1 Timutawus 6:16 - Ṯarifiṯ 2020

¹⁶ Ḏ netta waḥḏes iy war itmettin ƹemmarṣ, izeddeɣ ḏeg yijjen n nnur iy war izemmar ḥadd aɣares d iqarreb iƹni wenni umi ƹemmarṣ war ṯ iẓri bnaḏem war izemmar aṯ iẓer. Ḏ netta iy ɣa yiȓi uweqqar ḏ jjheḏ i ȓebda. Amin.

1 Timutawus 6:16 ပူးပေါင်းရင်းမြစ်များ

Yuḥanna 1:18

Uȓa ḏ ijjen war iẓri Arebbi ƹemmarṣ. Mmis waḥḏes ig iǧan ḏeg wuȓ n Babas ḏ netta iy ḏaneɣ d ismeḍharen Siḏi Arebbi.

Yuḥanna 14:9

Inna-as Ƹisa: "Qaƹ ȓweqṯ-a iy kiwem kkiɣ ƹaḏ war ḏayi ṯessineḏ ca a Filippas? Wenni iy ḏayi iẓrin, iẓra Baba. Mayemmi ḏayi ṯettareḏ aḏawem d smeḍhareɣ Baba?

Yuḥanna 6:46

War iǧi uȓa ḏ ijjen iẓra Baba illa wenni iy d yusin zi Arebbi, ḏ netta ig iẓrin Baba.

Yuḥanna 8:58

Indeq-d Ƹisa inna-asen: "Aqa tesȓam ȓḥaqq: Qbeȓ ma aḏ yiȓi Brahim, nec ǧiɣ."

Ayṯ-Ufasus 3:21

Aɣares ṯiȓi lƹaḍama ḏi jmaƹeṯ n ȓmuminin u ƹaweḏ ḏi Ƹisa Lmasiḥ zi ljil ɣar ljil i ȓebda n ȓebdaṯ. Amin!

Ayṯ-Filippas 4:20

Lƹaḍama i Arebbi Babaṯneɣ i ȓebda n ȓebdaṯ. Amin.

Ayṯ-Kulus 1:15

Mmis netta ḏ ṣṣifeṯ n Arebbi wenni war nzemmar ca neccin aṯ nẓer. Netta ḏ amenzu iḥekkem x qaƹ min d itwaxeȓqen.

1 Timutawus 1:17

Azeǧiḏ nneɣ aɣares ṯiȓi lƹaḍama i ȓebda n ȓebdaṯ, wenni ƹemmarṣ aḏ ifna ƹemmarṣ aḏ immeṯ wenni war ṯ itwiȓi ḥadd wenni iǧan ḏ Arebbi waḥḏes. Amin.

Iƹibraniyen 13:8

Ƹisa Lmasiḥ netta ḏ ijjen, amecnaw iḍennaṭ amecnaw nhara amecnaw i ȓebda.

Yaƹqub 1:17

Marra ṯimuca ṯiṣebḥanin ḏ lhadiyaṯ ikemȓen tekkent-id zeg ujenna, tasent-id zi Arebbi Babas n nnur. Netta war itbeddiȓ ca am ṯiȓi nni ig igguren.

1 Yuḥanna 1:5

Ḏ wa ḏ awaȓ iy zzayes netsȓa netbeccar-ikenniw zzayes iƹni Arebbi ḏ nnur war ḏayes bu ṯaǧest.

1 Yuḥanna 1:7

Walakin meȓa neggur ḏi nnur mammec iǧa netta ḏi nnur, ataf ntemƹacar ak wayawya ataf iḏammen n Mmis Ƹisa ssiṣfan-aneɣ zi marra ȓmuƹṣiyaṯ.

1 Yuḥanna 4:12

War ḏinni ḥadd ƹemmarṣ iẓra Arebbi. Walakin neccin meȓa ntexs ayawya ataf Arebbi izeddeɣ ḏayneɣ, ȓemḥibbeṯ nnes ṯejjiwen zzayneɣ.

Yahuḏa 1:25

iƹni Arebbi wenni iǧan waḥḏes isenjam-aneɣ. Aɣares ṯiȓi lƹaḍama ḏ ṯuƹȓat ḏ lquwwa ḏ ssulṭa s Ƹisa Lmasiḥ Siḏiṯneɣ iƹni qbeȓ i marra zmanaṯ iy iƹḏun u ḏ ȓexxu u ḏ ȓebda n ȓebdaṯ. Amin.

Lwaḥi 1:6

Igga zzayneɣ ijjen n lmemlaka ḏ ȓfuqaha i Arebbi Babas. Aɣares ṯiȓi lƹaḍama ḏ ȓeḥkam i netta i ȓebda, amin.

Lwaḥi 1:8

Iqqar Siḏi Arebbi: "Nec ḏ lʼalif nec ḏ lyaʼ. Nec ḏ wenni ig iǧan, tuɣa ǧiɣ, ƹaḏ aḏ d aseɣ, zemmareɣ i kuȓci."

Lwaḥi 21:3

Sȓiɣ i yijjen n ṯmijja zi lƹarc ṯeqqar s jjheḏ: "Aqa ṯazeddiɣṯ n Arebbi ak yiwḏan, aḏ izḏeɣ jarasen aḏ iȓin ḏ ccaƹb nnes. Arebbi s yixef nnes akiḏsen yiȓi, u ƹaweḏ aḏ yiȓi ḏ Arebbi nsen.

Lwaḥi 22:5

Zi ssenni aȓ ṯsawent war ḏinni tiȓi bu ǧiȓeṯ, war teḥḏijin ca ṯfawṯ n ȓefnar niɣ ḏ ṯfawṯ n ṯfuct ȓaḥeqqac Siḏi Arebbi netta axasen igg ṯfawṯ nnes. Aḏ ḥekmen i ȓebda n ȓebdaṯ.

Lwaḥi 4:11

"A Mawlana a Siḏi Arebbi nneɣ, ḏ cek iy isḏaheǧen lƹaḍama ḏ uweqqar ḏ jjheḏ, ȓaḥeqqac cek ṯxeȓqeḏ kuȓci, s ȓxaḍar nnec twaxeȓqen-d aqaṯen ǧan."

Lwaḥi 7:12

Qqarent: "Amin! Lḥamed ḏ lƹaḍama ḏ lḥikma ḏ ccuker ḏ uweqqar ḏ ṯzemmar ḏ jjheḏ i Arebbi nneɣ i ȓebda n ȓebdaṯ. Amin!"