1 Timutawus 6:2 - Ṯarifiṯ 2020

² Isemɣan umi ɣar iǧa ayṯbab nsen ḏ ȓmuminin wa labud aḏasen tṣennaṭen i ayṯbab nsen maci aḏasen agin aḏasen inin lla qa neccin ḏ awmaṯen. Lla, aḏasen xeḏmen ktar liʼanna ayṯbab nsen ḏ niṯni iy ɣa irebḥen zi ȓxeḏmeṯ nni u niṯni tamnen twaƹizzen. Ṯimesȓayin-a seȓmaḏ-iṯent cek, zeyyar xasent.

1 Timutawus 6:2 ပူးပေါင်းရင်းမြစ်များ

Matta 23:8

Walakin kenniw, war tejjam ḥadd aḏawem iȓaɣa: A siḏiṯneɣ. Ȓaḥeqqac kenniw marra ḏ awmaṯen ɣarwem ijjen n Siḏiṯwem.

Matta 25:40

Aḏ d yas uzeǧiḏ aḏasen yini: Aqa tesȓam ȓḥaqq: Min ṯeggim i yijjen n wuma ḏ amezyan zeg ayṯma, ṯeggim-ayi-t i nec.

Matta 6:24

War izemmar can yijjen aḏ yiȓi ḏ axeddam ɣar ṯnayen n siyaḏis. Mayemmi? Ima ijjen aṯ iƹiff, ijjen aṯ ixes. Niɣ ijjen aḏayes iṭṭef, ijjen aṯ iḥeggar. Aḏ txeḏmem i Arebbi niɣ aḏ txeḏmem i ȓewsex n ddunect-a, war iǧi bu s ṯnayen.

Ȓexḏayem 1:15

Ḏeg wussan nni ikkar Buṭrus ibedd ḏi ȓwesṭ n ȓmuminin (ḏinni can miyya u ƹicrin iḏsen) inna-asen:

Ayṯ-Ruma 11:17

Cuf, ȓebƹaḍ n ȓefruƹ iƹni ṯiseḍwin twaqessent zi ṯzitunt, ssenni cek ṯetwaȓeqqmeḏ ḏeg umcan nsent jar ṯinni iqqimen waxxa cek ḏ azemmur, ṯcarrceḏ ḏeg iẓewran n ṯzitunt ṯeddareḏ zzaysen.

Ayṯ-Ruma 8:29

Liʼanna yinni iy tuɣa issen-iṯen zi qbeȓ, izemmem-iṯen zi qbeȓ ḥima aḏ iȓin x ṣṣifeṯ n Mmis aḏ iȓin am netta. Ammu aḏ yiȓi netta ḏ Mmis amenzu n waṭṭas n ayṯmas.

Ayṯ-Galaṭya 5:6

Liʼanna ḏi Ƹisa Lmasiḥ iƹni bnaḏem meȓa igga ṭṭahareṯ niɣ war t iggi ca, manaya war ineffeƹ s walu. Min ineffƹen? Ineffeƹ lʼiman ig ixeddmen ccɣeȓ nnes s ȓemḥibbeṯ.

Ayṯ-Ufasus 1:1

Nec ḏ Bulus, nec ḏ ijjen n arrasul n Ƹisa Lmasiḥ s ȓxaḍar n Arebbi. Uriɣ ṯabrat-a i ṣṣaliḥin iy iǧan ḏi jwayeh n Ufasus iy yumnen s Ƹisa.

Ayṯ-Ufasus 1:15

X manaya, nec zeg wami tuɣa tesȓiɣ x lʼiman nwem zi Siḏiṯneɣ Ƹisa ḏ ȓemḥibbeṯ nwem i marra ṣṣaliḥin

Ayṯ-Ufasus 3:6

Ȓmaƹna-ya inuffaren ṯanita, min ṯeƹna? Aqa uȓa ḏ yinni war iǧin ca zi Ayṯ-Israʼil aḏ warṯen zi Arebbi ak Ayṯ-Israʼil s Lʼinjil. Niṯni ḏ ijjen n jmaƹeṯ, marra aḏ carcen ḏi min iwƹeḏ Arebbi ḏi Lmasiḥ.

Ayṯ-Kulus 1:2

Tariɣ ṯabrat-a i wawmaṯen iy ḏi iǧa lʼiman iǧan ḏ ṣṣaliḥin ḏi ṯendint n Kulus. Akiḏwem yiȓi arḍa ḏ ȓehna zi Arebbi Babaṯneɣ.

Ayṯ-Kulus 1:4

Liʼanna netsȓa xawem x lʼiman nwem iy ḏaywem x Ƹisa Lmasiḥ ḏ ȓemḥibbeṯ nwem iy teggem i ṣṣaliḥin marra.

Ayṯ-Kulus 4:1

Ay ayṯbab n isemɣan, ḏebbarem xasen x isemɣan nwem s min iǧan nican ḏ ȓḥaqq nsen aqa kenniw ṯessnem illa ɣarwem Bab nwem ḏeg ujenna.

2 Ayṯ-Salunik 1:3

Ay ayṯma, itxeṣṣa u labud a ncekkar Arebbi xawem ȓebda. Qa manaya nican minzi lʼiman nwem itemɣur s waṭṭas, minzi ƹaweḏ ȓemḥibbeṯ nwem ṯarenni ak wayawya.

1 Timutawus 4:11

Ṯimesȓayin-a tweṣṣa xasent cek seȓmaḏ-iṯent.

1 Timutawus 5:1

War nehha ca ijjen n uwessar s ȓeqsaḥeṯ; Lla, siweȓ akiḏes am babac. Iḥenjiren egg-iṯen am ayṯmac.

Titus 2:1

Amma cek, seȓmaḏ min imunen ak ttaƹlim nican.

Titus 2:15

Siweȓ x ṯmesȓayin-a, zeyyar x ȓmuminin nehha-ṯen s marra ssulṭa. War tejja ḥadd ac iseḥqar.

Titus 3:8

Awaȓ-a iy qqareɣ ḏayes ttiqeṯ. Nec xseɣ cek aḏ twekkḏeḏ x ṯmesȓayin-a i yinni iy yumnen zi Arebbi bac aḏ d arren ȓbaȓ nsen aḏ ṭewwƹen ixef nsen s lḥasanaṯ. Ṯimesȓayin-a ḏ ṯiṣebḥanin s waṭṭas neffƹent iwḏan.

Iƹibraniyen 3:1

Ay ayṯma ṣṣaliḥin, ḏ kenniw iy iǧan ḏ imƹacaren ḏeg uȓaɣi nni iy d yusin zeg ujenna. Fekkareṯ mliḥ ḏi Ƹisa, netta ḏ arrasul netta ḏ ȓefqi ameqqran n lʼiman iy xas ncehheḏ neccin.

Iƹibraniyen 3:14

Aqa neccin a niȓi ḏ imƹacaren ḏi Lmasiḥ iƹni meȓa neqqim neṭṭef mliḥ aȓ uneggaru ḏi ttiqeṯ nni iy tuɣa ɣarneɣ ḏ amezwaru.

1 Buṭrus 5:1

Fa nec tȓaɣiɣ-d x imeqqranen iǧan jar n ṯjumaƹ, nec iy iǧan ḏ ijjen n umeqqran am kenniw ḏ yijjen n ccaheḏ x min xef itwaƹeddeb Lmasiḥ, nec ḏ ijjen ƹaweḏ iy ɣa icarcen ḏi lƹaḍama iy d ɣa imeḍharen.

2 Buṭrus 2:10

Xaṣṣatan yinni igguren ḏeg ubriḏ n ccehweṯ ig isexnizen bnaḏem ḏ yinni itseḥqaren ssulṭa. Iṯarrasen-a ḏaysen zƹameṯ n ttakebbur, war teggwḏen ca aḏ inin awaȓen war iḥȓin x lmexluqaṯ n ujenna.

Yahuḏa 1:8

Ammu ƹaweḏ iṯarrasen-a. Ƹlaḥsab ṯirja nsen sexnazen ddat nsen, nekkaren ssulṭa, qqaren awaȓen war iḥȓin x lmexluqaṯ n ujenna.