1 Timutawus 6:3 - Ṯarifiṯ 2020

³ Meȓa can uryaz iseȓmeḏ can ȓḥajeṯ nneɣni war itifiq ca ak wawaȓen nican n Siḏiṯneɣ Ƹisa Lmasiḥ ḏ ttaƹlim x lʼiman,

1 Timutawus 6:3 ပူးပေါင်းရင်းမြစ်များ

Matta 22:21

Nnan-as: "N Qayṣar." Indeq-d Ƹisa inna-asen: "Min iǧan n Qayṣar ucem-as-ṯ i Qayṣar. Min iǧan n Arebbi ucem-as-ṯ i Arebbi."

Matta 28:20

Sȓemḏem-asen aḏ ggen marra minzi kenniw weṣṣiɣ. Aqa nec akiḏwem iȓiɣ ȓebda aȓ ɣa ifna zman!"

Ayṯ-Ruma 16:17

Ay ayṯma, tettareɣ zzaywem aḏ teḥḍam ixef nwem zeg yinni iferrqen ȓmuminin x wayawya teggen-awem min isefciȓen, iƹni ḍed ṯɣuri nni iy ṯȓemḏem kenniw. Beƹƹḏeṯ xasen x yina.

1 Ayṯ-Salunik 4:8

Falihaḏa wenni itagin aḏ iḏfar ȓuṣiyeṯ-a ṯanitan ataf maci itagi i bnaḏem, itagi i Arebbi wenni iy ḏawem d iticcen Arruḥ nnes iqeddsen.

1 Timutawus 1:10

ḏ yinni iteggen lfasad ḏ iryazen ifessḏen ak wayawya ḏ yinni itacaren iwḏan ḥima aṯen arren ḏ isemɣan ḏ yinni iqqaren ixarriqen ḏ yinni icehhḏen ẓẓur niɣ ḏ yinni iteggen can n ṯmesȓayin nneɣni iǧan ḍed i ttaƹlim n lʼiman iǧan nican.

1 Timutawus 1:3

Nec wami ruḥeɣ ɣar lʼiqlim n Masidunya weṣṣiɣ-cek aḏ teqqimeḏ ḏi ṯendint n Ufasus bac aḏ tenhiḏ can iryazen aḏasen ṯiniḏ war seȓmaḏem ca ṯimesȓayin ig itxalafen ḏi lʼiman.

1 Timutawus 1:6

Ȓebƹaḍ ffɣen zi ṯmesȓayin-a uḏfen ḏeg wawaȓen iy ixwan.

2 Timutawus 1:13

Meṯṯel ttaƹlim nni nican iy ṯesȓiḏ zzayi, akiḏes iy ɣa yiȓi ijjen n lʼiman ḏ yijjen n ȓemḥibbeṯ iy iǧan ḏi Ƹisa Lmasiḥ.

2 Timutawus 4:3

Aqa aḏ d tas ȓweqṯ nni niṯni war tṣenniṭen ca ɣar ttaƹlim nican; aɣarsen d smunen ijjen n lƹadad n imseȓmaḏen ssawaȓen ɣir min ḏasen iƹejben i imejjan nsen waha.

Titus 1:1

Nec ḏ Bulus ḏ axeddam n Arebbi ḏ arrasul n Ƹisa Lmasiḥ xeddmeɣ ƹlaḥsab yinni ig ixḍar Arebbi bac aḏ amnen aḏ ssnen lḥaqiqa iy ṯen isegguren ɣar min iǧan nican ḏi lʼiman.

Titus 1:9

Itxeṣṣa u labud aḏ iṭṭef mliḥ ḏeg wawaȓ nni iy ḏi ṯeǧa ttiqeṯ iy ḏas itwasȓemḏen ḥima aḏ icejjeƹ iwḏan s yijjen n ttaƹlim nican aḏ inha yinni itƹarraḍen i ttaƹlim-a.

Titus 3:8

Awaȓ-a iy qqareɣ ḏayes ttiqeṯ. Nec xseɣ cek aḏ twekkḏeḏ x ṯmesȓayin-a i yinni iy yumnen zi Arebbi bac aḏ d arren ȓbaȓ nsen aḏ ṭewwƹen ixef nsen s lḥasanaṯ. Ṯimesȓayin-a ḏ ṯiṣebḥanin s waṭṭas neffƹent iwḏan.