2 Ayṯ-Kurinṯ 10:13 - Ṯarifiṯ 2020

¹³ Walakin neccin a neftaxar s min iǧan nican maci ktar, a neftaxar s min ḏaneɣ ikellef Arebbi iƹni xawem kenniw.

2 Ayṯ-Kurinṯ 10:13 ပူးပေါင်းရင်းမြစ်များ

Matta 25:15

Yuca-asen ƹlaḥsab min umi zemmaren. Ijjen yuca-as xemsaȓaf n ȓuznaṯ n nnuqarṯ. Ijjen yuca-as aȓefayen. Ijjen yuca-as aȓaf. Ssenni iruḥ netta aḏ isafer.

Ayṯ-Ruma 10:18

Walakin nec tseqsiɣ, Ma war sȓin ca? Wah, sȓin. Aqa min iqqar Lkitab: <Ḏi marra ṯamurṯ iffeɣ-d ṣṣut nsen, awaȓen nsen uwḍen aȓ ȓaḥedd n ddunect.>

Ayṯ-Ruma 12:3

Fa s lbaraka iy ḏayi yuca Arebbi qqareɣ i mkuȓ ijjen zzaywem: War ḥesseb ca ixef nnec ktar zi min ṯeƹniḏ. Cek fekkar s ȓaƹqeȓ nnec ƹlaḥsab mecḥaȓ n lʼiman iy ḏac yuca Arebbi.

Ayṯ-Ruma 12:6

Ƹlaḥsab lbaraka iy ḏaneɣ immucen ɣarneɣ neccin lqudraṯ, kuȓ lqudra war tcibbih ca ḏi ṯenneɣni. Ijjen meȓa yuca-as Arebbi lwaḥi, u labud aḏ isexḏem lqudra-ya ƹlaḥsab lʼiman nnes.

Ayṯ-Ruma 15:20

U nec rezzuɣ aḏ tbeccareɣ ȓebda s Lʼinjil ḏi ṯmura mani war xas tesȓin ca x Lmasiḥ bac war benniɣ ca x ca n dsas ig igga ḥadd nneɣni.

1 Ayṯ-Kurinṯ 12:11

Marra ṯimesȓayin-a ṯina twasxeddament s ufus n yijjen n Arruḥ wanita. Ifareq-iṯent i kuȓ ijjen waḥḏes mammec ixes netta.

Ayṯ-Ufasus 4:7

Cuf, kuȓ ijjen zzayneɣ ṯemmuc-as yijjen n lbaraka ƹlaḥsab mammec t iwzen Lmasiḥ ḏ lhadiya.

1 Buṭrus 4:10

Itxeṣṣa-yas i mkuȓ ijjen aḏ isexḏem lqudra nni iy ḏas immucen ak yiwḏan. Aḏ isexḏem nican lbaraka n Arebbi iy zi itkellaf kuȓ nnuƹ nnes.