2 Ayṯ-Kurinṯ 10:2 - Ṯarifiṯ 2020

² Tettareɣ-kenniw bac war ḏayi tijjim ca aḏ iȓiɣ qesḥeɣ ak ȓebƹaḏ zzaywem am trajiɣ nec aḏ ggeɣ, ȓebƹaḍ-a tfekkaren qa netƹic s array n bnaḏem waha.

2 Ayṯ-Kurinṯ 10:2 ပူးပေါင်းရင်းမြစ်များ

Ayṯ-Ruma 8:1

Iḏen fa ȓexxu, war iǧi bu lḥisab ḏ lƹiqab x yinni iǧan ḏ ijjen ak Ƹisa Lmasiḥ.

Ayṯ-Ruma 8:4

bac aḏ itwakemmeȓ min ṯxes zzayneɣ ccariƹa n Musa. Neccin, iƹni ḏ yinni ig igguren ḏeg ubriḏ n Arruḥ, war ntegg array i nnefs nneɣ.

Ayṯ-Ruma 8:5

Cuf, yinni itƹicen ƹlaḥsab ṭṭabiƹa ṯaƹeffant nsen xeddmen s ȓxaḍar nsen ḏi ṯmesȓayin n ṭṭabiƹa ṯaƹeffant nsen. Walakin yinni itƹicen ƹlaḥsab abriḏ n Arruḥ xeddmen s ȓxaḍar nsen ḏi ṯmesȓayin n Arruḥ.

2 Ayṯ-Kurinṯ 1:17

Wami tuɣa nec txeṭṭaṭeɣ aḏ ggeɣ manayenni, ma ḏewwȓeɣ ḏeg wawaȓ waha? Niɣ ma txeṭṭaṭeɣ am yijjen n bnaḏem n ddunect-a waha, iƹni aḏ iniɣ wah-wah niɣ lla-lla ḏi nnefs n ȓweqṯ?

2 Ayṯ-Kurinṯ 11:21

Nec tseḏḥiɣ zaƹma, neccin neḍƹef war nzemmar a nexḏem amenni! Qqareɣ nec zaƹma s ṯubbuhȓiya-ya qa meȓmi ma izƹem ḥadd azzayes iftaxar uȓa ḏ nec azzayes ftaxareɣ.

2 Ayṯ-Kurinṯ 13:10

S manaya iy tariɣ nec ṯimesȓayin-a ḏi ṯebrat-a nec ɣabeɣ xawem. Ammu xmi iy d ɣa ƹeqbeɣ ɣarwem war xseɣ ca aḏ iȓiɣ qesḥeɣ akiḏwem ƹlaḥsab ssulṭa nni iy ḏayi yuca Siḏiṯneɣ. Yuca-ayi-t bac akenniw sjehḏeɣ maci akenniw rzeɣ.

2 Ayṯ-Kurinṯ 13:2

Nec ḏi zziyara iy tuɣa d ggiɣ ɣarwem wis ṯnayen ƹeȓmeɣ-asen i yinni iƹeṣṣan ḏ yiwḏan nneɣni marra. Ȓexxu xmi xawem tɣabiɣ aḏawem ƹeȓmeɣ ƹaweḏ, iƹni xmi d ɣa awḍeɣ uȓa ḏ ijjen zeg yinni iƹeṣṣan ma axas ḥinneɣ.