2 Ayṯ-Kurinṯ 1:19 - Ṯarifiṯ 2020

¹⁹ Liʼanna Mmis n Arebbi iƹni Ƹisa Lmasiḥ netbeccar-iṯ jarawem nec uȓa ḏ Silas uȓa ḏ Timutawus. Lmasiḥ war iǧi bu ḏ wah akeḏ lla, netta iǧa ȓebda ḏ u ṣafi.

2 Ayṯ-Kurinṯ 1:19 ပူးပေါင်းရင်းမြစ်များ

Matta 17:5

Ƹaḏ issawaȓ Buṭrus ihwa-d xasen yijjen n useynu itseqsiq. Ṯendeq-d ijjen n ṯmijja zeg useynu nni ṯenna-asen: "Qa ḏ wanita ḏ Mmi iƹizzen, nec farḥeɣ zzayes. Ṣennṭeṯ ɣares."

Matta 24:35

Aḏ ifna ujenna ḏ ṯmurṯ, walakin awaȓen inu war fennin ca ƹemmarṣ.

Matta 27:40

qqaren-as: "Ma ḏ cek iy ɣa iheḏmen ṯamziḏa ṯameqqrant at tebniḏ ḏi ṯeȓtiyyam? Meȓa cek ḏ Mmis n Arebbi, nejja ixef nnec hwa-d zeg ujenna zi ṣṣalib-a!"

Matta 27:54

Aƹaskari nni ameqqran n arrumanus ḏ yinni akiḏes iḥeṭṭan Ƹisa ẓrin zzinzal nni ḏ min iweqƹen, ggwḏen aṭṭas nnan: "Wanita ḏ Mmis n Arebbi ḏ ṣṣaḥ!"

Matta 3:17

Ssenni iȓaɣa-d ijjen n ṣṣut zeg ujenna inna-d: "Wa ḏ Memmi iƹizzen, nec farrḥeɣ zzayes."

Matta 4:3

Ikkar wenni itjarraben iqarreb-d ɣar Ƹisa inna-as: "Meȓa cek ḏ Mmis n Arebbi, ini-yasen i yizra-ya aḏ ḏewȓen ḏ aɣrum."

Marqus 1:1

Amezwaru n Lʼinjil n Ƹisa Lmasiḥ Mmis n Arebbi.

Luqa 1:35

Indeq-d lmalak nni inna-as: "Axam d ihwa Arruḥ iqeddsen ḏ jjheḏ n Wenni Yuƹȓan axam yarr ṯiȓi. S manayenni aḥenjir iqeddsen iy ɣa d ṯejjeḏ ataf tȓaɣan-as a Mmis n Arebbi.

Yuḥanna 1:34

Nec ẓriɣ manaya s yixef inu, cehhḏeɣ xas belli netta ḏ Mmis n Arebbi."

Yuḥanna 1:49

Inna-as Naṯnahil i Ƹisa: "A Lmuƹallim, qa cek ḏ Mmis n Arebbi, cek ḏ azeǧiḏ n Ayṯ-Israʼil."

Yuḥanna 19:7

Arrin xas israʼiliyen nnan-as: "Ɣarneɣ ijjen n ȓqanun. Ƹlaḥsab ȓqanun nni itxeṣṣa aḏ immeṯ minzi netta itarra ixef nnes ḏ Mmis n Arebbi."

Yuḥanna 20:28

Indeq-d Tuma inna-as: "A Siḏi inu, ay Arebbi inu!"

Yuḥanna 20:31

Ṯimesȓayin-a urint ḥima aḏ tamnem belli Ƹisa netta ḏ Lmasiḥ Mmis n Arebbi bac meȓa ṯumnem aɣarwem ṯiȓi ṯuḏarṯ ḏeg yisem nnes.

Yuḥanna 3:16

Wami iḥibb Arebbi ddunect-a, ihḏa-yas Mmis aweḥḏani ḥima wenni zzayes ɣa yamnen war ifenni ca aɣares ṯiȓi ṯuḏarṯ n ȓebda.

Yuḥanna 6:69

Qa neccin numen, nessen qa cek ḏ Lƹaḍim n Arebbi."

Yuḥanna 8:58

Indeq-d Ƹisa inna-asen: "Aqa tesȓam ȓḥaqq: Qbeȓ ma aḏ yiȓi Brahim, nec ǧiɣ."

Ȓexḏayem 15:22

X manaya arrusul ḏ imeqqranen n jmaƹeṯ n ȓmuminin ḏ marra jmaƹeṯ n ȓmuminin ggin aḏ ixḍaren can n iryazen nsen, aṯen ssekken ak Bulus ḏ Barnaba ɣar ṯendint n Wanṭakya. Ixḍaren ijjen umi qqaren Silas ḏ yijjen qqaren-as Yahuḏa iƹni wenni umi qqaren Barsaba, ɣarsen ijjen n umcan ḏ ameqqran jar ȓmuminin.

Ȓexḏayem 16:1

Yuweḍ Bulus ɣar ṯendint n Dirba ḏ ṯendint n Listra, yufa ḏinni ijjen n umeḥḍar qqaren-as Timutawus. Yemmas nettaṯ ḏ ṯaʼisraʼiliṯ ḏ ȓmumna, babas ḏ ayunani.

Ȓexḏayem 18:5

Wami d ixḍeȓ Silas ḏ Timutawus zi lʼiqlim n Masidunya, ibḏa Bulus ixeddem ɣir s ttebcir u ṣafi, icehheḏ i Ayṯ-Israʼil belli Ƹisa netta ḏ Lmasiḥ.

Ȓexḏayem 8:36

Gguren ḏeg ubriḏ uwḍen ɣar can waman. Inna-as uḥabaci nni: "Aqac aman mujud, min ḏayi yuɣen nec war twaṭehhareɣ ca s waman-a?"

Ȓexḏayem 9:20

Ȓexddenni ibḏa itḥeddaṯ ḏi ṯemziḏawin n Ayṯ-Israʼil iqqar-asen qa Ƹisa ḏ Mmis n Arebbi.

2 Ayṯ-Kurinṯ 1:1

Ṯabrat-a zzayi nec Bulus ig iǧan ḏ arrasul n Ƹisa Lmasiḥ s ȓxaḍar n Arebbi, akiḏi umaṯneɣ Timutawus. Tariɣ i jmaƹeṯ n ȓmuminin n Arebbi yinni iǧan ḏi ṯendint n Kurinṯ ḏ marra ȓmuminin ṣṣaliḥin ƹaweḏ ig iǧan ḏi lʼiqlim n Uxaya amen-ṯekmaȓ.

1 Ayṯ-Salunik 1:1

Nec ḏ Bulus, akiḏi Silas ḏ Timutawus. Ntari ṯabrat-a ɣar jmaƹeṯ n ȓmuminin n Ayṯ-Salunik iy yumnen zi Arebbi Babaṯneɣ ḏ Ƹisa Lmasiḥ Siḏiṯneɣ. Akiḏwem yiȓi arḍa ḏ ȓehna.

2 Ayṯ-Salunik 1:1

Nec ḏ Bulus, akiḏi Silas ḏ Timutawus, nura ṯabrat-a ɣar jmaƹeṯ n ȓmuminin n Ayṯ-Salunik iy yumnen zi Arebbi Babaṯneɣ ḏ Ƹisa Lmasiḥ Siḏiṯneɣ.

1 Timutawus 3:16

U bȓa ccekk mecḥaȓ ṯeǧa ḏ ṯameqqrant ȓmaƹna inuffaren n lʼiman: Netta, ḏ bnaḏem iy d imeḍharen, ḏ Arruḥ iy xas icehḏen. Netta, ḏ lmalaʼikaṯ iy ḏayes ixzaren, ḏ ȓegnus iy zzayes itwabeccaren. Netta, ḏi ddunect-a yinni iy zzayes yumnen, ḏ lƹaḍama n ujenna iy ṯ iqebȓen.

Iƹibraniyen 1:11

Yina aḏ fnan cek aḏ tdumeḏ, marra aḏ rcan am warruḍ.

Iƹibraniyen 13:8

Ƹisa Lmasiḥ netta ḏ ijjen, amecnaw iḍennaṭ amecnaw nhara amecnaw i ȓebda.

1 Buṭrus 5:12

Uriɣ-awem-d ṯabrat-a ṯamezyant x ufus n Silwan ḥessbeɣ-ṯ nec am umaṯneɣ ḏayes ttiqeṯ. Tcejjaƹeɣ-kenniw, cehhḏeɣ min qqareɣ manaya ḏ arḍa n Arebbi ḏ ṣṣaḥ. Beddem ḏayes nican.

2 Buṭrus 1:17

Ȓaḥeqqac Arebbi Babaṯneɣ isemɣar-iṯ yuca-as lƹaḍama wami ɣares d tenṭeq ṯmijja nni zi lƹaḍama yuƹȓan ṯenna-aneɣ: Qa ḏ wanita ḏ Mmi iƹizzen, nec farḥeɣ zzayes.

1 Yuḥanna 1:3

Min neẓra ḏ min netsȓa netbeccar-ikenniw zzayes ḥima uȓa ḏ kenniw aḏ temƹacarem akiḏneɣ. Marra neccin ṯamƹacarṯ nneɣ aqat ak Babaṯneɣ ḏ Mmis Ƹisa Lmasiḥ.

1 Yuḥanna 5:20

Nessen ƹaweḏ aqa Mmis n Arebbi yusa-d yuca-aneɣ ȓefhameṯ bac a nessen wenni iǧan ḏ ṣṣaḥ. Neccin aqaneɣ ḏeg wenni iǧan ḏ ṣṣaḥ s Mmis Ƹisa Lmasiḥ. Wanita ig iǧan ḏ Arebbi n ṣṣaḥ ḏ ṯuḏarṯ n ȓebda n ȓebdaṯ.

2 Yuḥanna 1:9

Wenni iruḥen ɣar ȓeggwaj war iqqim ca ḏi ttaƹlim n Lmasiḥ ataf war ɣares ca Arebbi. Wenni iqqimen ḏi ttaƹlim-a aɣares yiȓi Babaṯneɣ ak Mmis.

Lwaḥi 1:11

Ṯeqqar-ayi: "Min twaȓiḏ cek ari-ṯ ḏeg yijjen n lkitab, sekk-iṯ ɣar sebƹa n ṯjumaƹ n ȓmuminin ḏi ṯendint n Ufasus, ḏ Smirna, ḏ Barɣamus, ḏ Ṯiyatra, ḏ Sardis, ḏ Filadalfya, ḏ Lawdukya."

Lwaḥi 1:17

Wami ṯ ẓriɣ uḍiɣ-as ɣar iḍaren nnes axmi mmuṯeɣ. Isers-d xafi fus nnes afusi inna-ayi: "War teggweḏ ca!" Inna-ayi: "Qa nec ḏ amezwaru ḏ aneggaru.

Lwaḥi 1:8

Iqqar Siḏi Arebbi: "Nec ḏ lʼalif nec ḏ lyaʼ. Nec ḏ wenni ig iǧan, tuɣa ǧiɣ, ƹaḏ aḏ d aseɣ, zemmareɣ i kuȓci."

Lwaḥi 2:18

Ari-yas i lmalaʼika n jmaƹṯ n ȓmuminin iy iǧan ḏi ṯendint n Ṯiyatra, ini-yas qa wenni iǧan ḏ Mmis n Arebbi, ṯiṭṭawin nnes ggint am uḥaḏuq n ṯmessi, iḍaren nnes ggin am nneḥḥas iṣfan, iqqar-ac: