2 Ayṯ-Kurinṯ 10:12 - Ṯarifiṯ 2020

¹² Cuf, war nzemmar a nqaran ixef nneɣ niɣ a nmeṯṯel ixef nneɣ ak yinni itcekkaren i yixef nsen. Yina xmi tmeyyazen ixef nsen ak wayawya niɣ tmeṯṯalen ixef nsen ak wayawya iƹni ḏaysen ȓeqfaȓeṯ.

2 Ayṯ-Kurinṯ 10:12 ပူးပေါင်းရင်းမြစ်များ

Luqa 18:11

Ibedd ufarrisi nni itẓaǧa ḏi nnefs nnes inna: Ya Arebbi tcekkareɣ-cek, minzi war ǧiɣ ca am yiwḏan nneɣni iǧan ḏ ixewwanen niɣ ḏ yinni war iǧin ca nican niɣ ḏ yinni izennan niɣ am wanita ig ijemmƹen ḍḍariba!

Ayṯ-Ruma 15:18

Cuf, zeƹmeɣ aḏ ssiwȓeɣ ɣir x min ixeddem Lmasiḥ x ufus inu ḥima yinni war iǧin ca zi Ayṯ-Israʼil aḏ ṭaƹen i Arebbi s wawaȓ ḏ ȓexḏayem inu,

2 Ayṯ-Kurinṯ 10:11

Lla! Wenni issawaȓen amenni itxeṣṣa-yas aḏ issen min neƹna neccin ḏi ṯebraṯin-a nneɣ axmi netɣab, amenni iy ɣa nexḏem xmi d nḥeṭṭar.

2 Ayṯ-Kurinṯ 10:18

Liʼanna maci wenni itqeddamen ixef nnes iy ɣa itwaqebbȓen; Lla, wenni iy ɣa itwaqebbȓen ḏ Siḏi Arebbi iy ṯ ɣa iqeddmen.

2 Ayṯ-Kurinṯ 3:1

Neccin, ma nebḏa a ncekkar ixef nneɣ ƹaweḏ zaƹma bac aḏawem nqeddem ixef nneɣ? Ma neccin am ca n iṯarrasen ɣa iḥḏajen ṯibraṯin bac axaneɣ cehhḏent, iƹni ṯibraṯin nni aḏ d asent zzaywem niɣ aɣarwem d asent?

2 Ayṯ-Kurinṯ 5:12

Ma nebḏa a ncekkar ixef nneɣ ƹaweḏ zaƹma? Lla, nticc-awem minzi xaneɣ ɣa teftaxarem. Mayemmi? Iƹni ḥima aɣarwem yiȓi minzi ɣa ṯarrem x yinni iteftaxaren x min d itbanen ɣar barra maci min iǧan ɣar ḏaxeȓ ḏeg wuȓ.