2 Ayṯ-Kurinṯ 1:17 - Ṯarifiṯ 2020

¹⁷ Wami tuɣa nec txeṭṭaṭeɣ aḏ ggeɣ manayenni, ma ḏewwȓeɣ ḏeg wawaȓ waha? Niɣ ma txeṭṭaṭeɣ am yijjen n bnaḏem n ddunect-a waha, iƹni aḏ iniɣ wah-wah niɣ lla-lla ḏi nnefs n ȓweqṯ?

2 Ayṯ-Kurinṯ 1:17 ပူးပေါင်းရင်းမြစ်များ

Matta 1:19

Yusef anexḍab nnes, nican ig iǧa. War ixes ca axas iḍȓeq ddiƹaya, irezzu aḏas iǧef s ṯnufra.

Matta 5:37

Aḏ yiȓi wawaȓ nwem wah niɣ lla. Marra min ɣa ṯinim ḏ zzyada, ataf aẓwer nnes zi Cciṭan.

Yuḥanna 8:15

Kenniw tḥasabem ijjen s ȓaƹqeȓ waha, nec war tḥisibeɣ uȓa ḏ ijjen.

2 Ayṯ-Kurinṯ 1:12

Aqa neccin nteftaxar zi ḍḍamir nneɣ iƹni icehheḏ belli nuyur mliḥ ḏi ddunect-a xaṣṣatan akiḏwem s yijjen n nniyyeṯ ḏ wuȓ iṣfan zi Arebbi. War iǧi bu s yijjen n ȓefhameṯ n ddunect-a; Lla, s yijjen n arḍa n Arebbi.

2 Ayṯ-Kurinṯ 11:18

Xmi teftaxaren yiwḏan-a aṭṭas ƹlaḥsab min itegg bnaḏem, uȓa ḏ nec aḏ ftaxareɣ.

Ayṯ-Galaṭya 2:2

Ƹlaḥsab min zi ḏayi iweṣṣa Arebbi ḏeg yijjen n lwaḥi iy gaƹƹḏeɣ ḏinni sexbareɣ-ṯen x Lʼinjil iy zi tbeccareɣ jar ȓegnus. Walakin ggiɣ manayenni ɣir i yinni iǧan ḏ imeqqranen n jmaƹeṯ ḥima aḏ ssneɣ min xeḏmeɣ ḏ min tuɣa xeddmeɣ war iǧi ca ḏ ȓbaṭeȓ.

1 Ayṯ-Salunik 2:18

Mecḥaȓ n ṯwaȓaṯin nexs aɣarwem d nas, nec s yixef inu ƹaweḏ, walakin itqaṭeƹ-aneɣ-d Cciṭan ḏeg ubriḏ.

Yaƹqub 5:12

Ay ayṯma, aqa min iǧan muhim. War tjaǧam ca s ujenna niɣ s ṯmurṯ niɣ s can ṯmesȓayṯ nneɣni. Iwa, xmi ɣa ṯinim wah, iniṯ wah. Xmi ɣa ṯinim lla, iniṯ lla. Ḥima war xawem d ihewwi ca lƹiqab.