1 Timutawus 6:10 - Ṯarifiṯ 2020

¹⁰ Liʼanna ȓemḥibbeṯ n tmenyaṯ netta ḏ lʼaṣel n waṭṭas n lʼanwaƹ n ccarr. Ȓebƹaḍ n yiwḏan ig itexsen tmenyaṯ aqa ffɣen abriḏ snuqquben ixef nsen s waṭṭas n ȓeḥriqaṯ.

1 Timutawus 6:10 ပူးပေါင်းရင်းမြစ်များ

Matta 13:22

Zzarriƹeṯ nni ig iwḍan jar isennanen nettaṯ am yijjen n bnaḏem iy itesȓan i wawaȓ n Arebbi ḏayes amnus n ddunect, icemmeṯ-iṯ ṭṭmaƹ n wagȓa, ssenni itwajeyyef wawaȓ n Arebbi war ineffeƹ ca.

Matta 23:13

Ya ȓefḍiḥeṯ nwem ay imseȓmaḏen n ccariƹa ḏ ȓḥizeb n ifarrisiyen, a lmunafiqin! Teqqnem ṯawwarṯ n ȓmulk ujenna x yiwḏan. Kenniw war tiḏfem, war tejjim wi ɣa yaḏfen.

Matta 6:19

War snuffureṯ ca ȓkenz nwem ḏi ddunect-a mani yarecca tettent-ṯ ṯkeccawin ḏ mani ǧan iceffaren ccaṯen nqabeṯ tacaren-ṯ.

Marqus 4:19

ḏaysen amnus n ddunect, icemmeṯ-iṯen ṭṭmaƹ n wagȓa, ḏaysen ccehawaṯ n ṯmesȓayin nneɣni, ssenni itwajeyyef wawaȓ n Arebbi war ineffeƹ ca.

Ayṯ-Kulus 3:5

X manaya nɣeṯ min iǧan ḏaywem ḏi ṭṭabiƹa nwem n ddunect-a iƹni lfasad ḏ min ixenzen ḏ ccehweṯ ḏ ȓxaḍar aƹeffan ḏ ṭṭmaƹ ig iǧan netta am lƹibada n lʼaṣnam.

1 Timutawus 3:3

Itxeṣṣa war itegg ca lmadla n ssekra, war icciṯ ca aḏ yiȓi trankiȓ. Itxeṣṣa war itmenɣi ca s wawaȓ, war iḍemmeƹ ca ḏi tmenyaṯ.

1 Timutawus 6:21

Ḏinni ȓebƹaḍ ḏfaren Lƹarfaniya-ya zaƹma menbaƹd ffɣen abriḏ n lʼiman. Aɣarwem yiȓi arḍa i kenniw.

1 Timutawus 6:9

Yinni irezzun aḏ iȓin ḏ twajar ataf aḏ twaɣarran aḏ wḍan ḏeg yijjen n ṯexcebṯ ḏ waṭṭas n ccehawaṯ ig isbuhȓuyen ig isefcaḏen ig isɣerraqen iryazen ḏi arrwina ḏ ȓefna.

2 Timutawus 3:2

Qa iwḏan aḏ texsen ixef nsen, aḏ texsen tmenyaṯ, aḏaysen yiȓi ttakebbur, aḏ semɣaren ixef nsen, aḏ ssiwȓen awaȓ war iḥȓin x Arebbi. War tṭiƹin ca i lwalidin nsen, war tcekkaren ḥadd, war tiȓin ca ṣfan,

2 Timutawus 4:10

Minzi Dimas ismeḥ ḏayi ṯuwi-ṯ ȓemḥibbeṯ n ddunect-a iruḥ ɣar ṯendint n Salunik. Iruḥ Kriskus ɣar lʼiqlim n Galaṭya, iruḥ Titus ɣar jjiheṯ n Dalmasya.

Titus 1:11

Yina aqemmum nsen itxeṣṣa-yasen aḏasen itwaqqen. Niṯni mecḥaȓ n lƹaʼilaṯ kemȓent iy sparḏȓen wami ḏasen seȓmaḏen ṯimesȓayin itxeṣṣa-yasen war ḏasen ṯent seȓmiḏen ca, niṯni ḍemmƹen ḏi tmenyaṯ waha.

Yaƹqub 5:19

Ay ayṯma, can yijjen zzaywem iffeɣ abriḏ n lḥaqiqa. Meȓa yarri-ṯ-id can yijjen nneɣni, itxeṣṣa-kenniw aḏ tessnem belli wenni iy ṯiḏ yarrin zeg ubriḏ nnes n ȓbaṭeȓ ataf isenjem-iṯ zi ȓefna nnes ataf aḏ twaɣfarent aṭṭas n ȓmuƹṣiyaṯ.

Yahuḏa 1:11

Ya ȓefḍiḥeṯ nsen! Tebƹen abriḏ nni n Qabil. Semḥen ḏeg yixef nsen ḍemƹen ḏi tmenyaṯ gguren ḏi lɣaleṭ n Balƹam. Fnan ḏi lḥirak nni n Quraḥ wami iƹarreḍ i Musa.

Lwaḥi 18:13

ḏ ȓqarfa, ḏ lƹiṭar, ḏ tbaxur, ḏ murr, ḏ tbaxur lluban, ḏ waman n uḍiȓ, ḏ zzect, ḏ waren lfurs, ḏ yirḏan, ḏ ifunasen, ḏ iḥuȓiyen, ḏ yiysan, ḏ ikarruṯen, ḏ isemɣan iƹni yiwḏan.