2 Ayṯ-Kurinṯ 1:6 - Ṯarifiṯ 2020

⁶ Meȓa netwazeyyar neccin aqa manayenni bac kenniw aḏ twaƹawnem bac aḏ twasnejjmem. Meȓa netwaƹawen neccin aqa manayenni bac ƹaweḏ aḏ twaƹawnem kenniw. Aqa amƹawan-a itarew-d ḏaywem ijjen n ṣṣbar xmi tƹeddabem s min netƹeddab neccin.

2 Ayṯ-Kurinṯ 1:6 ပူးပေါင်းရင်းမြစ်များ

Ȓexḏayem 21:5

Wami ḏaneɣ ṯeqḍa ḏinni ȓweqṯ nneɣ nekkar neffeɣ bac a nsiɣi x usafar nneɣ. Marra imeḥḍaren ruḥen akiḏneɣ ɣar barra n ṯendint s ṯemɣarin nsen ḏ ṯarwa nsen, nerkeƹ x ifadden nneɣ x yijḏi n ȓebḥar neẓẓuǧ.

Ayṯ-Ruma 8:28

Fa neccin nessen belli marra min itewqiƹen qaƹ itarra-ṯ Arebbi ḏ ttisir i yinni iy ṯ itexsen, iƹni ḏ yinni umi iy d iȓaɣa ƹlaḥsab lɣaraḍ nnes.

2 Ayṯ-Kurinṯ 1:4

Itƹawan-aneɣ ḏi marra tamara nneɣ ḥima neccin s umƹawan-a iy zi ḏaneɣ itƹawan Arebbi nzemmar a nƹawen yinni iǧan ḏi kuȓ tamara.

2 Ayṯ-Kurinṯ 12:15

Nec s ȓefraḥeṯ aḏ hḏiɣ ixef inu aḏ twahḏiɣ ƹlaḥsab ȓaƹmar nwem. Meȓa texseɣ-kenniw aṭṭas, ma ṯesneqṣem ȓemḥibbeṯ nwem xafi?

2 Ayṯ-Kurinṯ 5:5

Wi ḏaneɣ iswejḏen i manayenni? Netta ḏ Arebbi, yuca-aneɣ-d Arruḥ nnes ḏ ijjen n ttesbiq.

Ayṯ-Ufasus 3:1

X manaya terkaƹeɣ x ifadden inu, nec Bulus iy iǧan ḏ ameḥbus ƹlaḥsab Ƹisa Lmasiḥ u xawem kenniw iy war iǧin ca zi Ayṯ-Israʼil...

Ayṯ-Ufasus 3:13

Falihaḏa nniɣ-awem war tefciȓeṯ ca ƹlaḥsab aƹeddeb inu xawem ȓaḥeqqac manaya akenniw infeƹ.

Ayṯ-Filippas 1:19

Liʼanna ssneɣ xmi tettarem xafi i Arebbi ḏ Arruḥ n Siḏiṯneɣ Ƹisa Lmasiḥ itƹawan-ayi ataf min ḏayi itewqiƹen aḏ iḏweȓ ḏ asefȓeṯ inu.

2 Timutawus 2:10

X manaya nec ṣebbareɣ x marra ṯimesȓayin ƹlaḥsab yinni itwaxḍaren ḥima uȓa ḏ yina aḏ nejjmen s ufus n Ƹisa Lmasiḥ, akiḏes ijjen lƹaḍama iy war ifennin ca.