2 Ayṯ-Kurinṯ 10:18 - Ṯarifiṯ 2020

¹⁸ Liʼanna maci wenni itqeddamen ixef nnes iy ɣa itwaqebbȓen; Lla, wenni iy ɣa itwaqebbȓen ḏ Siḏi Arebbi iy ṯ ɣa iqeddmen.

2 Ayṯ-Kurinṯ 10:18 ပူးပေါင်းရင်းမြစ်များ

Luqa 16:15

Inna-asen Ƹisa: "Kenniw ḏ yinni iy irezzun aḏ ucen ȓḥaqq x yixef nsen zzaṯ i yiwḏan, walakin Arebbi issen min ɣarwem ḏeg wuȓawen nwem. Min itarran bnaḏem ɣares lqima, ataf manayenni ḏ aƹeffan aṭṭas ɣar Arebbi.

Yuḥanna 12:43

Aqa rezzun arḍa n yiwḏan ktar zi arḍa n Arebbi.

Ȓexḏayem 2:22

Ay iryazen n Ayṯ-Israʼil, ṣennṭeṯ i min ḏawem ɣa iniɣ. Ƹisa-ya zi Naṣira min iƹna netta? Netta ḏ ijjen n uryaz itwaḍhar-d zi Arebbi i kenniw s lmuƹjizaṯ ḏ lburhanaṯ ḏ lƹalamaṯ ig igga Arebbi x ufus n Ƹisa jarawem mammec ṯessnem.

Ayṯ-Ruma 14:18

Wenni iy ɣa ixeḏmen i Lmasiḥ amenni, aqa Arebbi ireṭṭa xas iwḏan tcekkaren-ṯ.

Ayṯ-Ruma 16:10

Siwḍem-as sȓam i Apilas wenni itwamellken ḏi Lmasiḥ. Siwḍem-asen sȓam ƹaweḏ i lƹaʼila n Aristubus.

Ayṯ-Ruma 2:29

Walakin aʼisraʼili iǧan ḏ ṣṣaḥ itiȓi ɣares manaya ɣar ḏaxeȓ. U ḏ ṭṭahareṯ n ṣṣaḥ tiȓi ḏeg wuȓ s Arruḥ n Arebbi, war iǧi bu s ccariƹa. Bnaḏem-a war ṯ tcekkaren ca yiwḏan, itcekkar-iṯ Arebbi.

1 Ayṯ-Kurinṯ 11:19

Ȓaḥeqqac wa labud aḏ iȓin lxilafaṯ jarawem bac aḏ d banen yinni iǧan nican jarawem.

1 Ayṯ-Kurinṯ 4:5

X manaya war qqarem walu x ȓḥukem qbeȓ ȓweqṯ, iƹni qbeȓ iy d ɣa yas Siḏiṯneɣ. Ḏ netta iy ɣa isbeyynen ṯimesȓayin nni ɣar nnur ȓexxu nuffarent ḏi ṯaǧest, aḏ d ismeḍhar kuȓ lɣaraḍ n yiwḏan iy ɣarsen ḏeg wuȓawen nsen. Ȓexddenni kuȓ ijjen aɣares yiȓi usemɣar nnes zi Arebbi.

2 Ayṯ-Kurinṯ 10:12

Cuf, war nzemmar a nqaran ixef nneɣ niɣ a nmeṯṯel ixef nneɣ ak yinni itcekkaren i yixef nsen. Yina xmi tmeyyazen ixef nsen ak wayawya niɣ tmeṯṯalen ixef nsen ak wayawya iƹni ḏaysen ȓeqfaȓeṯ.

2 Ayṯ-Kurinṯ 13:7

Ntettar-as i Arebbi bac war ṯƹeṣṣim ca, maci bac aḏaneɣ afen yiwḏan war nesqiṭ ca ḏi ttuhma-ya iy xawem nqeddem; Lla, neccin nrezzu aḏ teggem min iǧan nican. Meȓa zɣiȓ-asen i ȓebƹaḍ qa nesqeṭ zaƹma ḏi ttuhma-ya iy xawem nqeddem, iwa maƹlic.

2 Ayṯ-Kurinṯ 3:1

Neccin, ma nebḏa a ncekkar ixef nneɣ ƹaweḏ zaƹma bac aḏawem nqeddem ixef nneɣ? Ma neccin am ca n iṯarrasen ɣa iḥḏajen ṯibraṯin bac axaneɣ cehhḏent, iƹni ṯibraṯin nni aḏ d asent zzaywem niɣ aɣarwem d asent?

2 Ayṯ-Kurinṯ 5:12

Ma nebḏa a ncekkar ixef nneɣ ƹaweḏ zaƹma? Lla, nticc-awem minzi xaneɣ ɣa teftaxarem. Mayemmi? Iƹni ḥima aɣarwem yiȓi minzi ɣa ṯarrem x yinni iteftaxaren x min d itbanen ɣar barra maci min iǧan ɣar ḏaxeȓ ḏeg wuȓ.

2 Ayṯ-Kurinṯ 6:4

Innama, neccin netqeddam-awem ixef nneɣ s marra minzi neccin ḏ ixeddamen n Arebbi: Iƹni nṣebbar aṭṭas; tekkent xaneɣ ȓemḥayen ḏ tamara ḏ uziyyar;

2 Timutawus 2:15

Egg lmejhud nnec bac aḏ tseḥḍareḏ ixef nnec ɣar Arebbi am yijjen ɣares iǧan meqbul, iƹni am yijjen n uxeddam war ɣares minxef iy ɣa iseḏḥa itfessar nican awaȓ n lḥaqiqa.

1 Buṭrus 1:7

Ȓemḥayen-a usint-id bac aḏ d smeḍharent illa lʼiman nwem netta aqaṯ ḏ ṣṣaḥ; netta isewwa ktar zi ddheb ig ifennan waxxa itwassiṣfa ḏi ṯmessi. Ḥima lʼiman nwem aṯ cekkaren aḏayes yiȓi ccan ḏ lqima xmi d ɣa imeḍhar Ƹisa Lmasiḥ.