

Ayṯ-Ruma 1:21

Waxxa niṯni tuɣa ssnen Arebbi, walakin war ṯ ḥemmiḏen ca war ṯ ṯcekkaren ca mammec itxeṣṣa aḏ ggen ak Arebbi. Lʼafkar nsen ḏewȓent xwant, uȓawen nsen ḏ ibuhaȓiyen ḏewȓen ḏ ṯaǧest.

Ayṯ-Ruma 1:5

Aqa zi Ƹisa u x ssabab n yisem nnes igga ḏayi Arebbi lbaraka ḥima aḏ iȓiɣ ḏ arrasul, aḏ beccareɣ iwḏan zi marra ȓegnus azzayes amnen aḏas ṭaƹen.

Ayṯ-Ruma 16:26

Ȓexxu iban-d manaya i yiwḏan itwassen s Lkutub n lʼanbiya. Arebbi iƹni wenni itduman i ȓebda yumar azzayes amnen marra ȓegnus aḏas ṭaƹen.

Ayṯ-Ruma 7:23

walakin tafeɣ ijjen n ṭṭabiƹa nneɣni ḏeg yixef inu ig itmenɣan ak min ɣari ḏi ȓaƹqeȓ inu. S ṭṭabiƹa-ya teqqen-ayi ȓmuƹṣiyeṯ nni iy ḏayi izeddɣen ḏeg yixef inu.

1 Ayṯ-Kurinṯ 1:19

Liʼanna iqqar Lkitab: <Ȓefhameṯ n yinni itefhamen at heḏmeɣ. Ȓefṭaneṯ n yinni ifeṭṭnen at sfecȓeɣ.>

1 Ayṯ-Kurinṯ 3:19

Cuf, ȓefhameṯ n ddunect-a nettaṯ ḏ ṯubbuhȓiya waha ɣar Arebbi. Liʼanna iqqar Lkitab:

2 Ayṯ-Kurinṯ 11:20

Aqa ṯṣebbarem uȓa ḏ yinni iy kenniw itarran ḏ isemɣan, ḏ yinni iy kenniw itetten, ḏ yinni iy xawem itbuṣaren, ḏ yinni iy ḏi iǧa ttakebbur, ḏ yinni iy kenniw iccaṯen s iseqqiȓen.

2 Ayṯ-Kurinṯ 9:13

Ṣṣaḏaqa-ya ṯuca ddalil xawem, zzayes iy ɣa ḥemḏen ṣṣaliḥin Arebbi. Ṯumnem s Lʼinjil n Lmasiḥ, ṯṭaƹem-as xmi tṣeddaqem aṭṭas xasen u x marra iwḏan.

Ayṯ-Filippas 4:7

Ṯumma ȓehna n Arebbi ig itejhiḏen x marra ȓefhameṯ ḏi ddunect-a ḏ wenni iy ɣa iḥḍan uȓawen nwem ḏ ȓaƹquȓaṯ nwem ḏi Ƹisa Lmasiḥ.

2 Ayṯ-Salunik 2:4

Netta itƹarraḍ i Arebbi isemɣar ixef nnes x marra minxef iǧa isem n Arebbi ḏ min ƹebbḏen yiwḏan ḥetta aḏ iqqim ḏi Ṯemziḏa ṯameqqrant n Arebbi aḏ iƹeyyeḍ aḏ yini qa nec ḏ Arebbi.

2 Ayṯ-Salunik 2:8

Ṯumma aḏ d imeḍhar lmesxuṭ, axas iṣuḍ Siḏiṯneɣ Ƹisa s uqemmum nnes aṯ ineɣ, aṯ isbeṭṭeȓ s lƹaḍama nnes iy zi d ɣa iƹqeb Ƹisa.

Iƹibraniyen 4:12

Aqa awaȓ n Arebbi iddar netta ifsus, iqḍeƹ aṭṭas ktar zi ssif n ṯnayen n jjihaṯ. Itaḏef aȓ ḏaxeȓ iferreq buḥbeȓ ḏ arruḥ ḏ mani tmunen ȓemfaseȓ, itaḏef ɣar waḏuf. Itmeyyaz jar lʼafkar ḏ lʼaɣraḍ n wuȓ.

Iƹibraniyen 5:9

Wami iƹḏu aƹeddeb nni bȓa ȓmuƹṣiyeṯ, iḏweȓ netta ḏ ȓƹunṣar n usenjem iƹni izemmar aḏ isenjem marra yinni iy ṯ itṭaƹan.

1 Buṭrus 1:2

Arebbi Babaṯneɣ ixḍar-ikenniw ƹlaḥsab mammec tuɣa issen netta zi qbeȓ, issiṣfa-kenniw s yijjen n ȓxeḏmeṯ n Arruḥ iqeddsen ḥima aḏ tṭaƹem i Ƹisa Lmasiḥ aḏ twaruccem s iḏammen nnes iy yuzzȓen. Aḏaywem imarni arḍa ḏ ȓehna s waṭṭas.

1 Buṭrus 1:22

Ȓexxu ṯessiṣfam ixef nwem wami ṯṭaƹem i lḥaqiqa bac aḏ tiȓi ḏaywem ijjen n ȓemḥibbeṯ jar wawmaṯen bȓa nnifaq. S manaya itxeṣṣa-kenniw aḏ texsem ayawya aṭṭas s wuȓawen nwem.