1 Timutawus 6:17 - Ṯarifiṯ 2020

¹⁷ Yinni ig iǧan ḏ twajar ḏi ddunect-a iy ḏi neǧa tweṣṣa-ṯen bac war ḏaysen itiȓi ca ttakebbur bac war teggen ca lʼamal nsen ḏeg wagȓa ḏi war ṯeǧi bu ttiqeṯ. Lla, aḏ yiȓi lʼamal nsen ḏi Arebbi wenni iy ḏaneɣ itḏebbaren marra ṯimesȓayin s ȓxir azzaysent nfareḥ.

1 Timutawus 6:17 ပူးပေါင်းရင်းမြစ်များ

Matta 12:32

Wenni ɣa yinin can wawaȓ war iḥȓin x Mmis n bnaḏem, ataf axas iɣfar. Walakin wenni ɣa yinin can wawaȓ war iḥȓin x Arruḥ iqeddsen, ataf war xas iɣeffar ca lla ḏi ddunect-a u lla ḏi lʼaxira.

Matta 19:23

Inna-asen Ƹisa i imeḥḍaren nnes: "Aqa tesȓam ȓḥaqq: Mecḥaȓ iqseḥ xas x ttajar aḏ yaḏef ȓmulk ujenna."

Matta 25:16

Ȓexddenni ikkar wenni umi yuca xemsaȓaf n ȓuznaṯ igga zzaysent ttijara irbeḥ xemsaȓaf nneɣni.

Matta 27:57

Wami d ṯuweḍ ṯmeddiṯ, yusa-d ijjen n ttajar qqaren-as Yusef zi dcar n Arimatya. Netta s yixef nnes tuɣa iḏweȓ ḏ ameḥḍar n Ƹisa.

Matta 6:32

Marra manaya rezzun-ṯ ȓegnus. Aqa Babaṯwem iǧan ḏeg ujenna issen belli teḥḏajim ṯimesȓayin-a.

Marqus 10:24

Ḏehcen imeḥḍaren nnes x wawaȓ nni. Inna-asen Ƹisa ƹaweḏ: "A ṯarwa inu, mecḥaȓ iqseḥ aḏ yaḏef bnaḏem ȓmulk n Arebbi!

Luqa 19:2

Ḏinni ijjen n uryaz ḏ ttajar zeg imeqqranen n iƹeccaren qqaren-as Zaki.

Luqa 3:11

Yarra xasen Yaḥya inna-asen: "Wenni ɣar ǧant ṯnayen n ṯeqmijaṯin itxeṣṣa aḏ yuc icten i wenni war ɣar iǧi ca. Ƹaweḏ wenni ɣar iǧa min ɣa icc itxeṣṣa aḏ yuc i wenni war ɣar iǧi ca."

Ȓexḏayem 14:17

Walakin Arebbi isbeyyan-awem-d ixef nnes s min ixeddem, iƹni itegg ȓxir iticc-awem anẓar zeg ujenna ḏ ṯfeǧaḥṯ ḏi ȓweqṯ nnes. Iteccar-awem uȓawen nwem s ȓefraḥeṯ."

Ȓexḏayem 14:27

Wami uwḍen ḏinni, smunen jmaƹeṯ n ȓmuminin ƹawḏen-asen marra min igga Arebbi x ufus nsen ḏ mammec irzem-asen ṯawwarṯ n lʼiman i yinni war iǧin ca zi Ayṯ-Israʼil.

Ȓexḏayem 17:25

War xas tsexxiren ca ifassen n bnaḏem, netta war iteḥḏiji walu. Ḏ netta iy d iticcen i marra iwḏan ṯuḏarṯ ḏ buḥbeȓ ḏ marra ṯimesȓayin nneɣni.

Ayṯ-Ruma 11:20

Wah, niṯenti twaqessent ssenni wami war uminent ca; cek ṯeqqimeḏ ḏinni wami ṯumneḏ. Walakin war tsemɣar ca ixef nnec; Lla, ggweḏ!

Ayṯ-Ufasus 5:5

Liʼanna wenni iteggen lfasad niɣ ḏ min isexnizen niɣ ḏ min iseḍmaƹen, iƹni netta ḏ wenni iƹebbḏen lʼaṣnam, aqa tessnem bȓa ccekk belli marra yinni iteggen manaya war ɣarsen bu lwareṯ ḏi ȓmulk n Lmasiḥ niɣ ḏi Arebbi.

Ayṯ-Kulus 3:16

Jjem awaȓen n Lmasiḥ aḏaywem zeḏɣen s marra lbaraka nsen. S marra ȓefhameṯ itxeṣṣa ijjen aḏ isefhem unneɣni, ijjen aḏ inha unneɣni. Ɣennjem s wawaȓen n Zzabur ḏ lʼamdaḥ ḏ yizȓan ruḥiya akiḏes ṯeggem ijjen n ccuker ḏeg wuȓawen nwem i Arebbi.

1 Ayṯ-Salunik 1:9

Iwḏan nni s yixef nsen sufuɣen xawem ȓexbar x mamc iy ḏaneɣ ṯqebȓem ḏ mamc iy ṯsemḥem ḏi lʼaṣnam bac aḏ tƹebḏem Arebbi iddaren iy iǧan ḏ ṣṣaḥ.

1 Timutawus 1:3

Nec wami ruḥeɣ ɣar lʼiqlim n Masidunya weṣṣiɣ-cek aḏ teqqimeḏ ḏi ṯendint n Ufasus bac aḏ tenhiḏ can iryazen aḏasen ṯiniḏ war seȓmaḏem ca ṯimesȓayin ig itxalafen ḏi lʼiman.

1 Timutawus 3:15

Meȓa ṭewwleɣ aṭṭas war ḏinni d usiɣ ca, ataf aḏ tessneḏ cek mamc iy ɣa suguren yiwḏan ixef nsen ḏi ṯeddarṯ n Arebbi iƹni jmaƹeṯ n ȓmuminin n Arebbi iddaren ḏ nettaṯ iy iǧan ḏ apilar ḏ dsas n lḥaqiqa.

1 Timutawus 4:10

X manaya neccin nxeddem nrebbeȓ liʼanna negga lʼamal nneɣ ḏi Arebbi iddaren wenni isenjamen marra iwḏan xaṣṣatan ḏ yinni itamnen.

1 Timutawus 5:21

Aqa ƹeȓmeɣ-ac zzaṯ i Arebbi ḏ Ƹisa Lmasiḥ ḏ lmalaʼikaṯ itwaxḍaren qa labud aḏ teggeḏ ṯimesȓayin-a bȓa ma aḏ teggeḏ ȓfarz ak can ḥadd bȓa ma aḏ teggeḏ ƹaweḏ s wuḏemawen.

1 Timutawus 6:13

Tweṣṣiɣ-cek zzaṯ i Arebbi wenni iseddaren qaƹ ṯimesȓayin u zzaṯ i Ƹisa Lmasiḥ wenni icehḏen chaḏeṯ nni ṯaṣebḥant zzaṯ i lḥakem Bunṭus Bilaṭus.

1 Timutawus 6:9

Yinni irezzun aḏ iȓin ḏ twajar ataf aḏ twaɣarran aḏ wḍan ḏeg yijjen n ṯexcebṯ ḏ waṭṭas n ccehawaṯ ig isbuhȓuyen ig isefcaḏen ig isɣerraqen iryazen ḏi arrwina ḏ ȓefna.

2 Timutawus 4:10

Minzi Dimas ismeḥ ḏayi ṯuwi-ṯ ȓemḥibbeṯ n ddunect-a iruḥ ɣar ṯendint n Salunik. Iruḥ Kriskus ɣar lʼiqlim n Galaṭya, iruḥ Titus ɣar jjiheṯ n Dalmasya.

Titus 2:12

Arḍa-ya itrebba-yaneɣ a nenkar ccarr ḏ ccehawaṯ n ddunect-a, a nƹic ḏi zman-a a neḥkam x ṯnefsiyṯ nneɣ aḏayneɣ yiȓi lmaƹqul ḏ lʼiman

Titus 3:6

Arruḥ-a ifareɣ-iṯ-iḏ xaneɣ Arebbi s yijjen n ȓxir imɣar s ufus n Ƹisa Lmasiḥ wenni iy ḏaneɣ isnejmen.

2 Buṭrus 1:11

Ataf aḏawem twassewjeḏ ƹaweḏ ijjen n ṯewwarṯ ḏ ṯaṣebḥant ɣar ȓmulk nnes war ifennin ca n Siḏiṯneɣ Ƹisa Lmasiḥ wenni iy ḏaneɣ isenjamen.