1 Timutawus 6:13 - Ṯarifiṯ 2020

¹³ Tweṣṣiɣ-cek zzaṯ i Arebbi wenni iseddaren qaƹ ṯimesȓayin u zzaṯ i Ƹisa Lmasiḥ wenni icehḏen chaḏeṯ nni ṯaṣebḥant zzaṯ i lḥakem Bunṭus Bilaṭus.

1 Timutawus 6:13 ပူးပေါင်းရင်းမြစ်များ

Matta 27:11

Ibedd Ƹisa zzaṯ i lḥakem nni arrumani. Isseqsa-ṯ lḥakem inna-as: "Ma ḏ cek ḏ azeǧiḏ n Ayṯ-Israʼil?" Inna-as Ƹisa: "Aqa ṯenniḏ-t cek."

Matta 27:2

Carfen-ṯ uwin-ṯ aṯ sellmen i lḥakem arrumani umi qqaren Bilaṭus.

Yuḥanna 14:6

Indeq-d Ƹisa inna-as: Nec ḏ abriḏ, nec ḏ lḥaqiqa, nec ḏ ṯuḏarṯ. War d itis uȓa ḏ ijjen ɣar Baba illa zzayi.

Yuḥanna 19:11

Indeq-d Ƹisa inna-as: "War ɣarek bu jjheḏ xafi illa meȓa immuc-ac zi Arebbi. Ƹlaḥsab manaya, wenni iy ḏayi d yuwin ɣarec, ɣares ddnub ktar zzayek."

Yuḥanna 5:21

Mammec d isnekkar Babas yinni immuṯen iticc-asen ṯuḏarṯ, uȓa ḏ Mmis iticc-asen ṯuḏarṯ i yinni ixes.

Yuḥanna 5:26

Am Babas ɣares ṯuḏarṯ ḏeg yixef nnes, ammu iy ḏas yuca i Mmis aɣares ṯiȓi ṯuḏarṯ ḏeg yixef nnes.

Ȓexḏayem 17:25

War xas tsexxiren ca ifassen n bnaḏem, netta war iteḥḏiji walu. Ḏ netta iy d iticcen i marra iwḏan ṯuḏarṯ ḏ buḥbeȓ ḏ marra ṯimesȓayin nneɣni.

2 Ayṯ-Kurinṯ 9:13

Ṣṣaḏaqa-ya ṯuca ddalil xawem, zzayes iy ɣa ḥemḏen ṣṣaliḥin Arebbi. Ṯumnem s Lʼinjil n Lmasiḥ, ṯṭaƹem-as xmi tṣeddaqem aṭṭas xasen u x marra iwḏan.

Ayṯ-Galaṭya 3:26

Ḏi Ƹisa Lmasiḥ aqa kenniw marra iḏwem ḏ ṯarwa n Arebbi s lʼiman.

1 Timutawus 1:12

Tcekkareɣ Siḏiṯneɣ Ƹisa Lmasiḥ wenni iy ḏayi yucin jjheḏ nnes yufa ḏayi ttiqeṯ isiḏef-ayi ɣar ȓxeḏmeṯ nnes.

1 Timutawus 1:15

Aqa ijjen n wawaȓ ḏayes ttiqeṯ u labud aḏ itwaqbeȓ marra, iƹni Ƹisa Lmasiḥ yusa-d ɣar ddunect-a bac aḏ isenjem yinni iƹeṣṣan, zzaysen nec ig iǧan ḏ lƹaṣi ḏ ameqqran xasen marra.

1 Timutawus 2:5

Liʼanna ḏinni ijjen n Arebbi waḥḏes ḏ yijjen lwasiṭ waḥḏes jar Arebbi ḏ yiwḏan iƹni aryaz-a ḏ Ƹisa Lmasiḥ.

1 Timutawus 5:21

Aqa ƹeȓmeɣ-ac zzaṯ i Arebbi ḏ Ƹisa Lmasiḥ ḏ lmalaʼikaṯ itwaxḍaren qa labud aḏ teggeḏ ṯimesȓayin-a bȓa ma aḏ teggeḏ ȓfarz ak can ḥadd bȓa ma aḏ teggeḏ ƹaweḏ s wuḏemawen.

1 Timutawus 6:12

Mneɣ amenɣi nni aṣebḥan n lʼiman, ṭṭef ḏi ṯuḏarṯ nni war ifennin ca aȓ ḏac d iȓaɣa Arebbi wami ṯcehḏeḏ chaḏeṯ nni ṯaṣebḥant zzaṯ i waṭṭas n ȓechuḏ.

Lwaḥi 1:5

U ƹaweḏ akiḏwem yiȓi arḍa zi Ƹisa Lmasiḥ, netta ḏ ccaheḏ ḏayes ȓaman. Netta iy d ixeȓqen ḏ amezwaru n yinni iy d itekkaren zi ȓmewṯ, ḏ netta ig iḥekkmen x izeǧiḏen n ṯmurṯ. Iḥibb-aneɣ, ifekk-aneɣ zi ȓmuƹṣiyaṯ nneɣ s iḏammen nnes.

Lwaḥi 21:6

Inna-ayi: "Ṣafi, itwakemmeȓ. Nec ḏ lʼalif nec ḏ lyaʼ. Nec kuȓci zzayi ig ibḏa, nec kuȓci zzayi iy ɣa ikemmeȓ. Aḏ uceɣ i wenni iffuḏen zi ȓƹunṣar n waman n ṯuḏarṯ baṭeȓ.

Lwaḥi 22:1

Ismeḍhar-ayi-d lmalak nni iɣzar n waman n ṯuḏarṯ ṣfan am jjaj, iteffeɣ-d zi lƹarc n Arebbi ḏ Yizmar

Lwaḥi 3:14

Ari-yas i lmalaʼika n jmaƹṯ n ȓmuminin iy iǧan ḏi ṯendint n Lawdukya, ini-yas qa wenni umi qqaren Amin, netta ḏ ccaheḏ ḏayes ȓaman ḏayes ȓḥaqq, zzayes iy d ixȓeq Arebbi marra, iqqar-ac: