2 Ayṯ-Kurinṯ 1:12 - Ṯarifiṯ 2020

¹² Aqa neccin nteftaxar zi ḍḍamir nneɣ iƹni icehheḏ belli nuyur mliḥ ḏi ddunect-a xaṣṣatan akiḏwem s yijjen n nniyyeṯ ḏ wuȓ iṣfan zi Arebbi. War iǧi bu s yijjen n ȓefhameṯ n ddunect-a; Lla, s yijjen n arḍa n Arebbi.

2 Ayṯ-Kurinṯ 1:12 ပူးပေါင်းရင်းမြစ်များ

Ȓexḏayem 23:1

Ixzar mliḥ Bulus ɣar Jmaƹeṯ n lḥukkam n Ayṯ-Israʼil inna-asen: "Ay ayṯma, qa nec ggiɣ lwajib nican ak Arebbi, zi qbeȓ ḥetta nhara nec ḍḍamir inu mertaḥ."

Ȓexḏayem 24:16

Falihaḏa teggeɣ marra jjheḏ inu bac aḏ ƹiceɣ s yijjen n ḍḍamir mertaḥ zzaṯ i Arebbi ḏ yiwḏan.

Ayṯ-Ruma 9:1

Ssawaȓeɣ ȓḥaqq ḏi Lmasiḥ war iǧi bu ḏ ixarriqen. Ȓaƹqeȓ inu u ḏ Arruḥ iqeddsen aḏayi ṣaḥḥen min ɣa iniɣ.

1 Ayṯ-Kurinṯ 1:17

Liʼanna Lmasiḥ war ḏayi d issekk ca ḥima aḏ ṭehhareɣ i yiwḏan s waman; Lla, nec issekk-ayi-d aḏ beccareɣ s Lʼinjil walakin maci s ȓefhameṯ nni n wawaȓen izewwqen. Mayemmi? Bac jjheḏ iy iǧan ḏi ṣṣalib n Lmasiḥ war itbeṭṭiȓ ca.

1 Ayṯ-Kurinṯ 12:8

Ijjen immuc-as s ufus n Arruḥ iqeddsen bac aḏ issiweȓ s lḥikma. Ijjen immuc-as awaȓ n ṯusna s ufus n Arruḥ-a wanita.

1 Ayṯ-Kurinṯ 15:10

Walakin nec s arḍa n Arebbi ḏewȓeɣ mammec ǧiɣ ȓexxu. Ṯumma arḍa nnes war iǧi bu xafi s bȓa nnfaƹ; Lla, nec ccaṯeɣ tamara ktar zzaysen marra. Maci ḏ nec zaƹma; Lla, ḏ arḍa n Arebbi iy kiḏi.

1 Ayṯ-Kurinṯ 2:13

Nsawaḍ manaya s wawaȓen iy war ṯen ṯseȓmiḏ ca ȓefhameṯ n bnaḏem; Lla, nessawaḍ-iṯ s wawaȓen ig iseȓmaḏ Arruḥ n Arebbi. Awaȓen-a tcarraḥen lḥaqiqaṯ ruḥiyaṯ i yinni umi ɣar iǧa Arruḥ n Arebbi.

1 Ayṯ-Kurinṯ 4:4

Nec ḍḍamir inu mertaḥ iy iǧa, walakin nec ma bariʼ iy ǧiɣ ƹlaḥsab ḍḍamir inu? Lla, ḏ Siḏi Arebbi iy ḏayi ɣa yucen ȓḥukem-a.

1 Ayṯ-Kurinṯ 5:8

X manaya a nƹeyyeḏ walakin war netƹeyyiḏ ca s untun nni aqḏim, iƹni antun nni netta ḏ ȓeqbaḥeṯ ḏ ccarr. Lla, neccin a nƹeyyeḏ s ṯefḍirṯ, iƹni ijjen n uɣrum ḏayes lḥaqiqa war ḏayes bu ixarriqen.

2 Ayṯ-Kurinṯ 1:17

Wami tuɣa nec txeṭṭaṭeɣ aḏ ggeɣ manayenni, ma ḏewwȓeɣ ḏeg wawaȓ waha? Niɣ ma txeṭṭaṭeɣ am yijjen n bnaḏem n ddunect-a waha, iƹni aḏ iniɣ wah-wah niɣ lla-lla ḏi nnefs n ȓweqṯ?

2 Ayṯ-Kurinṯ 11:3

Walakin nec ggwḏeɣ mammec ḏas iwqeƹ i Ḥawwa icmeṯ-it ufiɣar s ṯeḥraymiṯ nnes uȓa ḏ kenniw ȓaƹquȓaṯ nwem aḏ ffɣen abriḏ, war ḏas tṭiƹim ca i Lmasiḥ s wuȓawen nwem bȓa nnifaq u bȓa ȓƹib.

2 Ayṯ-Kurinṯ 2:17

Aqa neccin maci am xarebbi n yiwḏan iteggen ttijara ḏeg wawaȓ n Arebbi, neccin ḏi Lmasiḥ nessawaȓ s wuȓ iṣfa zi Arebbi u zzaṯ i Arebbi.

2 Ayṯ-Kurinṯ 4:2

Neccin netbeƹƹaḏ x ṯmesȓayin n ȓefḍiḥeṯ ig itwaxeddmen s ṯnufra. War nesxeddim ca ṯaḥraymiṯ, war netḥerrif ca awaȓ n Arebbi. Neccin zzaṯ i Arebbi nseȓmaḏ lḥaqiqa bȓa ma at nesnuffar. Ammu ɣarsen marra iwḏan ḏi ḍḍamir nsen belli ḏayneɣ ttiqeṯ.

2 Ayṯ-Kurinṯ 8:8

War qqareɣ ca manaya ḏ ijjen n ȓuṣiyeṯ; Nec rezzuɣ aḏ jarrbeɣ lḥaqiqa n ȓemḥibbeṯ nwem iƹni tcabbaheɣ min teggem kenniw ak mammec tḥawaȓen iwḏan nneɣni s wuȓawen nsen ḏi ȓxeḏmeṯ-a.

Ayṯ-Galaṭya 6:4

Lla, labud mkuȓ ijjen aḏ irajeƹ nniṯ ȓexḏayem nnes, ṯumma ataf aḏ iftaxar nican u bȓa ma aḏ icabbeh ixef nnes ḏeg umƹacar nnes.

Ayṯ-Ufasus 6:14

Beddem baƹda nican, ḥezzmem aḥezzam nni n lḥaqiqa iy teggem ḏi nneṣṣ. Ggem ƹaweḏ ṯjilit nni n ȓeḥḏiḏ n ȓḥaqq.

Ayṯ-Filippas 1:10

Ḥima aḏ tixḍarem min iǧan ḏ aṣebḥan ḥima aḏ tiȓim ṯeṣfam bȓa ȓƹib ɣar nhar n Lmasiḥ.

1 Ayṯ-Salunik 2:10

Netƹic akiḏwem kenniw iy yumnen s yijjen n ṣṣfa ḏ yijjen n ubriḏ nican bȓa ȓƹib. Kenniw ḏ ȓechuḏ x manaya uȓa ḏ Arebbi.

1 Timutawus 1:5

Min iƹna lɣaraḍ n ȓuṣiyeṯ-a? Lɣaraḍ nnes ḏ ijjen n ȓemḥibbeṯ iy d itasen zeg wuȓawen iṣfan ḏ yijjen n ḍḍamir ḏ aṣebḥan ḏ yijjen n lʼiman bȓa nnifaq.

Titus 2:7

Ḏi marra ṯimesȓayin aɣarsen ṯiȓiḏ cek ḏ lmiṯal s lḥasanaṯ iy teggeḏ. Ttaƹlim nnec sexḏem-iṯ s ṣṣaraḥa ḏ lmaƹqul

Iƹibraniyen 13:18

Ttareṯ i Arebbi xaneɣ. Aqa neccin metʼakeddin ḍḍamir nneɣ mertaḥ, nrezzu a nexḏem s ȓeḥya marra ṯimesȓayin.

Yaƹqub 4:6

Walakin netta yarni-yaneɣ-d arḍa zzayes. S manaya iqqar Lkitab:

1 Buṭrus 3:16

ḏ yijjen n ḍḍamir mertaḥ. Ammu yinni xawem iqqaren ȓbaṭeȓ ataf aḏ seḏḥan s ṯicri nwem ṯaṣebḥant iy xawem tƹeyyaben niṯni.

1 Buṭrus 3:21

Aman-a niṯni ḏ ijjen n lmiṯal x ṭṭahareṯ nneɣ n waman iy kenniw isenjamen ȓexxu. Maci aḏ itwakkes ȓewsex zi ddat nneɣ; Lla, ṭṭahareṯ-a nettaṯ ḏ ijjen n uȓaɣi nwem i Arebbi bac aḏawem d yuc ijjen n ḍḍamir mertaḥ. Manaya x ssabab n Ƹisa Lmasiḥ wami d ikkar zi ȓmewṯ.