2 Ayṯ-Kurinṯ 1:1 - Ṯarifiṯ 2020

¹ Ṯabrat-a zzayi nec Bulus ig iǧan ḏ arrasul n Ƹisa Lmasiḥ s ȓxaḍar n Arebbi, akiḏi umaṯneɣ Timutawus. Tariɣ i jmaƹeṯ n ȓmuminin n Arebbi yinni iǧan ḏi ṯendint n Kurinṯ ḏ marra ȓmuminin ṣṣaliḥin ƹaweḏ ig iǧan ḏi lʼiqlim n Uxaya amen-ṯekmaȓ.

2 Ayṯ-Kurinṯ 1:1 ပူးပေါင်းရင်းမြစ်များ

Ȓexḏayem 16:1

Yuweḍ Bulus ɣar ṯendint n Dirba ḏ ṯendint n Listra, yufa ḏinni ijjen n umeḥḍar qqaren-as Timutawus. Yemmas nettaṯ ḏ ṯaʼisraʼiliṯ ḏ ȓmumna, babas ḏ ayunani.

Ayṯ-Ruma 15:26

Liʼanna ȓmuminin iy iǧan ḏi jwayeh n Masidunya ḏ Uxaya texsen aḏ ƹawnen ipubriṯen iy iǧan jar ȓmuminin ṣṣaliḥin ḏi ṯendint n Lquds.

Ayṯ-Ruma 16:21

Issiweḍ-awem-d sȓam Timutawus wenni ixeddmen akiḏi, ḏ ȓeḥbab inu iƹni Luqyus ḏ Yasin ḏ Sibatru.

Ayṯ-Ruma 16:5

Siwḍem-asen sȓam ƹaweḏ i jmaƹṯ n ȓmuminin itmunan ḏi ṯeddarṯ n ṯnayen-a. Siwḍem-as sȓam i umƹizz inu Ipantus wenni iy yumnen ḏ amezwaru s Lmasiḥ ḏi lʼiqlim n Asya.

1 Ayṯ-Kurinṯ 10:32

War ɣeṭṭȓeṯ ḥadd waxxa niṯni ḏ israʼiliyen niɣ ḏ iyunaniyen niɣ ḏ jmaƹeṯ n ȓmuminin n Arebbi.

1 Ayṯ-Kurinṯ 16:10

Meȓa yusa-d Timutawus thellam ḏayes mliḥ bac war ḏayes itiȓi ca umnus ȓaḥeqqac netta itegg ȓxeḏmeṯ n Siḏiṯneɣ amecnaw nec.

1 Ayṯ-Kurinṯ 16:15

Aqa ṯessnem Stifanus ḏ ȓeḥbab nnes ḏ niṯni iy yumnen zi Lmasiḥ ḏ imezwura ḏi lʼiqlim n Uxaya, ṭewwƹen ixef nsen aḏ sexxaren i ȓmuminin ṣṣaliḥin. Ay ayṯma, tettareɣ zzaywem aḏ tṭaƹem i yiwḏan-a am yina u ḏ yinni marra icarrcen ḏi ȓxeḏmeṯ-a tamaran ḏayes aṭṭas.

1 Ayṯ-Kurinṯ 16:24

Ȓemḥibbeṯ inu akiḏwem ṯiȓi kenniw marra ḏi Ƹisa Lmasiḥ. Amin.

1 Ayṯ-Kurinṯ 6:11

Ammu iy tuɣa teggen ȓebƹaḍ zzaywem, walakin ȓexxu twasirḏem, twassiṣfam, twasemṣȓaḥem ak Arebbi s yisem n Siḏiṯneɣ Ƹisa Lmasiḥ u s Arruḥ n Arebbi nneɣ.

2 Ayṯ-Kurinṯ 1:19

Liʼanna Mmis n Arebbi iƹni Ƹisa Lmasiḥ netbeccar-iṯ jarawem nec uȓa ḏ Silas uȓa ḏ Timutawus. Lmasiḥ war iǧi bu ḏ wah akeḏ lla, netta iǧa ȓebda ḏ u ṣafi.

2 Ayṯ-Kurinṯ 1:23

Iwa tettareɣ i Arebbi aḏ yiȓi netta ḏ ccaheḏ inu qa nec tuɣa rezzuɣ axawem ḥinneɣ wami ugiɣ aɣarwem d aseɣ ɣar Kurinṯ.

2 Ayṯ-Kurinṯ 11:10

S ȓḥaqq n Lmasiḥ iy ḏayi, uȓa ḏ ijjen ḏeg imucan n Uxaya ma aḏ ikkes lʼiftixar-a inu.

Ayṯ-Galaṭya 1:1

Nec ḏ Bulus, nec ḏ ijjen n arrasul maci s yiwḏan niɣ s ȓxaḍar n bnaḏem; Lla, nec ḏ arrasul s Ƹisa Lmasiḥ u ƹaweḏ s Arebbi Babaṯneɣ iy d isekkaren Ƹisa zi ȓmewṯ.

Ayṯ-Galaṭya 3:26

Ḏi Ƹisa Lmasiḥ aqa kenniw marra iḏwem ḏ ṯarwa n Arebbi s lʼiman.

Ayṯ-Ufasus 1:1

Nec ḏ Bulus, nec ḏ ijjen n arrasul n Ƹisa Lmasiḥ s ȓxaḍar n Arebbi. Uriɣ ṯabrat-a i ṣṣaliḥin iy iǧan ḏi jwayeh n Ufasus iy yumnen s Ƹisa.

Ayṯ-Filippas 1:1

Nec ḏ Bulus akiḏi Timutawus neccin ḏ ixeddamen n Ƹisa Lmasiḥ. Ntari ṯabrat-a i ṣṣaliḥin n Ƹisa Lmasiḥ iy iǧan ḏi ṯendint n Filippi ḏ arruyas nsen ḏ nnuyab nsen.

1 Ayṯ-Salunik 1:1

Nec ḏ Bulus, akiḏi Silas ḏ Timutawus. Ntari ṯabrat-a ɣar jmaƹeṯ n ȓmuminin n Ayṯ-Salunik iy yumnen zi Arebbi Babaṯneɣ ḏ Ƹisa Lmasiḥ Siḏiṯneɣ. Akiḏwem yiȓi arḍa ḏ ȓehna.

2 Ayṯ-Salunik 1:1

Nec ḏ Bulus, akiḏi Silas ḏ Timutawus, nura ṯabrat-a ɣar jmaƹeṯ n ȓmuminin n Ayṯ-Salunik iy yumnen zi Arebbi Babaṯneɣ ḏ Ƹisa Lmasiḥ Siḏiṯneɣ.

1 Timutawus 1:1

Nec ḏ Bulus ḏ arrasul n Ƹisa Lmasiḥ s lʼamar n Arebbi wenni iy ḏaneɣ isenajmen ḏ Ƹisa Lmasiḥ netta ḏ lʼamal nneɣ.

2 Timutawus 1:1

Nec ḏ Bulus ḏ ijjen n arrasul n Ƹisa Lmasiḥ s ȓxaḍar n Arebbi ƹlaḥsab lwaƹeḏ nni iy ḏaneɣ iwƹeḏ x ṯuḏarṯ nni iǧan ḏi Ƹisa Lmasiḥ.

Titus 1:1

Nec ḏ Bulus ḏ axeddam n Arebbi ḏ arrasul n Ƹisa Lmasiḥ xeddmeɣ ƹlaḥsab yinni ig ixḍar Arebbi bac aḏ amnen aḏ ssnen lḥaqiqa iy ṯen isegguren ɣar min iǧan nican ḏi lʼiman.

Filimun 1:1

Nec ḏ Bulus aqayi ḏ ameḥbus ƹlaḥsab Ƹisa Lmasiḥ akiḏi umaṯneɣ Timutawus. Tariɣ ṯabrat-a i Filimun iǧan ḏ amƹacar nneɣ iy xaneɣ iƹizzen,

Iƹibraniyen 13:23

Itxeṣṣa aḏ tessnem belli ḍeȓqen-as-d i wumaṯneɣ Timutawus. Akenniw ẓreɣ akiḏes iƹni meȓa yusa-d ḏeɣya.